Ri Jeremiy 26:2 - Quiché Bible

² “Chattac'al chuwäch ri wachoch, chabij ronojel ri xatintak wi chi chabij chque ri winak ri e elinak ulok chquipam ri tinimit tak aj Juda che k'ijilanic chupam ri rachoch Dios. Man c'o ta catas canok ri ma ta chabij.

Ri Jeremiy 26:2 ပူးပေါင်းရင်းမြစ်များ

Ri Jeremiy 1:17

Are c'u ri at chc'ol a chuk'ab; Jät jabij c'u chque ronojel ri catintak wi. Maxe'j awib chquiwäch, we c'u man jewa' cabano quinban na chawe chi catbirbit chquiwäch.

Ri Jeremiy 1:7

Are' c'u ri Ajawaxel xubij chwe: “Mabij chi sibalaj c'ä at c'ojol. At catbe na jawije' ri catintak wi, cabij c'u na ri catintak che u bixic.

Ri Jeremiy 19:14

Bantajinak chi c'u wa', ri Jeremiy xtzelej ulok pa Topet, ri takom wi bic rumal ri Ajawaxel che tzijonem pa ri u bi', xutac'aba' c'u rib cho ri uwo ja rech ri rachoch Dios, xubij c'u che ronojel ri tinimit:

Ri Jeremiy 23:28

¡We jun k'axal tzij c'o jun richic', chubij chi jun ichic', we c'u cuc'am ri nu tzij chuya' u bixic ruc' jicomal! Man cuya' taj cajunamataj ta ri pajo ruc' ri trico. Ri nu tzij jacha' ri k'ak', jacha' jun bajibal ri cuban ch'akatak che ri abaj. In ri Ajawaxel quinjiquiba' u bixic.

Ri Jeremiy 25:2

Ri k'axal tzij Jeremiy xuya' ri tzijol che ronojel ri tinimit Juda xukuje' chque conojel ri aj Jerusalen. Xubij:

Ri Jeremiy 28:5

Ri k'axal tzij Jeremiy xutzelej u bixic che ri k'axal tzij ri Hananiy, chquiwäch ri e cojol tabal tok'ob xukuje' chuwäch ronojel ri tinimit ri cärik taj chupam ri rachoch Dios:

Ri Jeremiy 36:10

Ri Baruc xbe chuwäch ri nabe uwo ja rech ri rachoch ri Dios, chuchi' ri C'ac' Oquibal, kas chuchi' ri alaj rachoch ri Jemariy, u c'ojol ri Sapan ri tz'ibal tzijol, xusiq'uij chuwäch ronojel ri tinimit, ri botobic wuj ri e tz'ibatal wi tak ri e u tzij ri Jeremiy.

Ri Jeremiy 42:4

Ri Jeremiy xutzelej u bixic chque: “Utz ri'. Quinbochi'j ri Ajawaxel ri i Dios piwi', jacha' ri i tz'onon chwe, quinya' c'u na retamaxic chiwe, man c'o ta jas ri quinc'u' ta can chiwäch.”

Ri Jeremiy 7:2

“Chaya' awib chuchi' ri oquibal chupam ri rachoch ri Ajawaxel chaya' c'u retamaxic we takquil ri' chila': Winak iwonojel ri quixel pa Juda, ri quixoc'ow chi' tak we oquibal ri' che u k'ijilaxic ri Ajawaxel, chitatabej we takquil ri'

Ri Jeremiy 7:27

At, Jeremiy, chebabij conojel we jastak ri' chque, pune' man cacaj catquitatabej; charaka' achi' chque, pune' man c'o ta jas caquitzelej u bixic chawe.

Ri Ezequiel 3:10

Xubij c'u chwe: “Kas chatoc il che u tatabexic ri quenbij na chawe, chacojo' c'u pa a jolom.

Ri Ezequiel 33:7

At c'ut winak, in, at nu cojom jacha' che yuxlenel che ri tinimit Israel. At rajawaxic quebac'am ri e tzijol ri quebeya' c'u quibixic chque.

Ri Ezequiel 40:4

We achi ri' xubij chwe: “Utz rilic chabana', utz u tatabexic chabana'; kas chatoc il che ronojel ri quenc'utu' chawäch, are' ri Dios xatc'amow ulok waral rech quinc'ut chawäch. Chaya' c'u u bixic che ri tinimit Israel ronojel ri cawilo.”

Ri Matey 28:20

Chebitijoj che u nimaxic ronojel jas ri xixintak wi. Chiwilampe', in c'o iwuc' ronojel k'ij c'ä pa ri u q'uistajic ri uwächulew.”

Ri Lucax 19:47

Ronojel k'ij quebutijoj ri winak pa ri rachoch Dios. Are c'u ri e qui nimakil ri e cojol tak tabal tok'ob cuc' ri ajtijab re ri pixab xukuje' ri qui nimakil ri winak cäquitzucuj u cämisaxic.

Ri Xuan 18:20

Ri Jesus xubij che: “Ri in xebentijoj conojel ri winak chi sakil. Amak'el xebentijoj chupam ri ja ri cäquitijoj wi quib ri aj judeyib che ri pixab xukuje' pa ri rachoch Dios, jawije' cäquimulij wi quib conojel ri aj judeyib. Man c'o ta c'u jas nu tzijom chi c'uyal.

Ri Xuan 8:2

Sibalaj ak'ab xopan chi jumul pa ri rachoch Dios. Conojel ri winak xebopan ruc'. Xt'uyi' c'ut, xebutijoj.

Hechos 20:20

Man c'o ta jun jasach ri c'o quechbex che, ri ma ta xinbij chiwe, ronojel xixintijoj che, chquiwäch ri winak xukuje' pa tak iwachoch.

Hechos 20:27

Nu tzijom c'u ronojel ri u chomanic ri Dios chiwe. Man c'o ta jas ma ta xinbij chiwe.

Hechos 5:25

Te c'u ri' xpe jun, xuya' u bixic chque: “Ri achijab ri xebecoj alak pa che', e tac'atoj pa ri rachoch Dios, cätajin quebequitijoj ri winak.”

Hechos 5:42

Ronojel k'ij c'ut quebe pa ri rachoch Dios, quebe cho tak ja, man cäquitänaba' ta ri qui tijonic, man cäquitänaba' ta ri u tzijoxic ri Jesus ri Crist, chque ri winak.

U Camulixic ri Pixab 12:32

Chitakej ba qui banic ronojel ri ix nu takom wi, c'o mit'ik che mawi c'o miwesaj che.”

U Camulixic ri Pixab 12:5

chquixo'l tak ri iwamak' ri Ajawaxel cucha' na jun c'olbal ri cäjeki' wi na ri u bi', chila' c'u quixbe wi na che u k'ijilaxic.

U Camulixic ri Pixab 4:2

Miya' u wi' mawi c'o miwesaj che ri quixintak wi; chixoc che qui nimaxic ri e u takomal ri Ajawaxel ri i Dios, ri quixintak wi.

Ri Josue 8:35

Man c'o ta xa ta ne jun tzij che ronojel ri takaninak wi ri Moises, ri ma ta xuya' u siq'uixic ri Josue chquiwäch conojel ri aj israelib, chi ixokib chi ac'alab, xukuje' ne ri man e qui winakil taj ri e jekel chquixo'l.

Apocalipsis 22:19

We c'o jun ri c'o cäresaj chque tak we tzijol ri' ri e yo'm quibixic ri e c'o pa we wuj ri', ri Dios cäresaj na ri re che ri che' re c'aslemal, xukuje' che ri tastalicalaj tinimit ri tz'ibatal pa we wuj ri'.