Ri Jeremiy 2:3 - Quiché Bible

³ Ri Israel u jachom rib che nu nimaxic, are' ri utzalaj u wächinic ri nu tico'n. We c'o jachin jun cuban c'ax che, ri in quinc'äjisaj u wäch quebentak ulok nimak tak c'axc'ol puwi'. In, ri Ajawaxel, quinjiquiba' u bixic.”

Ri Jeremiy 2:3 ပူးပေါင်းရင်းမြစ်များ

Elem 22:29

Mabey awib che qui c'amic ulok ri a sipanic re ronojel ri a tico'n xukuje' re ronojel ri a uva. Ri a c'ojol ri nabeal caya' na chwe,

Elem 23:16

Chabana' xukuje' ri nimak'ij rech ri qui molic ri nabe tak u wächinic ri xatic pa ri ulew, xukuje' ri nimak'ij rech ri u yaquic ri u wäch ri ulew rech ri u q'uisbal ri junab, aretak caq'uis qui mulixic conojel ri qui wäch ri a tico'n.

Ri Isaiy 41:11

Conojel ri cäquetzelaj a wäch quel na qui q'uixbal, quemach'i na ri cäquitij qui chuk'ab chawij xa jumul cäq'uis na tzij paquiwi'.

Ri Isaiy 47:6

Aretak xyactaj woyowal ruc' ri nu tinimit, xinjach ri kas nu nim tinimit pa ri q'uixbal, xinya' be che chi cäkaj pa a k'ab. Man xatok'obisaj ta c'u qui wäch, xacoj ri alalaj awekebal paquiwi' ri ri'jab.

Ri Jeremiy 12:14

Jewa' cubij ri Ajawaxel chque ri e itzel tak tinimit, ri e u c'ulja ri Israel, ri quisachisam u wäch ri ulew ri xuya' are' jacha' che echbal che ri u tinimit Israel: “In quebenbok na chupam tak ri culew, quinwesaj c'u na ri Juda pa quiniq'uiajil wa'.

Ri Jeremiy 2:4

Rija'lil tak ri Jacob, achalaxic tak aj Israel, chitatabej ri u tzij ri Ajawaxel.

Ri Jeremiy 30:16

Ronojel c'ut ri catbik'owic cäbik' na, conojel c'ut ri caquiban qui c'ulel chawe quec'am na bic pa jun ulew chic; quinban na chi quetolobax ri caquitoloba' chban c'u eläk' cuc' ri caquiban eläk' chawe.

Ri Jeremiy 50:7

Aretak queriktaj cumal ri qui banom qui c'ulel chque caquibij c'ut: ‘Man ka mac taj, rumal rech chi ri e are' xemacun chuwäch ri Ajawaxel, ri jicalaj tzukul quech, ri queyebal c'u'x ri e qui mam.’

Ri Joel 1:3

Chitzijoj chque tak ri e i c'ojol e are chi c'ut ri e are' caquitzijoj chque ri e quech, e are' chi c'u wa' chque ri c'äte quebalax na.

Ri Amos 6:1

¡Tok'ob qui wäch ri cuc'am jun ch'uch'ujalaj c'aslemal pa Sion! ¡Tok'ob qui wäch ri e jekejoj ri qui cuban qui c'u'x chrij ri Samar, ri e c'amal tak u be ri nim tinimit ri nim na qui banic, ri quecuq'uij ri aj israelib!

Ri Habacuc 1:11

Queboc'owic jacha' jun quiakik' jäb, man c'o ta dios caquiya' ta u k'ij xane' xuwi ri qui chuk'ab.”

Ri Zacariy 1:15

Rumal ri' nicowinak ri nu c'anal che u banic c'ax chque tak we nimak tak tinimit ri', ri man c'o ta jas queboc ta wi il chi, aretak ri in man nimatajinak taj ri woyowal, xetoban che u nimatijisaxic ri etzelal.

Ri Zacariy 2:8

Ri Ajawaxel ri c'o ronojel u cuinem in u takom che u ya'ic we tzijol ri' che u banic c'ax chque ri nimak tak tinimit ri xixquitoloba'. “Apachin ta ne ri cänakow ri nu tinimit cunak ri u c'u'x ri e nu bak'wäch. Rumal ri' kas in quintij na nu chuk'ab chquij tak we nimak tak tinimit ri', quinban c'u na chi kas e are' ri e qui lok'om pataninelab quetolobanic.” Je wa' cuban na ri Ajawaxel ri c'o ronojel u cuinem che u c'utic ri u juluwem, je c'u ri' qui ch'ob na ix chi are' xintakow ulok.

Ajilanic 18:12

Xukuje' quebenya' ri nabe tak wächinic ri quequic'am ulok ri aj israelib chwe chujunab: ri aseit ri utz na ri u wa'l uva, xukuje' ri re ri trico.

Romanos 11:16

We tastal che ri Dios ri nabe wa ri quel che ri k'or, jeri' conojel ri wa e tastalic. We ri u xe' ri che' tastalic, jeri' conojel ri e u k'ab e tastalic.

Romanos 16:5

Xukuje' chiya' rutzil qui wäch ri kachalal ri cäquimulij quib pa cachoch ri Prisil rachil ri Aquil. Chiya' rutzil u wäch ri Epenet, ri are' aj Asiy are' nabe cojonel che ri Crist.

Efesios 1:4

Ri Dios xujucha' pa ri Crist aretak c'ä majok cätiquitaj ulok ri uwächulew, rech cujux tastalic tak winak, cujc'oji' chuwäch ri are', man c'o ta ka mac.

U Camulixic ri Pixab 14:2

Ix c'u jun tinimit ri ix tastajinak che u ternexic ri Ajawaxel ri i Dios, are' ix chowinak chquixo'l conojel tak ri tinimit cho ri uwächulew rech ix ri tinimit ri quixux rech.”

U Camulixic ri Pixab 26:19

Ri are' cuban na jun nim tinimit chawe ri nim u k'ij, ri utz u tzijol, ri cäya' na u k'ij chquiwäch conojel ri nimak tak tinimit ri xebubano, je c'u catux na jas ri u bim, jun tinimit ri u jachom rib pa u k'ab ri Ajawaxel ri a Dios.”

U Camulixic ri Pixab 7:6

Rumal rech chi ri ix ix jun tinimit ri ix tastalic che u patanixic ri Ajawaxel; ri i Dios ix u cha'om chquixo'l conojel tak ri tinimit cho ri uwächulew, rech quixux jun tinimit ri nim u k'ij chuwäch.”

Santiago 1:18

Ri are' xuchomaj jas cuban na, xuya' ka c'aslemal rumal ri tzij re kastzij, rech cujux jujun nabe tak qui wächinic ri jastak ri e banom rumal.

1 Pedro 2:9

Ri ix c'ut ix winak ix cha'om, ix ajawinelab xukuje' ix cojol tabal tok'ob, ix winak tastalicalaj tinimit, ix rech ri Dios, rech quiya' u tzijoxic ronojel u wäch utzalaj tak jastak ri cuban ri Dios, ri xixusiq'uij ulok pa ri k'eku'm, xixuya' pa ri u sakil ri sibalaj mayibal.

Apocalipsis 14:4

E are wa' ri man xquitz'iloj ta quib cuc' ixokib, mawi xec'uli'c. Are wa' ri queterenem ri Alaj Chij apawije' ta ne ri cäbe wi. Ri xelok' chquixo'l ri winak che ri Dios xukuje' che ri Alaj Chij, je ta ne ri e nabe tak u wächinic ri tico'n.