Ri Jeremiy 17:6 - Quiché Bible

⁶ Cux na jacha' ri q'uix ri caq'uiy pa ri chaki'j uwo sak, ri man c'o ta jachin quilinic: ri caq'uiy xo'l tak ri abaj, pa ri ulew re atz'am, ri man c'o ta jun winak ri cajeki' ta chila'.

Ri Jeremiy 17:6 ပူးပေါင်းရင်းမြစ်များ

Ucab Ajawinelab 7:2

Ri to'l rech ri ajawinel xutzelej u bixic che ri k'axal tzij: “Pune' ta ne quebujak ta wenta'n ri Ajawaxel pa ri caj, man cuya' taj cac'ulmataj ri a bim.” Xutzelej c'ut u bixic ri Elisey che: “Ri at quebawil na cuc' tak ri a bak'wäch, man catij ta c'u na awe che.”

Ri Job 20:17

Man cacuin taj carechbej ri u q'uiyal ri leche xukuje' ri juyubal räx cab, ri quebelelic e jacha' nima'.

Ri Job 39:6

In xinc'utuw chuwäch, chi ri u c'olbal ri cajeki' wi, are ri chaki'j uwo sak xukuje' tak ri lianic ri e tzatzoj.

Salmib 1:4

Cuc' ri e banal tak etzelal, man je ta c'ulmatajic, e junam ruc' ri pajo ri quebuc'am bic ri quiakik'.

Salmib 107:34

ri ulew ri cäwächinic cuq'uex pa rulewal atz'am rumal ri quetzelal ri winak ri e c'o chila';

Salmib 92:7

We ri e banal tak etzelal xukuje' ri e itzel tak winak queq'uiyic e jacha' ri k'ayes, utz c'u quebelic, xa che u sachisaxic qui wäch chbe k'ij sak.

Ri Isaiy 1:30

Quixux na jacha' jun räx che' ri chaki'j u xak, quixjunamataj na ruc' jun ticonijibal cotz'i'j jawije' ri man c'o ta wi ja'.

Ri Jeremiy 29:32

in, ri Ajawaxel, quinbij chi quenc'äjisaj u wäch ri Semaiy xukuje' ri rija'lil. Man quecanaj ta rija'lil chupam ri nu tinimit, mawi curik ta na rech ri utzil ri quenya' na che ri nu tinimit, rumal c'u rech chi cumal tak ri e u tzij xuc'am bic che nu c'ulelaxic. In, ri Ajawaxel, quinjiquiba' u bixic.”

Ri Jeremiy 48:6

¡Chixanimajok! ¡Chuto'tajisaj rib ri cäcuinic! ¡Chebux jacha' ri quemom q'uix pa ri chaki'j uwo sak!

Ri Ezequiel 47:11

Pa tak c'ut ri suk xukuje' pa tak ri chemelic tak ja' man e c'o ta ja' qui'; chila' cäcanaj wi can ri ja' ri c'a che atz'am, ri na ri quesax wi na ri atz'am.

U Camulixic ri Pixab 29:23

cäquil c'u na chi ronojel ri ulew xa asubre chic, xa atz'am chic xukuje' c'atinak ulew. Man c'o ta chi jas cuya' cätic pa we ulew ri'. Man cuya' ta chic u wächinic mawi k'ayes cäq'uiy chi chuwäch, jas ri xc'ulmatajic aretak xeporox tak ri tinimit re Sodom, re Gomor, ri Adma xukuje' ri Zeboim, ri xsachisax qui wäch rumal ri Ajawaxel pa ri u k'ak'al ri royowal.

K'atal tak Tzij 9:45

ri Abimelec xuq'uis ri jun k'ij che u ch'äquic ri Siquem c'ä xuch'äc na. Xusach c'u u wäch ri tinimit, xebucämisaj conojel ri winak ri e c'o pa ri tinimit, xujopij c'u atz'am pa ri tinimit.