Ri Jeremiy 17:3 - Quiché Bible

³ xukuje' paquiwi' tak juyub ri e c'o pa tak ri ulew. Qui mac tak quech ri e a mac, quinban na chi quebeläk'ax tak ri e a k'inomal xukuje' ri jastak awech ri pakal tak cajil, chi chetolobax tak ri e qui wi' tak ri tastalic tak a juyub pa conojel tak ri e awulew.

Ri Jeremiy 17:3 ပူးပေါင်းရင်းမြစ်များ

Ucab Ajawinelab 24:13

Xuchaplej c'ut ri Nabucodonosor quesaxic conojel ri k'inomal ri e c'o chupam ri rachoch ri Ajawaxel xukuje' ri c'o chupam ri rachoch ri ajawinel je, jacha' ri u yo'm u bixic ri Ajawaxel, xebupaxij conojel ri jastak re k'an puak ri xebuban can ri Salomon ri ajawinel re Israel che ri rachoch ri Ajawaxel.

Salmib 78:58

Xquiyac royowal cumal tak ri qui porobal ri quequik'ijilaj wi tak diosib; xequik'ijilaj tak ri diosib, xquiyac ri rachixomanic.

Ri Isaiy 27:9

Cucuy c'u na ri u mac ri Jacob quebuchup na ri sachinak wi we je cubana' wa': we quebuc'äjij conojel tak ri e u porobal ri quebuk'ijilaj wi tak ri diosib jacha' ri cäban che u c'äjixic ri rabajil chun, mecanaj chi c'u tastalicalaj tak cuta'm, mawi e porobal c'oc' tak k'ol che u ya'ic qui k'ij ri diosib.

Ri Jeremiy 12:12

Paquiwi' conojel ri wuk'uwak tak juyub re ri chaki'j uwo sak xebel wi ulok tokinelab tak winak, rumal rech chi ri in, ri Ajawaxel, c'o jun nu ch'ich' re ch'o'j ri cusachisaj na u wäch ri ulew pa tak ri e u c'ulbatil, man c'o ta c'u jamaril che jachin jun.

Ri Jeremiy 15:13

Qui mac quech ri e a mac Israel, quebenjacha' ri jastak awech xukuje' tak ri e a k'inomal chque tak ri e a c'ulel, ronojel ri c'o pa ri awulew, rech quequic'am bic xak c'u quequicochij bic.

Ri Jeremiy 20:5

Quebenjacha' na xukuje' pa qui k'ab ri c'ulel ri jastak ri pakapoj cajil, xukuje' conojel tak ri e quik'inomal tak ri ajawinelab re Juda, rech quec'am bic pa Babilon.

Ri Jeremiy 21:13

‘Tinimit ri cätakan puwi' ri beya', jacha' jun xäk pa ri lianic, in, ri Ajawaxel, quink'alajisaj wib chi quinban c'ax chawe. Quixcha' ix: ¿Jachin ta lo ri cäcuin ta che ka ch'äquic?

Ri Jeremiy 26:18

“Pa tak ri u k'ijol ri Ezequiy, ajawinel re Juda, ri Miquey aj Moreset xutzijobej ronojel ri tinimit Juda pa ri u bi' ri Ajawaxel, je xubij wa' che: ‘Ri Ajawaxel ri c'o ronojel u cuinem je cubij wa': Ri Sion caq'uextaj pa jun ulew c'upum, Ri Jerusalen cux na jumulaj etzeletajic, ri u wi' ri juyub ri c'o wi ri rachoch Dios cänoj na che patzapak tak k'ayes.’

Juyuwem 1:10

Ri c'ulel u banom rech chque tak ri e u k'inomal ri Jerusalen. Ri tinimit xeril ri e k'ijilal tak diosib quetininic xeboc chupam ri k'ijilabal, ¡Winak, ri yo'm wi la takanic Ajawaxel, chi man cuya' taj queboc chupam ri c'olbal la re mulin ib!

Ri Ezequiel 16:39

Catinjach c'u can pa qui k'ab, rech caquiq'uis tzij paquiwi' tak ri e c'olbal ri xac'ayila' wi awib pa qui k'ab, xukuje' ri xebak'ijilaj wi ri diosib. Quequit'okopila' na tak ri e awatz'iak chawij xukuje' tak ri je'lalaj tak wikbal tak awib, kas c'u c'axalaj a ch'anabaxic caquiban canok.

Ri Ezequiel 23:46

Are wa' cubij ri Ajawaxel: “Chumulij rib ronojel ri tinimit chquij, chubana' chque chi chquixe'j quib chebeläk'ax bic.

Ri Ezequiel 6:3

je chabij wa' chque: ‘Chitatabej, e u juyub tak ri Israel, ri cubij ri Ajawaxel chque tak ri juyub, ri ch'ucuch'ak tak juyub, ri nima' xukuje' tak ri beya': Quenbana' na quebensachisaj c'u na qui wäch ri c'olbal ri quek'ijilax wi tak diosib.

Aj Levitib 26:30

In quebenc'äjij tak ri e i k'ijilabal ri e quech winak ri e k'ijilal tak diosib, quinban na cacab chque ri e i porobal quech c'oc' tak k'ol; quebenmulij na ri e i cuerp ri man c'o ta qui c'aslemal paquiwi' ri qui cuerp ri e i diosib ri man c'o ta qui c'aslemal, quinc'ut c'u na ri woyowal chiwäch.

Ri Miquey 3:12

Man je ta c'u ri', u mac iwech ix, ri Jerusalen, ri tinimit aj juyub Sion, cacanaj canok jacha' jun c'upuj, pa jumulaj etzeletajic, are c'u ri juyub ri' ri c'o wi rachoch Dios cach'ukutaj na cumal patzapak tak k'ayes.

Ri Soponiy 1:13

Rumal ri' ri e u k'inomal quec'otix na bic xukuje' tak rachoch queyojix na. Quequiyac tak na cächoch, man c'u quejeki' ta na tak chquipam; quequitic tak na uva, man caquitij ta c'u na ri u wa'l uva ri quel chque.”