Ri Jeremiy 15:6 - Quiché Bible

⁶ At xinaxutuj canok, are xaya' can ri awij chnuwäch. In, ri Ajawaxel quinjiquiba' u bixic. Rumal ri' in, in k'itajinak che ri coch'onic, quinwalijisaj na ri nu k'ab che u c'äjisaxic a wäch, quinsachisaj c'u na a wäch.

Ri Jeremiy 15:6 ပူးပေါင်းရင်းမြစ်များ

Ri Isaiy 1:4

¡Tok'ob i wäch winak ajmaquib, tinimit nojinak che etzelal, calc'ual itzel tak winak, alc'ualxelab ri e etzelatajinak! Inajtajisam iwib che ri Ajawaxel, i yo'm can ri Tastalicalaj u Dios ri Israel, i xutum canok.

Ri Isaiy 28:13

Rumal ri' ri Ajawaxel quebutzijobej na je ta ne ri e ch'utikab tak ac'alab ri c'äte' cätajin cäquetamaj uwo wuj. Je c'u ri', aretak quebinic quepac'aq'uic quebe na chquij, quesocotaj na, quechaptaj na chupam ri c'amibal, quechaptaj c'u na canok.

Ri Isaiy 31:3

Ri aj ejiptib e winak, man e are' ta ri Dios ri qui quiej xa e ti'j, man e uxlabal taj. Ri Ajawaxel cuyuk na ri u k'ab che u c'äjisaxic qui wäch, ri chajitalic xukuje' ri chajinel quetzak na xa' junam quecäm na conojel.

Ri Jeremiy 1:16

Are c'äjisabal wächaj wa' ri quinya' u bixic chi cäpe na paquiwi' we ajmaquib ri' ri in quixutum, ri xequiporoj c'oc' k'ol xukuje' xequik'ijilaj diosib ri e jule' chiwi ri kas e are' xebanowic.

Ri Jeremiy 13:14

Quebenpaxij c'u na e jacha' k'ebal, ri jun cupak'ij na rib ruc' ri jun chic, tataxelab xukuje' c'ojolaxelab xak quejunamatajic. Man quel ta c'u na nu c'u'x chque; quinsachisaj na qui wäch man ruc' ta elebal c'uxaj xukuje' man ruc' ta tok'obisam wächaj. In, ri Ajawaxel, quinjiquiba' u bixic.’ ”

Ri Jeremiy 2:13

Ri nu tinimit quieb u wäch ri mac u banom: in u q'uiakom canok in, u q'uiyibal c'aslic ja', xequic'ot c'ut ri kas e qui c'ua', c'ua' tak ri e xarxobinak ri man quequic'ol ta ri ja'.”

Ri Jeremiy 2:17

Je a c'ulmam wa' rumal rech chi xinaq'uiak canok ri in, ri in ri Ajawaxel ri a Dios ri quinc'am c'u a be chupam ri be.

Ri Jeremiy 2:19

Ri kas awetzelal cac'äjisan na a wäch, ri man a jiquil taj catc'okon na. Chatchomanok cawil c'u na ri lawaloyil xukuje' ri c'ayil ri uxinak chi quinaq'uiak canok man a yo'm ta nu k'ij in, ri in ri Ajawaxel ri a Dios. In, ri Ajawaxel ri c'o ronojel u cuinem, quinjiquiba' u bixic.”

Ri Jeremiy 20:9

We quinbij: “Man quinchoman ta chic che ri Ajawaxel, mawi jumul quintzijoj chic ri u bi',” are c'u ri tzij la pa ri wanima' cäq'uextaj pa jun k'ak' ri cäjarisanic, ri copan c'ä cho tak ri nu bakil. Quintzucuj u k'atixic man c'u quinticar taj.

Ri Jeremiy 44:22

Are c'u ri Ajawaxel man xcuin ta chi che qui coch'ic ri itzel tak banoj ri xebibano ri sibalaj itzel querilo. Rumal quech wa' ri iwulew c'o pa yojyobic camic ri man c'o ta c'u jun cäjeki' ta chupam; uxinak c'utbal re c'okotajic, pa jun jasach ri cuya' xibriquil.

Ri Jeremiy 6:11

In nojinak che ri oyowal la, Ajawaxel; man quincuin ta chi che u k'atixic.” Ri Ajawaxel xubij chwe: “Chajamij paquiwi' ri alabom pa ri be, paquiwi' tak ri jutak mutzaj c'ojolab. Queyut na bic ri achajilaxelab junam cuc' tak quixokil xukuje' ri nimak tak winak ri q'ui chic qui junab.

Ri Jeremiy 6:12

Ri e cachoch, ri e culew xukuje' ri e quixokil quek'ax na pa qui k'ab jule' chic. Quenwalijisaj c'u na ri nu k'ab che u c'äjisaxic qui wäch ri e jekel chupam we ulew ri'. In, ri Ajawaxel, quinjiquiba' u bixic.

Ri Jeremiy 6:19

Chatatabej, ulew: Quinc'am ulok jun quiäkasakil puwi' ri nu tinimit are' c'u wa' ri xequic'am ulok ri e itzel tak qui banoj; rumal rech chi man xeboc ta il che qui tatabexic ri e nu tzij, xane' man nim ta xquil wi ri tijonic ri xinya' chque.

Ri Jeremiy 7:16

“At, Jeremiy, maban ch'awem wuc' puwi' we tinimit ri', minatok'olej mawi mat tz'onon paquiwi'. Macoj a chuk'ab chwe, man c'u catintatabej taj.

Ri Jeremiy 7:24

Man c'u xeniman ta chwe mawi xquiya' ta qui xiquin chwe, xane' ruc' taquil xquiya' quib xec'am bic rumal ri itzel u chomanic ri canima'. Che u q'uexwäch ri xetzelej ta wuc', are xquiya' can ri quij chnuwäch.

Ri Jeremiy 8:5

Israel, ¿jas c'u che man kas ta at jic chwij? ¿Jas c'u che, Jerusalen kas xa' jumul xinaxutuj? ¿Jas c'u che xacoj a chuk'ab che nu c'ulelaxic a ma ta c'u cawaj cattzelejic?

Ri Jeremiy 8:9

E are' tak c'ut we ajno'jab ri' quemach'irisataj canok, e barabatajinak, e jacha' ri awaj ri e kajinak chupam ri c'amibal. ¿Jawije' c'o wi ri qui no'j, we e qui xutum tak ri e nu tzij?

Ri Ezequiel 14:9

We c'u jun k'axal tzij cuya' jun subunelalaj tzijol, xa' in ri Ajawaxel xinsub we u cawäch k'axal nu tzij ri'; ri in quinwalijisaj ri nu k'ab che u c'äjisaxic u wäch quinwesaj na pa ri nu tinimit Israel.

Ri Ezequiel 25:7

Rumal ri' quenwalijisaj ri nu k'ab che u c'äjisaxic qui wäch quebenjacha' c'u pa qui k'ab ri nimak tak tinimit, rech quequitokij ronojel ri c'o cuc'. Quebenboko' chquixo'l tak ri tinimit, quenbana' na chque chi cäsach qui wäch chquixo'l ri nimak tak tinimit, quensachisaj qui wäch chnimalaj conojel. C'äte c'u ri' caquich'ob na chi in ri' ri Ajawaxel.’ ”

Ri Ezequiel 35:3

Chabij che: ‘Are' wa' cubij ri Ajawaxel: Ri in quink'alajisaj wib chi nu banom nu c'ulel chawe, juyub re Seir, quenc'äjisaj c'u a wäch tolonic catinya' canok xukuje' pa etzeletajic.

Ri Osey 11:7

Ri nu tinimit u takem u najtajisaxic rib chnuwäch; caquirak qui chi' chicaj, man c'o ta c'u jachin ta cäyo'w ta ri to'banic chque.

Ri Osey 13:14

¿La quebentor ta c'ut rech ma ta chekaj pa u k'ab ri mukubal? ¿La quebento'tajisaj ta c'u lo rech ma ta quekaj pa u k'ab ri cämical? ¿Jawije' c'o wi, cämical, ri a cuinem che u sachisaxic wächaj? ¿Jawije' tak e c'o wi, mukubal ri e a lawaloyil? ¡Man quel ta chi na nu c'u'x chque we winak ri'!

Ri Osey 4:16

Ri Israel ri man cäraj ta ch'abexic jacha' jun alaj ati't wacax ri man chaptal taj; je c'u qui banic wa' ¿la quebuchajij ta lo ri Ajawaxel pa je'lic tak yuk'bal, junam we ta e alaj ama'ib tak chij?

Ri Soponiy 1:4

“Quinyuk na ri nu k'ab che u banic c'ax che ri tinimit Juda xukuje' chque ri e jekejoj pa Jerusalen. Quinchupisaj na chupam we c'olbal ri' ronojel ri u nataxic ri dios Baal, xukuje' tak ne ri qui bi' tak ri e u cojol tabal tok'ob.

Ri Zacariy 7:11

Are c'u ri tinimit xuk'il rib man xraj taj xnimanic. Conojel are xquiya' ri quij xquiban quib chi man queta'm taj.