Ri Jeremiy 11:6 - Quiché Bible

⁶ Xubij c'ut ri Ajawaxel chwe: “Chaya' u bixic we tzijol ri' pa tak ri tinimit re Juda xukuje' xo'l tak ri ja pa Jerusalen. Chabij chque ri winak: ‘Chebitatabej jachique tak ri cubij ri c'ulwächinic, chebitz'akatisaj c'ut qui banic.

Ri Jeremiy 11:6 ပူးပေါင်းရင်းမြစ်များ

Salmib 15:5

ri cuya' u rajil pa jalomal ri man cutok'ij ta kajebal rech, ri man cuc'am ta u pa k'abaj che u banic c'ax che ri man c'o ta u mac. Ri je u c'aslemal wa' mawi jumul catzak ta na.

Ri Isaiy 58:1

Ri Ajawaxel xubij chwe: “Co charaka' a chi' maxe'j awib, co charaka' a chi' jacha' jun trompet chayaja' ri nu tinimit qui mac ri e u chak'maquil, ri u tinimit ri Jacob qui mac ri e u mac.

Ri Jeremiy 19:2

Chatel c'u bic jät pa ri Beya' re Ben-inom, chuwäch ri Oquibal ri e c'o wi tak ri Bo'j, chaya' c'u u bixic chila' ri tzijol ri quinya' u bixic chawe.

Ri Jeremiy 2:2

“Jät jatzijobej ri tinimit Jerusalen; charaka' a chi' rech utz u tatabexic cäquibano: ‘¡Jewa' cubij ri Ajawaxel! Cänataj chwe chi aretak c'ä at ac'al, jic xatbin chnuwäch, chi' aretak xatux wixokil xinalok'ok'ej, xatteri c'u chwij pa ronojel ri chaki'j uwo sak, ulew ri man c'o ta cätic chuwäch.’

Ri Jeremiy 3:12

Jät jaya' u bixic wa' ri xinbij chawe cäbe a wäch pa ri riquiak'ab ri elebal k'ij: ‘Ri Ajawaxel cujiquiba' u bixic: ¡Chattzelej ulok wuc', Israel c'ulelanel! Man xak ta c'ax chwe catinc'amowaj mawi quinjekeba' ri woyowal amak'el chbe k'ij sak, rumal rech chi in aj utzil. In ri Ajawaxel, quiya' ri nu tzij.

Ri Jeremiy 7:2

“Chaya' awib chuchi' ri oquibal chupam ri rachoch ri Ajawaxel chaya' c'u retamaxic we takquil ri' chila': Winak iwonojel ri quixel pa Juda, ri quixoc'ow chi' tak we oquibal ri' che u k'ijilaxic ri Ajawaxel, chitatabej we takquil ri'

Ri Zacariy 7:7

¿La xa' ma ta e are' junam tak tzij wa' ri xuya' u bixic ri Ajawaxel cumal ri ojer tak e k'axal tzij, aretak ri Jerusalen c'o pa jamaril nojinak c'u chque winak, xukuje' tak c'u e qui banom ri tinimit tak ri e c'o tak che u c'ulja xukuje' tak ri rulewal ri Negueb xukuje' ri lianic?

Ri Xuan 13:17

We iweta'm we jastak ri', ix tewichitalic we quibano.

Romanos 2:13

Man e are ta c'ut ri xak caquita' ri pixab e suc' chuwäch ri Dios, xane' e are ri queniman ri pixab quek'alajisaxic chi e suc'.

U Camulixic ri Pixab 4:1

“Camic c'ut aj israelib, chitatabej ri pixab, ri takanic, ri e nu c'utum chic chiwäch, chebinimaj rech quixc'asi'c quixoc c'u che rechbexic ri ulew ri cuya' ri Ajawaxel chiwe ri qui Dios ri e i mam.

U Camulixic ri Pixab 4:5

Ix ix nu tijom che ri pixab xukuje' tak che ri pixab ri e tz'ibatalic ri xuya' wi takanic ri Ajawaxel ri nu Dios chiwe chi quebibana' pa ri ulew ri quebilatz'obej.

Santiago 1:22

Chinimaj ri tzij, chibana' jas ri cubij, man xuwi ta quita' ri tzij. We ta xak je quibano, quisub iwib.