Ri Jeremiy 10:9 - Quiché Bible

⁹ Ri e qui diosib e xa' sak puak ri c'amom ulok pa Tarsis xukuje' k'an puak aj Upas; jastak ri e banom cumal josol tak diosib, xukuje' ch'ayal tak sak puak cojom c'u tak catz'iak morato xukuje' quiäk. Conojel e banom cumal nawinelalaj josol tak diosib.

Ri Jeremiy 10:9 ပူးပေါင်းရင်းမြစ်များ

Salmib 115:4

Ri e qui diosib ri winak e re k'an puak xukuje' sak puak, e jastak ri e qui banom ri winak cuc' tak ri qui k'ab:

Ri Daniel 10:5

Xtaki' c'u apan nu wäch, xinwil c'u jun achi e u cojom sakloloj atz'iak re lino xukuje' jun ximibal u pam re utzalaj k'an puak.

Ri Isaiy 40:19

Jun josol dios cutac'aba' jun wächbal, jun ch'ayal puak cuch'uk rij che k'an puak xukuje' cuban jun u chachal re sak puak.

Nabe Ajawinelab 10:22

ri e u jucub tak ri ajawinel ri quebe pa Tarsis xa' jumul quebec quetzelej ulok pa oxib junab, cachil tak quib cuc' tak ri u jucub ri Hiram, cuc'am ulok k'an puak, sak puak, marpil, c'oyab xukuje' tak juyubal no'sab cotz'i'j quij.

Ri Ezequiel 27:12

Sibalaj c'u nim ri a k'inomal, chi ri Tarsis cac'ayinic xukuje' calok'oman awuc', che u q'uexwäch ri cac'ayij che cuya' sak puak, sak ch'ich', xukuje' räxmamaj ch'ich' chawe.

Salmib 72:10

¡Chec'am tak ulok sipanic che xukuje' tak cuchuj cumal ri ajawinelab aj Tarsis xukuje' cumal ri tak ri tinimit ri e c'o chupam ri plo, ri ajawinelab re Saba xukuje' ri e rech Seba!

Ri Isaiy 23:6

Cäquibij na: “Jix pa Tarsis, chiq'uisa' iwib che ok'ej, aj tak'ajalib.”

Ri Ezequiel 27:7

Ri c'amal a be lino cojom che u banic tz'otom pa Ejipt cajwataj che etal chawe; ri atz'iak ri cätanix chupam ri a jucub e re morato xukuje' quiäk ri e c'amom ulok pa ri tak'aj aj Elis.

Ri Jonas 1:3

Ri Jonas ri are ta xnimanic, xane' xa' xa'nimaj chuwäch ri Ajawaxel xbec jawije' c'o wi ri elebal pa Jop, chila' c'u xurika' wi jun jucub ri benam cuban pa Tarsis; xutoj c'ut ri u c'amic bic xoc chupam ri jucub rech cäbe cuc' ri winak ri quebe pa Tarsis.

Ri Habacuc 2:19

¡Tok'ob a wäch, chi che jun dios re che' cabij wi chac'astajok, xukuje' c'u che jun memalaj abaj, chi chatac'alok! ¿La quecuin ta c'u lo wa' quequiya' ta jun tzijol? ¡Jayi', rumal rech chi man c'o ta qui c'aslemal pa quech wi, pune' ta ne ch'ukum tak quij ruc' k'an puak xukuje' sak puak!

Ucab Tzijobelil 9:21

quebec'uya' ri e u jucub ri ajawinel pa Tarsis cuc' ri achijab ri e pataninel tak rech ri Hiram, quetzelej c'u ulok chu ox ox tak junab, quebequic'ama' ulok k'an puak, sak puak, marpil, c'oyab xukuje' tak e u juyubal no's ri cotz'i'j tak quij.