Ri Hajey 2:3 - Quiché Bible

³ “Ri xquil can ri jun rachoch Dios chic ruc' ronojel ri u je'lical, chiquibij ri qui chomanic che ri c'o chkawäch camic. ¿La ma ta caquilo chi man c'o ta u patan we cäjunamax ruc' ri jun chic?

Ri Hajey 2:3 ပူးပေါင်းရင်းမြစ်များ

Nabe Tzijobelil 22:5

Cuchomaj c'ut ri David: “Ri nu c'ojol Salomon sibalaj c'ä ac'al na, c'ä maja' na ri u junab, are c'u ri rachoch Dios ri rajawaxic u yaquic che ri Ajawaxel are' ri sibalaj nim na, nim u k'ij, xukuje' je'l na pa ronojel ri uwächulew jeri' quintz'akatisaj na canok ronojel ri cajwataj che u yaquic.” Rumal ri' ri David xumulij can ronojel ri cajwatajic c'ä majok checämok.

Ri Esdras 3:11

Jujun caquibixoj tak bix, jule' chi c'ut je u tzelexic u wäch wa' caquibano: “Chebiya' tak maltioxinic che ri Ajawaxel, rumal rech chi utz ri are', rumal rech chi junalic ri lok'ok'ebal u c'u'x che ri Israel.” Ronojel c'ut ri tinimit curak u chi' rumal quicotemal, cäk'ijilan c'u che ri Ajawaxel, chapletajinak chi c'u u banic u yaquic ri Rachoch ri Ajawaxel.

Ri Esdras 3:12

E q'ui c'ut chque ri e cojol tabal tok'ob, aj levitib xukuje' ri e c'ämal qui be jujun tak ja winak, ri e ri'jab tak winak chic ri quilom can ri nabe Rachoch Dios xquitzokopij ok'ej ruc' rakoj chi'aj rumal rech chi caquilo chi cächaplex u yaquic we c'ac' Rachoch Dios ri'. E q'ui chi c'u na ri xukuje' caquirak qui chi' rumal quicotemal.

Ri Isaiy 64:10

Ri e tastalic tak tinimit la e uxinak chaki'j uwo sak, ri Jerusalen etzelatajinak, wulijinak.

Ri Ezequiel 7:20

Rumal ri u je'lical ri wikbal quib xak lok' xquinojisaj quib che ri u nimarisaxic qui k'ij, are c'u xquicoj wa' che qui banic tak ri xojibalalaj tak qui wächbal tak ri e qui diosib, rumal ri' ri in quinban na chi we wikbal tak iwib ri' quebux mes.

Ri Hajey 2:9

We ucab wachoch ri' c'o na ri u je'lical chuwäch ri nabe. Quinban c'u na chi cac'oji' jamaril chupam we c'olbal ri'. In, ri Ajawaxel ri c'o ronojel u cuinem, quinjiquiba' u bixic.”