Ri Ester 9:3 - Quiché Bible

³ Conojel ri k'atal tak tzij ri e c'o pa ri u tz'akatil ri ajawibal, ri takanelab paquiwi' pa tak ri culewal ri takanelab paquiwi' tz'akatil, ri nimak tak tinimit, xukuje' ri e c'o nimak tak quekle'n pa ri k'atbal tzij xequito' tak ri aj judeyib rumal xe'n ib chuwäch ri Mardoquey,

Ri Ester 9:3 ပူးပေါင်းရင်းမြစ်များ

Ri Esdras 2:2

c'amom qui be rumal ri Zorobabel, ri Jexu, ri Nehemiy, ri Seraiy, ri Reelaiy, ri Mardoquey, ri Bilsan, ri Mispar, ri Bigbay, ri Rehum, xukuje' ri Baan:

Ri Esdras 8:36

Xquijach c'ut ri takanic ri u yo'm ulok ri ajawinel chque tak ri k'atal tak tzij re ri ajawinic, xukuje' chque ri k'atal tak tzij re ri rajawibal ri c'o pa ri u kajebal k'ij che ri nima' Euprats, ri xequiya' to'banic che ri tinimit xukuje' che ri Rachoch Dios.

Ri Ester 3:12

Chupam ri oxlajuj (13) rajilabal ri nabe ic' re ri junab xesiq'uix ri rajtz'ibab ri ajawinel, ri xquitz'ibaj ri u takanic ri Aman chque ri k'atal tak tzij ri e c'o pa ri e u tz'akatil ri ajawibal xukuje' chque tak ri takanelab ri quetakan paquiwi' ri ajch'ojab pa jujun tak c'olbal, xukuje' chque ri qui nimakil ri tinimit. We takanic ri' xetz'ibax pa tak ri qui tz'ib xukuje' pa tak ri kas qui ch'abal ri e u tz'akatil ri ajawibal, pa tak ri kas qui ch'abal conojel tak tinimit, ri xetz'ibax bic pa ri u bi' ri ajawinel Asuer, xet'ik c'u bic ruc' ri u t'ikbal ri ajawinel,

Ri Ester 8:17

Pa conojel u tz'akatil ri ajawibal, pa conojel tak tinimit xukuje' tak c'olbal jawije' tak ri copan wi ri u takanic ri ajawinel, ri aj judeyib xenoj che quicotemal xukuje' jajatem, xequiban tak wa'im cuc' tak nimak'ij. E q'ui c'u na chque ri winak re ri ulew xebux aj judeyib, rumal rech chi xech'äcataj rumal ri xe'n ib chquiwäch ri aj judeyib.

Ri Ester 8:5

Xubij: “We ri ajawinel utz che, we c'u cuchomaj chi suc' ri quintz'onoj, we c'u ri ajawinel quinraj xukuje' utz c'u quinril wi, chtz'ibax bic jun takanic che u chupisaxic tak ri wuj ri e u takom bic ri Aman che u sachisaxic qui wäch ri aj judeyib ri e c'o pa conojel ri u tz'akatil ri rajawibal ri ajawinel.

Ri Ester 8:9

Ruc' aninakil xesiq'uixtax ri rajtz'ibab ri ajawinel. Chupam ri juwinak oxib ri rajilabal ri urox ic', are ri ic' re Siban. Ronojel c'ut ri takanic ri xuya' ri Mardoquey xtz'ibax bic chque ri aj judeyib, chque ri k'atal tak tzij, ri quetakan paquiwi' ri culewal ri nimak tak tinimit, xukuje' chque tak ri niq'uiaj chic ri quetakan paquiwi' ri juwinak wukub (127) nimak tak tinimit ri u tz'akatil ri ajawibal ri quechaptaj ulok kas pa ri India queq'uis c'ä pa ri Etiopiy, pa ri qui ch'abal xukuje' pa ri kas qui tz'ib conojel ri u tz'akatil ri ajawibal. Xukuje' chque ri aj judeyib xetz'ibax bic pa ri qui ch'abal xukuje' pa ri qui tz'ib.

Ri Daniel 3:2

Xutak c'u qui siq'uixic conojel ri k'atal tak tzij ri e c'o pa ri nimak tak tinimit, ri qui nimal tak ri ajch'ojab, ri k'atal tak tzij ri e c'o pa ri u tz'akatil ri ajawibal, ri e ya'l tak no'j, ri e c'olol tak puak, ri e k'atal tak tzij, ri e takanelab, xukuje' niq'uiaj k'atal tak tzij chic ri e c'o pa ri ajawibal rech quec'oji' pa ri rawasixic ri u wächbal winak ri takaninak che u banic.