Ri Ester 8:8 - Quiché Bible

⁸ Quinya' pa i k'ab chi chitz'ibaj bic pa ri nu bi', ri utz na quiwilo che u to'ic quib ri aj judeyib. ¡Chebit'ika c'u bic tak ri wuj ruc' ri u t'ikbal ri ajawinel!” (Jun wuj ri tz'ibam pa ri u bi' ri ajawinel, ri xukuje' t'ikom ruc' ri u t'ikbal, man cuya' taj cächupisaxic.)

Ri Ester 8:8 ပူးပေါင်းရင်းမြစ်များ

Nabe Ajawinelab 21:8

Xebutz'ibaj c'u tak wuj pa ri u bi' ri Acab, xebut'ic bic ruc' ri u mulk'ab ri ajawinel; xebutak c'u bic chque ri nimak tak tatayib xukuje' ri c'amal tak be ri e jekel pa ri u tinimit ri Nabot.

Ri Ester 1:19

Rumal c'u ri', we utz chwäch la, chi chyok retamaxic we pixab ri re ri ajawinel ri quetz'ibaxok, chi tz'ibax c'u chquixo'l tak ri qui pixab ri aj Porsiy xukuje' ri e aj Med, rech man cachupisax taj: ‘Ri ixok ajawinel Basti mawi ta chi jumul culutac'aba' ta chi rib chuwäch ri ajawinel,’ Are' c'u ri bi'aj ixok ajawinel chyok chi che jun ixok ri cataki na che.

Ri Ester 3:12

Chupam ri oxlajuj (13) rajilabal ri nabe ic' re ri junab xesiq'uix ri rajtz'ibab ri ajawinel, ri xquitz'ibaj ri u takanic ri Aman chque ri k'atal tak tzij ri e c'o pa ri e u tz'akatil ri ajawibal xukuje' chque tak ri takanelab ri quetakan paquiwi' ri ajch'ojab pa jujun tak c'olbal, xukuje' chque ri qui nimakil ri tinimit. We takanic ri' xetz'ibax pa tak ri qui tz'ib xukuje' pa tak ri kas qui ch'abal ri e u tz'akatil ri ajawibal, pa tak ri kas qui ch'abal conojel tak tinimit, ri xetz'ibax bic pa ri u bi' ri ajawinel Asuer, xet'ik c'u bic ruc' ri u t'ikbal ri ajawinel,

Ri Ester 8:10

Ri wuj tak xetz'ibax bic pa ri u bi' ri ajawinel Asuer aretak c'u xet'iktaj bic ruc' ri u t'ikbal ri ajawinel, xeya' bic chque ri e jachal tak wuj, ri xequiquejej bic tak quiej ri sibalaj aninak quebinic ri xebesax bic chquixo'l tak ri e u quiej ri ajawinel.

Ri Ester 8:5

Xubij: “We ri ajawinel utz che, we c'u cuchomaj chi suc' ri quintz'onoj, we c'u ri ajawinel quinraj xukuje' utz c'u quinril wi, chtz'ibax bic jun takanic che u chupisaxic tak ri wuj ri e u takom bic ri Aman che u sachisaxic qui wäch ri aj judeyib ri e c'o pa conojel ri u tz'akatil ri rajawibal ri ajawinel.

Ri Daniel 6:8

Rumal c'u ri', chya' tzij la che u tz'akatisaxic u banic we takanic ri', chtz'ibaj ri bi' la chuxe' rech man cuya'taj cäjalc'atixic, je cäcanajic jacha' ri qui pixab ri aj medib xukuje' ri aj persib, ri man cuya' taj chi ma ta cäbanic jas ri cubij.”

2 Timoteo 2:19

Pune' ba jewa' tajin caquibano, are c'u ri u tac'alibal ri Dios co tac'alic, keta'm chi kastzij rumal we tzij ri': “Ri Ajawaxel cuch'ob qui wäch ri e rech”, xukuje' ri jun tzij chic: “Ronojel winak ri cubij chi cojoninak che ri Ajawaxel, chutasa' rib chrij ri etzelal.”