Ri Ester 8:16 - Quiché Bible

¹⁶ chque c'ut ri aj judeyib ronojel xuxic sakil, quicotemal, jajatem xukuje' xya' qui k'ij.

Ri Ester 8:16 ပူးပေါင်းရင်းမြစ်များ

Ri Ester 4:16

“Choj la chemulij la conojel ri aj judeyib ri e c'o pa Sus, rech man quewa' taj che nu to'ic. Mewa'ic xukuje' mebuq'uianic oxib k'ij xukuje' oxib ak'ab. Ri nu pataninel tak we xukuje' ri in junam quekaban na ke, xuwi c'u cabantaj wa' quinbe che rilic ri ajawinel, pune' c'u man cätajin ta quinnimaj ri pixab. We c'u quincämisaxic, chincämisax ka wi.”

Salmib 112:4

Junam ruc' jun chäj pa ri k'ekumalil, ri cäjuluw chque ri winak ri e tz'akatisanelab pa ronojel. Tok'obisal wächaj ch'uch'uj, xukuje' suc';

Salmib 118:27

Ri Ajawaxel are' Dios; ¡are' cujtunanic! Chichaplej ri nimak'ij, chebic'ama' bic qui k'ab tak che' c'ä cuc' tak ri ruc'a' ri porobal.

Salmib 18:28

Lal, Ajawaxel, cäya' la nu chäj; lal nu Dios, cätununisaj la ri nu k'ekumalil.

Salmib 30:12

Rumal ri', Ajawaxel xukuje' Dios, man cuya' taj quincanaj xak chi jeri': quebenbixoj na bix che u ya'ic k'ij la amak'el quinya' na maltioxinic che la.

Salmib 97:11

Ri chäj cäjuluw che ri utzalaj winak; ri quicotemal are cätaki' che ri tz'akatisanel pa ronojel.

E C'ambal tak Tzij 11:10

Aretak ri e suc' quebel puwi' ri cäquibano ri tinimit cäjajatic; aretak quecäm ri banal tak etzelal, quech'oplin che quicotemal.

E C'ambal tak Tzij 28:12

Aretak quech'äcan ri suc', cäban nimalaj nimak'ij; aretak quech'äcan ri banal tak etzelal, ri winak cäquic'u' quib.

Ri Isaiy 35:10

ri e torom rumal ri Ajawaxel queboc c'u na pa Sion cuc' tak bix re quicotemal, ronojel k'ij quequicot na. Cäquirik na utzil xukuje' utzalaj c'aslemal, cäsach na u wäch ri ok'ej xukuje' ri k'oxomal.