Ri Ester 7:8 - Quiché Bible

^8-9 Aretak xtzelej ulok ri ajawinel chupam ri ticonijibal cotz'i'j xoc c'u chupam ri ja ri cätajin caban wi ri wa'im, xtaki' u wäch che chi xucul ri Aman chuxcut ri lic'lic tem ri tzalan ri Ester puwi', xurak c'u u chi': “¿La are ta c'u xukuje' cawaj caban mac ruc' ri ixok ajawinel chnuwäch xukuje' chupam ri kas wachoch?” Xak xuwi c'u xebitaj we tzij ri' rumal ri ajawinel, jujun qui nimal ri e rajch'ojab ri e chajil rech xquich'uk ri u palaj ri Aman. Jun c'ut chque, ri Harbon u bi' xubij: “Cho ri rachoch ri Aman tac'abatajinak jun jitz'abal, ri craj ne elinak juwinak oxib (23) bara' chicaj, ri xutak u banic che ri Mardoquey, ri achi ri u yo'm utzalaj tzijol che la.” “¡Chitzayaba' ba' puwi'!” xcha' ri ajawinel.

Ri Ester 7:8 ပူးပေါင်းရင်းမြစ်များ

Ri Ester 1:5

aretak xq'uis u banic we nimak'ij ri' ri ajawinel xuban chic jun nimak'ij ri xbeytaj wukub (7) k'ij, chuwäch ri uwo ja re ri catic wi cotz'i'j re ri rachoch ri ajawinel. Conojel ri e c'o chupam ri tinimit Sus, chi nimak qui k'ij chi man nimak ta qui k'ij conojel xebulaxic.

Ri Ester 1:6

Ri uwo ja wiktalic e cojom je'lic sak tak ch'ukubal che xukuje' räx, ri e ximatal cuc' tak c'am re sakloloj atz'iak lino ri morato u ca'yebal ri queboc'ow chquipam tak quetecak sak puak, ri e ximital tak chque ri rakan ja re marmol. Xukuje' e cojom tak t'uyulibal re k'an puak xukuje' re sak puak man ulew taj ri catac'alexic xane' e cojom pilim tak abaj, quij awaj aj plo, sak marmol xukuje' k'ek.

Ri Ester 6:12

Aretak xbantaj ri wacatisanic, ri Mardoquey xtzelej chuchi' ri rachoch ri ajawinel, are c'u ri Aman ruc' aninakil xbe cho rachoch, cäbisonic u ch'ukum ri u palaj.

Ri Ester 7:10

Xtzayabax c'ut ri Aman puwi' ri jitz'abal ri xutac'aba' che ri Mardoquey. Ruc' wa' xoc'ow ri royowal ri ajawinel.

Ri Job 9:24

Cuya' can ri uwächulew pa qui k'ab ri itzel tak winak cuch'uk c'ut ri qui bak'wäch ri k'atal tak tzij. We c'u man are' ri Dios, ¿Jachin c'ut?

Ri Isaiy 22:17

Ri Ajawaxel catuq'uiak na apan sibalaj naj, jacha' ri cuban jun cowilaj achi. Ruc' chuk'ab catumajij na,

Ri Isaiy 49:23

Ri ajawinelab caquiban na calc'ual chiwe e are' c'ut ri e qui mia'l e yuk'ul tak iwech. Cäquimej na quib chawäch c'ä cho ri ulew, cäquirik' na ri ulew ri c'o chque tak ri awakan. Cäquetamaj c'u na chi in ri Ajawaxel, chi ri cäcu'bi qui c'u'x chwij man quel ta na qui q'uixbal.”

Ri Amos 3:12

Je wa' cubij ri Ajawaxel: “Je' jacha' ri cuban ri aj yuk' cutokij pa u chi' ri coj quieb akanaj o ri u tza'm jun xiquinaj, jewa' ri qui to'tajic ri aj israelib ri e jekel pa Samar, we winak tak ri' ri quequik'eba' tak quib pa tak ri k'inomalaj tak t'uyulibal re Damasc.”

Marcos 14:65

Jujun chque xquichaplej u chubaxic chu palaj, xquich'uk ri u palaj, xquit'oc che k'ab, xquibij che: “¡Chach'obo' jachin xatch'ayowic!” Ri chajinelab xquipak'ij k'ab che ri u palaj.