Ri Ester 7:10 - Quiché Bible

¹⁰ Xtzayabax c'ut ri Aman puwi' ri jitz'abal ri xutac'aba' che ri Mardoquey. Ruc' wa' xoc'ow ri royowal ri ajawinel.

Ri Ester 7:10 ပူးပေါင်းရင်းမြစ်များ

Chapletajic 40:22

are c'u ri qui nimal ri e suc'umal tak caxlanwa xtakan che u jitz'axic, kas je xelic jas ri xubij ri Jose.

Ri Ester 2:1

Oc'owinak chi c'u jun k'ijol, ri ajawinel Asuer, oc'owinak chi ri royowal, xnataj ri Basti che, che ri xuban canok xukuje' ri takanic ri u yo'm chrij.

Ri Ester 5:14

Are c'u ri rixokil xukuje' ri achijab ri xak junam qui wäch ruc' xquibij che: “Chataka' u tac'abaxic jun jitz'abal ri quel juwinak oxib (23) bara' chicaj, chwek ak'ab cha tz'onoj che ri ajawinel chi chwek chaxequebax ri Mardoquey puwi'. Je c'u ri' catcuinic catbe na pa ri wa'im ruc' ri ajawinel man c'o ta chi c'u jas catoc ta chi wi il.” We chomanic ri' utz xuta' ri Aman, xutak c'u u tac'abaxic ri jitz'abal.

Ri Ester 7:7

Ri Asuer xwalijic nojinak che oyowal, xuya' c'u can ri nim ja ri cätajin cäban wi ri wa'im, xbe chupam ri ticonijibal cotz'i'j rech ri rachoch. Are' c'u ri Aman, aretak xuch'obo chi xbantaj rumal ri ajawinel chi cuc'okoj che cämical, xcanaj can pa ri ja che u bochi'xic ri ixok ajawinel Ester chi chch'aw puwi' rech man cäcämisax taj.

Ri Ester 7:8

Aretak xtzelej ulok ri ajawinel chupam ri ticonijibal cotz'i'j xoc c'u chupam ri ja ri cätajin caban wi ri wa'im, xtaki' u wäch che chi xucul ri Aman chuxcut ri lic'lic tem ri tzalan ri Ester puwi', xurak c'u u chi': “¿La are ta c'u xukuje' cawaj caban mac ruc' ri ixok ajawinel chnuwäch xukuje' chupam ri kas wachoch?” Xak xuwi c'u xebitaj we tzij ri' rumal ri ajawinel, jujun qui nimal ri e rajch'ojab ri e chajil rech xquich'uk ri u palaj ri Aman. Jun c'ut chque, ri Harbon u bi' xubij: “Cho ri rachoch ri Aman tac'abatajinak jun jitz'abal, ri craj ne elinak juwinak oxib (23) bara' chicaj, ri xutak u banic che ri Mardoquey, ri achi ri u yo'm utzalaj tzijol che la.” “¡Chitzayaba' ba' puwi'!” xcha' ri ajawinel.

Ri Ester 8:7

Ri ajawinel Asuer xutzelej c'u u bixic che ri ixok ajawinel Ester xukuje' che ri Mardoquey, ri aj judey: “Xya'taj ri rachoch ri Aman che ri Ester wumal, xxequebetaj ri are' puwi' ri jitz'abal rumal rech chi are ta xraj xebucämisaj taj ri aj judeyib.

Ri Ester 9:14

Ri ajawinel xuya' takanic chi je chbanok. Ri takanic xjabux u bixic pa Sus, xetzayabax c'ut ri lajuj u c'ojol ri Aman.

Ri Ester 9:25

aretak c'u xoc ri Ester chuwäch ri ajawinel, wa' xuya' takanic chi chitz'ibaxok chi ronojel ri etzelal ri xuchomaj u banic ri Aman chque ri aj judeyib chkaj puwi' ri are'. Jeri' ri Aman xukuje' tak ri e u c'ojol xexequebax puwi' ri jitz'abal.

Ri Job 18:8

Cäcoj na jun putzquiyibal pa ri u be chupam c'ut we putzquiyibal ri' caputzquiyitaj wi na.

Ri Job 20:8

Cäsach na u wäch jacha' jun ichic', jacha' jun c'utwächinic re chak'ab, man c'o ta c'u jachin jun cärikowic.

Salmib 37:15

Are c'u ri qui ch'ich' re ch'o'j cuch'ic na rib puwi' canima', ri e qui q'uiakbal ch'ab quemuchmub na.

Salmib 7:16

¡Ri retzelal xukuje' ri u ch'ujilal quekaj na puwi' ri u jolom!

Salmib 94:23

Ri Ajawaxel cuban na chi ri e banal tak etzelal cäsach na qui wäch rumal ri quetzelal. ¡Ri ka Dios are' cäsachow na qui wäch!

E C'ambal tak Tzij 11:27

Ri amak'el cuban utzil, utz cailic; ri cutakej u banic ri etzelal itzel quel na.

E C'ambal tak Tzij 11:8

Ri Dios cäresaj ri suc' pa ri rikoj c'ax, are c'u cuya' can ri banal etzelal pa ri u c'olbal.

E C'ambal tak Tzij 26:27

Ri cuc'ot jun jul, chupam cätzak wi; ri cuwolkotij jun nimalaj abaj, caxak'alex rumal ri nimalaj abaj.

Ri Jeremiy 34:17

Je c'u ri', in, ri Ajawaxel, quinbij: Ix man xixniman ta chwe, man c'u xebitzokopila' taj ri e i winakil ri e i cojom che pataninelab; rumal ri', camic in quebentzokopij ri ch'o'j ri cämisanel yabil xukuje' ri wi'jal rech quequiban jun jasach chiwe ri cuya' xibin ib chque conojel ri ajawibal cho ri uwächulew. In, ri Ajawaxel, quinjiquiba' u bixic.

Ri Ezequiel 5:13

Quinkasaj c'u na ri woyowal, quinwesaj na ri woyowal paquiwi', quinjamar c'u na. Aretak c'u kastajinak chic ri woyowal paquiwi', cäquetamaj c'u na chi in ri Ajawaxel are' ri xyo'w u bixic chquipam ri e rachixomanic.

Ri Daniel 6:24

Xuya' c'u takanic ri ajawinel che qui c'amic ulok ri achijab ri xetzujun ri Daniel, junam cuc' tak ri quixokil xukuje' tak ri calc'ual xeq'uiak pa ri c'olbal ri e c'o wi ri coj; c'ä majok c'u ne chebopan chquiwäch ri coj aretak xquiq'uiakala' quib che qui t'okopixic.

Ri Daniel 6:25

Are c'u ri Dariy xebutz'ibaj tak wuj chque ri winak ri e c'o pa conojel ri nimak tak tinimit xukuje' tak ch'abal ri e c'o cho ri uwächulew, je xubij bic wa' chque: “Quinrayij jamaril chiwe xukuje' rutzil i wäch,

Ri Zacariy 6:8

Bantajinak chi c'u wa', ri tako'n xurak u chi' chwe: “¡Chawila', ri xebe pa ri ulew re ri riquiak'ab ri relebal k'ij quequijamarisaj ri royowal ri Ajawaxel pa ri ulew ri'!”

K'atal tak Tzij 15:7

Xubij c'u ri Sanson chque: “We c'u jewa' ri xibano, ¡quinban ri chi'nic ri kas cäban na chiwe chi man quinuxlan ta na we ta ma ta quinya' na rajil u q'uexel chiwe!”