Ri Ester 6:4 - Quiché Bible

⁴ Pa ri jok'otaj ri' xoc bic ri Aman cho ri uwo ja chque ri niq'uiaj chic rachoch ri ajawinel, che u tz'onoxic che chi chxequebax ri Mardoquey puwi' ri jitz'abal ri u takom u tac'abaxic. “¿Jachin ri cabin choja?” xcha' ri ajawinel.

Ri Ester 6:4 ပူးပေါင်းရင်းမြစ်များ

Ri Ester 4:11

“Conojel ri quepatanij che ri ajawinel, xukuje' conojel ri winak ri e c'o pa conojel ri e u tz'akatil ri ajawibal, queta'm chi c'o jun pixab ri cuc'okoj che cämical apachique achi o ixok ri coc chuwäch ri ucab uwo ja ri c'o chuwäch ri rachoch ri ajawinel, che rilic ri ajawinel we man siq'uim rumal, xuwi c'u we ri ajawinel culic' ri u bara' re k'an puak che we winak ri' che u c'utic chi cutok'obisaj u wäch, cuto'tajisaj c'ut ri u c'aslemal. Are c'u ri chwe in, juwinak lajuj (30) k'ij chi wa' camic man in u siq'uim ta ri ajawinel.”

Ri Ester 5:1

Churox c'u k'ij, ri Ester xebucoj ri ratz'iak ixok ajawinel, xoc c'u cho ri ucab uwo ja' re ri rachoch ri ajawinel, xtaq'ui' c'u chuwäch ri nim ja ri t'uyul wi ri ajawinel puwi' ri u tem re ajawibal, ri c'o ulok chwäch ri uchi'ja.

Ri Ester 5:14

Are c'u ri rixokil xukuje' ri achijab ri xak junam qui wäch ruc' xquibij che: “Chataka' u tac'abaxic jun jitz'abal ri quel juwinak oxib (23) bara' chicaj, chwek ak'ab cha tz'onoj che ri ajawinel chi chwek chaxequebax ri Mardoquey puwi'. Je c'u ri' catcuinic catbe na pa ri wa'im ruc' ri ajawinel man c'o ta chi c'u jas catoc ta chi wi il.” We chomanic ri' utz xuta' ri Aman, xutak c'u u tac'abaxic ri jitz'abal.

Ri Ester 6:3

Xuban c'u c'otoj chi'aj ri ajawinel: “¿Jas ri tojbal ri xya' che ri Mardoquey che u ya'ic u k'ij rumal ri utzil ri xubano?” “Man c'o ta jubik' jas ta ri xbanic,” xecha' ri rach k'atal tak tzij.

Ri Ester 6:5

“Are' ri Aman,” xecha' ri rach k'atal tak tzij. “¡Chicojo' ulok!” xcha' ri ajawinel.

Ri Job 5:13

Cuc'amij ri banal etzelal chupam ri kas cuchomaj u banic, man quel ta paquiwi' ri etzelal ri craj quebubano.

Salmib 2:4

Ri Ajawaxel ri cätakan pa ri caj, cutze'j qui wäch;

Salmib 33:19

che quesaxic pa ri cämical cuya' c'u qui c'aslemal pa tak ri k'ijol re wi'jal.

Ri Tzijonel 9:10

Ronojel c'ut ri c'o pa a k'ab che u banic, chabana' ruc' ronojel chuk'ab, rumal rech chi pa ri mukubal, ri catetac'al wi na, ma c'o ta jas cabanic mawi c'o jas cächomax chic, mawi c'o chic etamanic mawi no'j.