Ri Ester 5:11 - Quiché Bible

¹¹ ri Aman xebutzijoj c'ut ri nimak tak u k'inomal chque, ri q'uialaj u c'ojol ri e c'olic, xukuje' chi sibalaj nim quil wi rumal ri ajawinel chquixo'l ri rach k'atal tak tzij xukuje' ri quetoban ruc', xuya' c'u jun rekle'n ri nim na u k'ij chquiwäch ri quech are'.

Ri Ester 5:11 ပူးပေါင်းရင်းမြစ်များ

Chapletajic 31:1

Xretamaj c'u ri Jacob ri cäquitzijoj ri u c'ojol ri Laban, cäquibij: “Ri Jacob u c'amom ronojel ri rech ri ka tat, ruc' c'u wa' uxinak k'inom.”

Ri Ester 1:4

xa che u c'utic ri u k'inomal chquiwäch xukuje' ri u nimalil ri rajawinic xukuje' ri juluwemalaj u cuinem ri man c'o ta c'o wi. Ri nimak'ij xbeytaj wakib (8) ic',

Ri Ester 3:1

Oc'owinak chi c'u jun k'ijol, ri ajawinel Asuer xuya' rekle'n ri Aman, u c'ojol ri Hamedat, rija'lil ri Agag, xucoj che c'amal qui be conojel ri k'atal tak tzij pa ri nim tinimit.

Ri Ester 8:15

Ri Mardoquey xel ulok pa ri rachoch ri ajawinel u cojom atz'iak re ajawinel azul ruc' sak jun nimalaj corona re k'an puak xukuje' jun u k'u' sakloloj atz'iak re lino ruc' morato. Ronojel ri tinimit Sus xurak u chi' ruc' quicotemal,

Salmib 49:6

We winak ri' qui cu'ban qui c'u'x chrij ri qui k'inomal, cäquiban nimal chi q'ui jastak que c'olic;

Salmib 49:7

man c'o ta c'u jun cäcuinic cuto'tajisaj ta rib pa re wi mawi cäcuinic cutoj ri Dios rech cäto'taj ta ri u c'aslemal rumal.

Salmib 52:9

Nu Dios, amak'el quinya' maltioxinic che la rumal ri banom la; quineyen che la chquiwäch ri e jic uc' la, rumal rech chi lal utz.

Ri Isaiy 10:8

Cubij: ‘Conojel tak ri ajawinelab e c'amal tak be wa' ri e c'o chuxe' ri nu takanic.

Ri Daniel 4:30

xubij: “¡Chiwila' chi sibalaj nim ri Babilon! In, ruc' ri nimalaj nu cuinem xinyaco che u chuch ri wajawibal, rech quebenya' can c'utbal rech ri nu nimalil.”

Marcos 10:24

Ri tijoxelab xquimay ri u tzij. Xch'aw chi ri Jesus, xubij chque: “Alc'ualaxelab, ri winak ri cu'l qui c'u'x chrij ri k'inomal, ¡sibalaj c'ax chi queboc pa ri rajawibal ri Dios!

1 Timoteo 6:17

Ri e k'inomab ri e c'o cho ri uwächulew camic, chebataka' chi mäquinimarisaj quib, chi mäquicu'ba qui c'u'x chrij ri k'inomal ri man kastzij taj chi c'olic. Xane' chquicu'ba qui c'u'x chrij ri c'aslic Dios, ri yowinak ronojel ri jastak chke, sibalaj nim u yo'm chke, rech cujquicot ruc'.