Ri Ester 5:1 - Quiché Bible

¹ Churox c'u k'ij, ri Ester xebucoj ri ratz'iak ixok ajawinel, xoc c'u cho ri ucab uwo ja' re ri rachoch ri ajawinel, xtaq'ui' c'u chuwäch ri nim ja ri t'uyul wi ri ajawinel puwi' ri u tem re ajawibal, ri c'o ulok chwäch ri uchi'ja.

Ri Ester 5:1 ပူးပေါင်းရင်းမြစ်များ

Ri Ester 1:11

chi chequic'ama' ulok ri ixok ajawinel Basti chuwäch, u cojom ri u corona re ixok ajawinel, rech ri tinimit xukuje' ri winak ri nimak qui banic caquimayij rilic ri u je'lical ri ixok ajawinel, kas c'u tzij chi sibalaj je'lic.

Ri Ester 2:5

Chupam ri tinimit Sus jekel wi jun aj judey Mardoquey u bi', u c'ojol ri Jair, rija'lil c'u ri Simey xukuje' re ri Sis, aj ramak' ri Benjamin.

Ri Ester 4:11

“Conojel ri quepatanij che ri ajawinel, xukuje' conojel ri winak ri e c'o pa conojel ri e u tz'akatil ri ajawibal, queta'm chi c'o jun pixab ri cuc'okoj che cämical apachique achi o ixok ri coc chuwäch ri ucab uwo ja ri c'o chuwäch ri rachoch ri ajawinel, che rilic ri ajawinel we man siq'uim rumal, xuwi c'u we ri ajawinel culic' ri u bara' re k'an puak che we winak ri' che u c'utic chi cutok'obisaj u wäch, cuto'tajisaj c'ut ri u c'aslemal. Are c'u ri chwe in, juwinak lajuj (30) k'ij chi wa' camic man in u siq'uim ta ri ajawinel.”

Ri Ester 4:16

“Choj la chemulij la conojel ri aj judeyib ri e c'o pa Sus, rech man quewa' taj che nu to'ic. Mewa'ic xukuje' mebuq'uianic oxib k'ij xukuje' oxib ak'ab. Ri nu pataninel tak we xukuje' ri in junam quekaban na ke, xuwi c'u cabantaj wa' quinbe che rilic ri ajawinel, pune' c'u man cätajin ta quinnimaj ri pixab. We c'u quincämisaxic, chincämisax ka wi.”

Ri Ester 4:17

Xbe c'ut ri Mardoquey xutz'akatisaj qui banic ri xbix che rumal ri Ester.

Ri Ester 6:4

Pa ri jok'otaj ri' xoc bic ri Aman cho ri uwo ja chque ri niq'uiaj chic rachoch ri ajawinel, che u tz'onoxic che chi chxequebax ri Mardoquey puwi' ri jitz'abal ri u takom u tac'abaxic. “¿Jachin ri cabin choja?” xcha' ri ajawinel.

Ri Ester 8:15

Ri Mardoquey xel ulok pa ri rachoch ri ajawinel u cojom atz'iak re ajawinel azul ruc' sak jun nimalaj corona re k'an puak xukuje' jun u k'u' sakloloj atz'iak re lino ruc' morato. Ronojel ri tinimit Sus xurak u chi' ruc' quicotemal,

Ri Matey 10:16

“Chiwilampe'. Quixintak bic je jas ri chij chquixo'l ri utiw. Chicojo' ri i chomabal chichajij iwib je jas ri caquiban ri cumätz. Chixux jacha' ri palomax ri man c'o ta c'ax cubano.

Ri Matey 11:8

¿Jas c'ut ri xixel bic che rilic? ¿La xiwila' jun winak ri u cojom ch'uch'ujalaj tak atz'iak? Are c'u ri cäquicoj ch'uch'ujalaj tak atz'iak, pa tak cachoch ri ajawinelab e c'o wi.

Ri Matey 27:64

Chatakan ba la che u chajixic ri mukum wi c'ä pa ri urox k'ij, rech man quepe ta ri u tijoxelab chak'ab, cäqueläk'aj bic ri u cuerp, cäquibij c'u chque ri winak: ‘Xc'astaj chquixo'l ri cäminakib.’ We jeri', ri q'uisbal subunic nim na chuwäch ri nabe.”

Ri Lucax 22:30

rech quixwa'ic, quixuq'uian pa ri nu mexa pa ri wajawibal, rech quixt'uyi' paquiwi' tak tem che u k'atic tzij paquiwi' ri cablajuj ramak' ri Israel.”

Apocalipsis 3:21

Apachin ri cäch'äcanic, quinya' na che chi cät'uyi' na wuc' pa ri nu tem re ajawibal, je jas ri in in ch'äcaninak, in t'uyul ruc' ri nu Tat pa ri u tem re ajawibal.