Ri Ester 4:3 - Quiché Bible

³ Xukuje' pa conojel ri u tz'akatil ri ajawibal ri copan wi ri takanic ri xtz'ibax rumal ri ajawinel, xwalij nimalaj bis chquixo'l ri aj judeyib, ri xquic'ut ri qui bis ruc' ok'ej, ruc' rakoj chi'aj xukuje' man xewa' taj, e q'ui c'ut chque xek'oyi' pa ri chaj, xequicoj c'u wakwoj tak atz'iak.

Ri Ester 4:3 ပူးပေါင်းရင်းမြစ်များ

Ri Ester 1:1

We tzijobelil ri xc'ulmataj pa ri k'ijol aretak ri ajawinel Asuer cajawin puwi' jun ajawibal re jun sient juwinak wukub (127) u tz'akatil ri rajawibal, ri u lic'om rib c'ä pa India ulok copan c'ä pa Etiopiy,

Ri Ester 3:12

Chupam ri oxlajuj (13) rajilabal ri nabe ic' re ri junab xesiq'uix ri rajtz'ibab ri ajawinel, ri xquitz'ibaj ri u takanic ri Aman chque ri k'atal tak tzij ri e c'o pa ri e u tz'akatil ri ajawibal xukuje' chque tak ri takanelab ri quetakan paquiwi' ri ajch'ojab pa jujun tak c'olbal, xukuje' chque ri qui nimakil ri tinimit. We takanic ri' xetz'ibax pa tak ri qui tz'ib xukuje' pa tak ri kas qui ch'abal ri e u tz'akatil ri ajawibal, pa tak ri kas qui ch'abal conojel tak tinimit, ri xetz'ibax bic pa ri u bi' ri ajawinel Asuer, xet'ik c'u bic ruc' ri u t'ikbal ri ajawinel,

Ri Ester 4:16

“Choj la chemulij la conojel ri aj judeyib ri e c'o pa Sus, rech man quewa' taj che nu to'ic. Mewa'ic xukuje' mebuq'uianic oxib k'ij xukuje' oxib ak'ab. Ri nu pataninel tak we xukuje' ri in junam quekaban na ke, xuwi c'u cabantaj wa' quinbe che rilic ri ajawinel, pune' c'u man cätajin ta quinnimaj ri pixab. We c'u quincämisaxic, chincämisax ka wi.”

Ri Ester 4:2

Je u banom wa' xopan c'ä chuchi' ri rachoch ri ajawinel, man cäya' ta c'u c'olbal chi c'o jachin coquic we je ratz'iak wa' u cojom.

Ri Ester 4:4

Ri alitomab ri e c'o che u patanixic ri ixok ajawinel Ester xukuje' ri achijab ri e chajil tak re, xquiya' u bixic che ri cätajin cäc'ulmatajic. Ri ixok ajawinel xnoj che c'axc'olil xutak bic atz'iak che ri Mardoquey rech cuq'uex ri wakwoj atz'iak ri u cojom, man xraj ta c'ut xuc'amo.

Ri Ester 9:31

xya' c'u takanic chi chban ri nimak'ij re Purim pa ri ajilabal ri c'utum, je jacha' ri takanic ri qui yo'm ri Mardoquey xukuje' ri ixok ajawinel Ester chque xukuje' chque ri quija'lil. Xetik chi c'ut ri qui cholajil ri qui banic tak ri man c'o ta wa'im xukuje' ri u banic ok'ej,

Ri Job 2:8

Xbe c'u ri Job xet'uyul chuxcut jumulaj mes, xuc'am c'u jun ch'akap paxinak bo'j che u jukic rib.

Ri Isaiy 22:12

Pa ri k'ij ri' ri Ajawaxel ri c'o ronojel u cuinem, xixusiq'uij che ok'ej che juyuwem, che u banic tol che ri i jolom xukuje' che u cojic wakwoj tak atz'iak chiwij che u c'utic chi quixbisonic.

Ri Isaiy 22:4

Rumal ri' xinbij: “Chitasa' iwib chwij, are quiwaj quinq'uis wib che ok'ej mitzucuj u cu'bisaxic nu c'u'x rumal ri cuc'ulmaj na ri nu tinimit.

Ri Isaiy 58:5

¿La are pa i c'u'x chi ri man u tijic ta wa'im ri cäkaj chnuwäch are ri u c'axc'obisaxic iwib, ri u pachbaxic ri i jolom jacha' jun xic'ay, qui k'oyoba' c'u iwib i cojom wakwoj tak atz'iak puwi' ri chaj? ¿La are c'u wa' ri quibij ‘man u tijic ta wa'im’ che xukuje' ‘utzalaj k'ij che ri Ajawaxel’?

Ri Ezequiel 27:30

Caquirak na qui chi' cacok'ej c'u na a wäch ruc' c'ayil. Caquiq'uiak na ulew pa qui jolom caquiwolkotij c'u na quib pa ri chaj.

Ri Daniel 9:3

Xebenban c'u tak ch'awem xukuje' tak tok'lenic che ri Dios ri Ajawaxel, xinya' nu tzij chi man quinwa' ta na, e nu cojom c'u wakwoj tak atz'iak, xint'uyi pa chaj.

Ri Jonas 3:6

Aretak c'u xopan u tzijol ruc' ri ajawinel re Ninibe, xwalij pa ri u tem re ajawibal, xeresaj ri ratz'iak re ajawinel, xucoj wakwoj tak atz'iak, xt'uyi' c'u cho ri ulew.

Ri Matey 13:42

Quequiq'uiak na pa ri jorno re k'ak' ri quebok' wi na ri cakuch'uch' wi na ri qui ware.

Ri Matey 22:13

C'äte ri' ri ajawinel xubij chque ri u tako'n: ‘Chebiyutu' ri rakan u k'ab, chiq'uiaka' apan pa ri k'eku'm jela'. Cok' c'u na chila', cukuch'uch'ej na ri u ware.’

Ri Matey 25:30

Ri pataninel ri man c'o ta quechbex che, chiya' pa ri k'eku'm ri c'o apan jela'. Cok' na chila', cukuch'uch'ej na ri u ware.”

Ri Josue 7:6

Ri Josue xukuje' ri e nimak tak tatayib aj Israel xequijis tak ri catz'iak xquiya' ulew pa tak qui jolom che u c'utic ri c'axc'ol; xquimej c'u quib chuwäch ri u caxa ri Ajawaxel xquiya' ri qui palaj cho ri ulew, c'ä xpe na ri xk'ekal.

Nabe Samuel 11:4

Ri e tako'n xebopan pa Gabaa, jawije' jekel wi ri Saul, xquiya' u bixic chque tak ri winak. Conojel xebok' ruc' nimalaj c'ayil.