Ri Ester 2:23 - Quiché Bible

²³ We jasach ri' xtzucux u ch'obic, aretak c'u xch'obotajic chi kastzij, ri quieb qui nimal ajch'ojab xtak qui jitz'axic. We c'ulmatajic ri' xtz'ibax canok, chuwäch ri ajawinel, chupam ri wuj ri quetz'ibax wi tak ri u tzijobelil ri nim tinimit.

Ri Ester 2:23 ပူးပေါင်းရင်းမြစ်များ

Chapletajic 40:19

quel cubij wa' chi pa oxib k'ij catresaj bic ri ajawinel pa che', catuxequeba' c'u chuwäch jun che', quepe c'u ri c'uch cäquitij ri a ti'jal.”

Chapletajic 40:22

are c'u ri qui nimal ri e suc'umal tak caxlanwa xtakan che u jitz'axic, kas je xelic jas ri xubij ri Jose.

Ri Esdras 4:15

re canic'ox chquipam tak ri wuj ri qui tz'ibam can tak ri e mam la. Cärik na la chquipam chi we tinimit ri' man coc ta tzij pa u jolom ri xak c'u quieb cubij paquiwi' tak ri ajawinelab rumal, xukuje' chque ri niq'uiaj e u tz'akatil chic ri ajawibal, ri pa jujun tak k'ij chi canok nabe xequisuc'umaj walijisam tak ib chupam, rumal rech wa' xsachisax qui wäch.

Ri Ester 10:2

Ronojel ri xuban ruc' takanic xukuje' cuinem, je jacha' ri u tzijoxic ruc' tz'akatil ri nimalaj ekle'n ri xya' che ri Mardoquey, tz'ibatal c'u chupam ri wuj ri quetz'ibax wi' conojel ri c'ulmatajic chupam ri ajawibal re Med xukuje' re Pers.

Ri Ester 5:14

Are c'u ri rixokil xukuje' ri achijab ri xak junam qui wäch ruc' xquibij che: “Chataka' u tac'abaxic jun jitz'abal ri quel juwinak oxib (23) bara' chicaj, chwek ak'ab cha tz'onoj che ri ajawinel chi chwek chaxequebax ri Mardoquey puwi'. Je c'u ri' catcuinic catbe na pa ri wa'im ruc' ri ajawinel man c'o ta chi c'u jas catoc ta chi wi il.” We chomanic ri' utz xuta' ri Aman, xutak c'u u tac'abaxic ri jitz'abal.

Ri Ester 6:1

Pa ri chak'ab ri', man coc ta u waram ri ajawinel, rumal c'u ri' xuya' takanic chi chac'am ulok ri wuj che ri etz'ibatal wi conojel ri jastak ri e c'ulmatajic pa ri tinimit ri nimak qui k'ij, rech quesiq'uix chuwäch.

Ri Ester 7:10

Xtzayabax c'ut ri Aman puwi' ri jitz'abal ri xutac'aba' che ri Mardoquey. Ruc' wa' xoc'ow ri royowal ri ajawinel.

Ri Malaquiy 3:16

(Ri nim caquil wi ri Dios xquitzijobela' c'u tak quib, are c'u ri Ajawaxel xoc il che u tatabexic ri caquibij. Chuwäch c'ut ri Ajawaxel xtz'ibax wi jun wuj, ri quenatax wi ri nim caquil wi ri Ajawaxel man c'u casach ta pa u jolom).

Ri Josue 8:29

Ri rajawinel ri Hai xxequebax che ri u k'ab jun che' rumal ri Josue c'ä pa ri benak k'ij, aretak c'u xkaj ri k'ij, xtakanic chi chkasaxok chrokobax c'ut chuchi' ri oquibal chupam ri tinimit, chmulix c'u abaj puwi'. Ri jumulaj abaj c'ä c'o chila' camic.