Ri Ester 2:14 - Quiché Bible

¹⁴ Coc ak'ab cabe pa ri rachoch ri ajawinel, ak'ab chucab k'ij cäk'axex pa jun c'olbal chic pa ri cachoch ri ixokib, ri c'o pa u k'ab ri Saasgaz, achi ri u cuban wi u c'u'x ri ajawinel, are' chajil quech ri man kas ta e rixokil; aretak coc'ow wa' man copan ta chic chuwäch ri ajawinel, xuwi ne we kajinak chuwäch ri are cutak c'u na u siq'uixic.

Ri Ester 2:14 ပူးပေါင်းရင်းမြစ်များ

Ri Ester 4:11

“Conojel ri quepatanij che ri ajawinel, xukuje' conojel ri winak ri e c'o pa conojel ri e u tz'akatil ri ajawibal, queta'm chi c'o jun pixab ri cuc'okoj che cämical apachique achi o ixok ri coc chuwäch ri ucab uwo ja ri c'o chuwäch ri rachoch ri ajawinel, che rilic ri ajawinel we man siq'uim rumal, xuwi c'u we ri ajawinel culic' ri u bara' re k'an puak che we winak ri' che u c'utic chi cutok'obisaj u wäch, cuto'tajisaj c'ut ri u c'aslemal. Are c'u ri chwe in, juwinak lajuj (30) k'ij chi wa' camic man in u siq'uim ta ri ajawinel.”

Ri Isaiy 45:4

Xa che u tok'obisaxic u wäch ri Jacob ri pataninel wech, ri u tinimit ri Israel, ri cha'tal wumal, at nu siq'uim ruc' ri a bi', nu yo'm c'u ri awekle'n ri nim u k'ij ri at c'o wi camic, man aweta'm ta c'u nu wäch.

Ri Isaiy 43:1

Are c'u ri camic, Israel, u tinimit ri Jacob, ri Ajawaxel ri xatwinakirisanic cubij chawe: “Maxe'j awib, at nu torom chic in xatinsiq'uij pa ri a bi', at, at wech.

U Camulixic ri Pixab 21:14

We c'u man cäkaj chi ri ixok chuwäch ri achi, cuya' cutzokopij bic, man cuya' ta c'ut cuc'ayij che u q'uexwäch puak mawi cuya' cucoj ta che u lok'om pataninel, rumal rech chi resam chi u q'uixbal.”

Chapletajic 34:19

Man xubey ta rib ri ala, xukopij ri u wi' ri u tz'umal ri achi wi, sibalaj c'u benak ranima' ruc' ri u mia'l ri Jacob. Ri Siquem are c'u nim u k'ij chquixo'l conojel ri e c'o pa rachoch ri u tat.

Ri Ester 2:13

cäya' c'u che ri ali chi cuc'am bic chupam ri cachoch ri ixokib ronojel ri cutz'onoj aretak cabe pa ri rachoch ri ajawinel.

Ri Ester 2:15

Aretak c'u ri Ester, u mia'l ri Abihail, rican ri Mardoquey, xurika' ri k'ij copan chuwäch ri ajawinel, xuwi xuc'am bic ri u bim ri Hegay che, achi ri u cuban wi u c'u'x ri ajawinel xukuje' chajil que ri ixokib. Pa tak c'u ri k'ij ri', ri Ester sibalaj xkaj chquiwäch conojel ri queilowic.