Ri Ester 1:7 - Quiché Bible

⁷ Ri uq'uia' xejach pa tak lak re k'an puak, chquijujunal jalan tak ri qui banic, ri u wa'l uva man pajtal taj jacha' ri u sipanic jun ajawinel.

Ri Ester 1:7 ပူးပေါင်းရင်းမြစ်များ

Nabe Ajawinelab 10:21

Conojel c'ut ri queruq'uiaj wi ri e ruq'uia' ri ajawinel e re k'an puak, xukuje' conojel ri lak ri e c'o pa ri rachoch ajawinel rech ri “C'ache'laj aj Libano.” Man c'o ta jun jasach re sak puak, pa tak ri u k'ijol ri Salomon man pakal ta rajil wa',

Ucab Tzijobelil 9:20

Conojel c'u ne tak ri u lak ri ajawinel ri e re kumubal e re k'an puak, xukuje' ne conojel ri lak ri quecoj chupam ri ja re ajawibal “C'ächelaj re ri Libano”. Man c'o ta jun jasach re sak puak rumal rech chi pa tak ri u k'ij ri Salomon man kas ta pakal rajil wa',

Ri Ester 1:8

U yo'm c'u ne takanic ri ajawinel chque ri takanelab ri e c'o chupam ri rachoch chi man cacoj ta chuk'ab che apachin jun cutijo, xane' chquijujunal ri ula' chquic'ama' jachique ri cacaj caquitijo.

Ri Ester 2:18

Xuya' c'u jun nimalaj wa'im che u ya'ic u k'ij ri Ester, xerula'j c'u conojel ri e rach k'atal tak tzij xukuje' ri quetoban ruc' pa ri rajawinic, xebukasaj tak ri alcabal ri quequitoj tak ri u tz'akatil ri ajawibal xebujach c'u q'ui sipanic, jacha' ri cäpe pa ranima' jun ajawinel.

Ri Matey 4:24

Xel c'u u tzijol ri Jesus pa ronojel ri Siriy; xec'am ulok conojel ri c'o itzel tak yabil chque, conojel ri qui rikom nimak tak c'ax, conojel ri c'o itzel tak uxlabal chque, conojel ri xak c'ätetal quetzakic, conojel ri cäminak qui cuerp. Ri Jesus xebucunaj.