Ri Ester 1:14 - Quiché Bible

¹⁴ Chque tak wa' ri nakaj e c'o wi che ri ajawinel e are' wa' ri Carsen, ri Setar, ri Admat, ri Tarsis, ri Mers, ri Marsen xukuje' ri Memucan, wukub (7) achijab ri sibalaj nimak qui k'ij re Porsiy xukuje' Med, ri e qui tz'akat ri rajnojab ri ajawinel ri nimak tak quekle'n pa ri ajawinic.

Ri Ester 1:14 ပူးပေါင်းရင်းမြစ်များ

Ucab Ajawinelab 25:19

Chquixo'l ri winak ri e aj tinimit xuyut ri qui nimal ajch'ojab ri cätakan paquiwi' ri ajch'ojab, job achijab ri quepatanij che ri ajawinel ri e c'o chupam ri tinimit, ri nim u banic ri quemolow tak ri achijab rech queboc che ajch'ojab xukuje' oxc'al (60) achijab ri e c'o chupam ri tinimit ri nimak tak qui k'ij.

Ri Esdras 7:14

Are' c'u ri ajawinel xukuje' ri wukub ya'l tak u no'j catquitak bic che rilic ri u banom ri Juda xukuje' ri Jerusalen, jas ri u cholajil ri u pixab ri a Dios ri c'o pa a k'ab.

Ri Ester 1:15

Ri ajawinel xuta' chque: “Je jas ri cubij ri pixab, ¿Jas ri rajawaxic u banic che ri ixok ajawinel Basti chi man xunimaj taj ri takanic ri xinya' che cumal ri e nu tako'n?”

Ri Jeremiy 52:25

Chque ri winak ri e c'o pa ri tinimit xuchap ri qui nimal ri ajch'ojab ri cätakan paquiwi' ri ajch'ojab, wukub achijab ri quepatanin can che ri ajawinel ri e c'o apan pa ri tinimit, ri qui nimal ajch'ojab ri quebuchap achijab rech queboc che ajch'ojab xukuje' oxc'al aj tinimit ri c'o na qui banic chupam ri tinimit.

Ri Matey 18:10

“Chiwila' c'o jun chque we ch'utik ri' miwetzelaj u wäch. Quinbij c'u chiwe, chi e c'o ri q'ui tako'nib pa ri caj ri amak'el cäquil u wäch ri nu Tat ri c'o pa ri caj.

Apocalipsis 22:4

Cäquil c'u na ri u palaj. Ri u bi' cäc'oji' na cho ri u metz'al ri qui palaj.