Ri Ester 1:1 - Quiché Bible

¹ We tzijobelil ri xc'ulmataj pa ri k'ijol aretak ri ajawinel Asuer cajawin puwi' jun ajawibal re jun sient juwinak wukub (127) u tz'akatil ri rajawibal, ri u lic'om rib c'ä pa India ulok copan c'ä pa Etiopiy,

Ri Ester 1:1 ပူးပေါင်းရင်းမြစ်များ

Ri Esdras 4:6

Pa ri u chaplebal ri rajawinic ri Asuer xquitak jun wuj ri xequitzujuj wi bic ri e aj Juda xukuje' ri e aj Jerusalen,

Ri Ester 10:1

Ri ajawinel Asuer xucoj jun tojonic paquiwi' tak ri tinimit ri e c'o chupam ri ulew xukuje' tak ri tinimit ri e c'o tak chupam ri plo.

Ri Ester 2:3

Chebucojo' ri ajawinel tzucul tak quech pa conojel ri u tz'akatil ri rajawibal, xubij c'u bic chque chi chequic'ama' ulok conojel ri quebequiriko chupam ri cachoch ri ixokib ri u cojom ri ajawinel chupam ri tinimit Sus, checoj c'u chuxe' ri u chajinic ri Hegay, achi ri u cuban u c'u'x ri ajawinel chrij chajil c'u que ri ixokib. Chebuje'lisaj c'ut ri Hegay,

Ri Ester 8:9

Ruc' aninakil xesiq'uixtax ri rajtz'ibab ri ajawinel. Chupam ri juwinak oxib ri rajilabal ri urox ic', are ri ic' re Siban. Ronojel c'ut ri takanic ri xuya' ri Mardoquey xtz'ibax bic chque ri aj judeyib, chque ri k'atal tak tzij, ri quetakan paquiwi' ri culewal ri nimak tak tinimit, xukuje' chque tak ri niq'uiaj chic ri quetakan paquiwi' ri juwinak wukub (127) nimak tak tinimit ri u tz'akatil ri ajawibal ri quechaptaj ulok kas pa ri India queq'uis c'ä pa ri Etiopiy, pa ri qui ch'abal xukuje' pa ri kas qui tz'ib conojel ri u tz'akatil ri ajawibal. Xukuje' chque ri aj judeyib xetz'ibax bic pa ri qui ch'abal xukuje' pa ri qui tz'ib.

Ri Ester 9:30

xquitak c'u bic chque conojel ri aj judeyib ri e c'o chquipam tak ri jun sient juwinak wukub (127) nimak tak tinimit pa ri u tz'akatil ri rajawibal ri Asuer, cuc' ch'uch'ujalaj tak tzij ri xukuje' e re ri'jobalil,

Ri Isaiy 18:1

¡Tok'ob u wäch ri ulew ri cäxojlin wi cok'ebal alaj tak chicop, ri ulew ri c'o c'ä jela' chque tak ri nima' aj Etiopiy,

Ri Isaiy 37:9

Chila' c'u xuta' wi u tzijol ri ajawinel re Asiriy chi ri ajawinel Tirac re Etiopiy u chaplem ch'o'j chrij are'. Ri ajawinel re Asiriy xebutak chi bic jumul pataninelab rech quebe ruc' ri ajawinel Ezequiy re Juda, che u bixic che:

Ri Daniel 11:2

Are c'u ri camic quinya' retamaxic ri kastzij chawe:’ ” “ ‘C'ä quebajawin c'u na oxib ajawinelab pa Pers, aretak c'u e oc'owinak chi wa' jun ucaj ajawinel cäcanaj pa ri takanic ri cux na nimalaj k'inom chquiwäch ri oxib. Aretak c'u cumal quech ri e u k'inomal e u rikom nimalaj cuinem, cuwalijisaj na rib che u ch'äquic ri Ajawibal pa Gres.

Ri Daniel 6:1

Ri ajawinel Dariy xuchomaj qui cojic jun sient ruc' juwinak (120) k'atal tak tzij puwi' ri rajawibal rech quetakan puwi'.

Ri Daniel 9:1

“Ri Dariy, u c'ojol ri Asuer, quija'lil ri aj medib, are' cätakan puwi' ri cajawibal ri aj caldeyib.