Ri Esdras 9:3 - Quiché Bible

³ Aretak xinta' we c'ulmatajic ri', xinjis ri watz'iak chwij, xebent'okopij tak ri nu wi' xukuje' ri wismachi' che u c'utic ri c'axc'obic, xint'uyuba' wib sibalaj xk'oxow ri wanima'.

Ri Esdras 9:3 ပူးပေါင်းရင်းမြစ်များ

Ucab Samuel 1:11

Ri David xukuje' ri e achilaninak xequijisila' ri catz'iak che u c'utic chi c'axc'obinak ri canima',

Ucab Ajawinelab 18:37

Are c'u ri Eliaquim, qui nimal ri chajil re ri rachoch ri ajawinel, ri Sebna, ri cätz'iban ri tzijol, xukuje' ri Joa, rajtz'ib ri ajawinel, xeboc il xquijis ri catz'iak chquij xebe c'u che rilic ri Ezequiy rech quequibij che ri xubij ri qui nimal ri ajch'ojab aj Asiriy.

Ri Nehemiy 1:4

Aretak xinta' tak we tzijol ri', xint'uyiba' wib che ok'ej, xbeytaj c'u quieb oxib k'ij ri nu bis, man xinwa' taj xukuje' xinban ch'awem chuwäch ri Dios ri c'o pa ri caj.

Ri Nehemiy 13:25

Xinc'anan c'u chque xeben c'okoj c'ut. Jujun chque xebench'ayo xebenmich' che ri qui wi', xebench'ay c'ut chi quibana' ri chi'nic ri kas cäban na, pa u bi' ri Dios chi maquiya' chi c'olbal chi ri e qui mia'l xukuje' ri e qui c'ojol quec'uli' ta cuc' winak ri man e qui winakil taj, mawi quequic'am ta che quixokil ri e qui c'ojol mawi kas chque tak ri e are' ri e quixokib tak wa'. Xinbij chi c'u ne na chque:

Ri Job 1:20

Xwalij c'u ri Job, nojinak che c'axc'ol xujis ri ratz'iak, xutolorisaj ri u jolom xumej rib che k'ijilanic.

Salmib 119:53

Ri e banal tak etzelal ri cäquixutuj ri tijonic la, cäquiyac woyowal.

Salmib 143:4

Kas in c'o chupam ri latz'; quel ch'u'j ri wanima'.

Salmib 66:3

chibij che ri Dios: “Ri jastak ri e banoj la e mayibal. Rumal ri nimalaj cuinem la ri e c'ulel la quixe'n quib quetzak na chwäch la;

Ri Isaiy 15:2

Ri winak aj Dibon quepaki' che u banic ok'ej chupam ri cachoch ri qui dios ri c'o puwi' ri juyub. Ri Moab xrok'ej ri Neb xukuje' ri Medeb aretak xsach qui wäch. Conojel qui banom tol che ri qui jolom xukuje' quikopim ri quismachi'.

Ri Jeremiy 36:24

Mawi ri ajawinel mawi ri e rach k'atal tak tzij ri nimak qui k'ij ri xquitatabej ronojel ri xya' u siq'uixic, xquixe'j ta quib mawi xquic'utula' chi c'ax ta xbe chque.

Ri Jeremiy 7:29

¡Jerusalen, chakopij ri a wi' ri nimak chaq'uiaka' c'ut! ¡Chabixoj jun bisobalalaj bix paquiwi' ri buc'ubak chaki'j uwo sak! Oyowarinak c'ut ri Ajawaxel cuc' ri e a winak, e u wonobam canok xukuje' e u xutum.

Ri Ezequiel 3:15

Xinopan c'u pa Tel Abib, chuchi' ri nima' Quebar, jawije' ri e jekel wi ri aj israelib ri e c'o pa jun ulew chic, wukub k'ij c'ut xinbeytaj chila' cuc' ri aj israelib, man weta'm ta c'ut jas ri quinbano mawi jas ri quinbij.

Ri Ezequiel 7:18

Quequicoj tak na wakwoj tak atz'iak che u c'utic ri k'oxomal; ronojel ri qui cuerp cabirbit na, quiäkarinak ri qui palaj rumal ri qui q'uixbal qui banom tol che ri qui jolom.

Ri Daniel 4:19

Are c'u ri Daniel, ri cäbix Beltsasar che, xcanaj jok'otaj che chomanic, u xibim rib cumal tak ri chomanic ri xepe pa u jolom. Are c'u ri in, ri ajawinel xinbij che ri Beltsasar, ‘matoc il che ri ichic' ri nu banom, mawi che ri quel cubij.’ Ri Beltsasar xubij che ri ajawinel: ‘¡Ay, ronojel ta ri quel cubij ri ichic', chkaj ta paquiwi' ri e c'ulel la!

Ri Daniel 8:27

In, Daniel, xinna' chi man e c'o ta chic nu chuk'ab, q'ui k'ij xinyawajic. C'äte chi c'u xinwalijic, xintakej chi c'ut ri patanijic pa ri k'atbal tzij re ri nim tinimit. Sibalaj c'u in oquinak il che ri c'utwächinic ri wilom, man quincuin ta c'u che u ch'obic.”

Aj Levitib 21:5

Mäquiban tol che ri qui jolom, mawi cäquijos ri quismachi', mawi cäquisoc ri qui cuerp,

Ri Miquey 1:16

Are c'u ri at, tinimit re Sion, chabana' tol che ri a jolom che u c'utic ri k'oxomal, rumal quech ri c'ojolab ri sibalaj quebalok'ok'ej. Chabana' tol che ri a jolom jacha' che c'utbal re c'axc'ol, rumal rech chi ri e a c'ojol quec'am na bic pa jun ulew chic.”

Ri Josue 7:6

Ri Josue xukuje' ri e nimak tak tatayib aj Israel xequijis tak ri catz'iak xquiya' ulew pa tak qui jolom che u c'utic ri c'axc'ol; xquimej c'u quib chuwäch ri u caxa ri Ajawaxel xquiya' ri qui palaj cho ri ulew, c'ä xpe na ri xk'ekal.