Ri Esdras 9:1 - Quiché Bible

¹ Aretak xq'uis qui banic tak we jastak ri', ri e c'ämal tak be xenakajin wuc' che u bixic chwe: “Ri aj israelib, ri e cojol tabal tok'ob xukuje' tak ri aj levitib, man quinajtajisam ta quib chque tak ri winak ri e aj waral ri u bixic wa', chque ri aj cananeyib, ri aj hititib, ri aj perezeyib, ri aj jebuseyib, ri aj amonib, ri aj ejiptib xukuje' ri amoreyib, sibalaj c'u ne man ch'ijtajel ta ri qui nak'atisabal tak ri winak ri man aj israelib taj.

Ri Esdras 9:1 ပူးပေါင်းရင်းမြစ်များ

Chapletajic 15:16

Oc'owinak chi quiejeb sient (400) junab quetzelej na ulok ri e awija'lil pa we c'olbal ri', maja' c'u caquitz'akatisaj u banic ri quetzelal ri aj amoreyib.”

Nabe Ajawinelab 11:1

Ri Salomon man xuwi ta xulok'ok'ej ri u mia'l ri paraon, xane' xukuje' niq'uiaj ixokib chic ri man e u winakil taj: aj moabib, aj amonib, aj edomib, aj sidonib xukuje' aj hititib;

Ucab Tzijobelil 33:2

E are tak c'ut ri e u banoj e lawalo chuwäch ri Ajawaxel, e are xebuchacuj tak re ri e junam tak quetzelal ri nimak tak tinimit ri xeburokij bic ri Ajawaxel chquiwäch tak ri aj israelib:

Ucab Tzijobelil 8:7

E are' tak c'ut ri winak ri e aj hititib, amoreyib, hebeyib, perezeyib xukuje' jebuseyib ri xecanaj canok, ri man aj israelib taj,

Ri Esdras 10:2

Are' c'u ri Secaniy u c'ojol ri Jehiel rija'lil c'ut ri Elam, xumajij ri tzij xubij c'u che ri Esdras. “Ri uj man uj uxinak ta jic che ri ka Dios, uj c'ulan c'u cuc' tak ixokib ri man e ka winakil taj, e k'ijilal tak diosib, c'ä c'o c'u na, eyebal c'u'x che ri Israel.

Ri Esdras 10:8

Apachin c'u ri man copan taj aretak coc'ow ri oxib k'ij, jas ri xquichomaj ri e c'ämal tak be xukuje' ri e ya'l tak no'j man cäya' ta chi che coc chi chupam ri rechbal, quesax c'u ri u bi' chquixo'l ri xetzelej ulok.

Ri Nehemiy 13:23

Xinwil xukuje' pa tak ri k'ij ri' chi e c'o jujun aj judeyib e c'ulan cuc' ixokib aj Asdod, aj Amon xukuje' aj Moab;

Ri Nehemiy 4:3

Pa u xcut c'o wi ri Tobiy, ri aj amon, ri xubij chic: “Xak chi c'u che u tz'akat, chica'yej ri tapia ri cätajin caquiyaco; ¡Cacuin c'u ne xa jun yac che u wulixic we capaki' puwi'!”

Ri Nehemiy 4:7

Aretak c'ut ri Sanbalat, ri Tobiy, ri aj arabib, ri e aj Amon xukuje' ri e aj Asdod xquetamaj chi benak u yaquic ri nimalaj tapia re Jerusalen cätajin cabin u yaquic xukuje' chi xchaplex qui c'ojoxic tak ri e tek'etoj wi', sibalaj xpe coyowal,

Ri Nehemiy 9:2

Xequitasala' c'u tak quib chque tak ri ija'lil ri man e qui winakil taj, xetaq'ui'c, xquicoj quib chuxe' ri kas qui mac xukuje' ri quech ri e qui mam.

Salmib 106:35

Xane' xquiyuj quib cuc' ri e k'ijilal tak diosib xquetamaj u banic que ri qui nak'atisabal:

Elem 13:5

chupam c'u we ic' ri' rajawaxic coc'owisax ri nimak'ij re ri Oc'owem, aretak ix u cojom chic ri Ajawaxel pa ri ulew ri cabelel wi ri leche xukuje' juyubal räx cab jacha' ri ja', are wa' ri culew ri aj cananeyib, ri aj hititib, ri aj amoreyib, ri aj hebeyib, ri aj jebuseyib, ri xuchi'j chque ri e i mam chi cuya' chiwe.

Elem 23:23

Ri nu tako'n aj caj canabej na chawäch, catuc'am bic pa ri culew ri aj amoreyib, ri aj hititib, ri aj perezeyib, ri aj cananeyib, ri aj hebeyib, ri aj jebuseyib, ri quebenbok na c'ä chquixe'.

Elem 33:16

We c'u ri lal, man cujachilaj ta la bic, ¿jas ta c'u ri cäban che retamaxic chi ri tinimit la xukuje' ri in uj lok' chwäch la? Xuwi c'u we lal c'o kuc', ri tinimit la xukuje' ri in, cujk'alajinic chi man uj ta junam cuc' conojel ri niq'uiaj tinimit chic ri e c'o cho ri uwächulew.”

Ri Isaiy 52:11

Chixel ulok, chixel ulok pa Babilon, mebinak chi tz'il tak jastak, chixel ulok pa Babilon. Chebux ch'ajch'oj ri quec'amow ulok ri e u chaconisan ri Ajawaxel.

Ri Jeremiy 26:10

Ri c'ämal tak be pa Juda, aretak xquita' ri xc'ulmatajic, xebel ulok chupam ri rachoch ri ajawinel xebe chupam ri rachoch Dios, chila' c'ut, chuchi' ri C'ac' Oquibal, xet'uyi wi.

Ri Jeremiy 26:16

E are' tak c'ut ri e c'amal tak be xukuje' ri tinimit xquibij chque ri e cojol tabal tok'ob xukuje' chque tak ri e k'axal tzij: “Man c'o ta rumal rech cäc'okox ta we achi' ri' rech cäcämisaxic; uj u tzijobem pa ri u bi' ri Ajawaxel ri ka Dios.”

Aj Levitib 18:3

Miban iwe jacha' ri qui nak'atisabal ri aj ejiptib, ri xixc'oji' wi na; mawi mebitakej ri nak'atisabal aj Canaan, ulew ri quixinc'am wi bic, mawi mebitakej, ri qui pixab.

Ri Malaquiy 2:11

Ri Juda man jic taj xbin chuwäch ri Dios, queban c'u xibibalalaj tak jastak pa Jerusalen xukuje' pa Israel. Ri Juda rawasim ri u tastajic ri rachoch Dios ri lok' chuwäch ri Ajawaxel, e are tak c'ut ri achijab aj Juda e qui c'amom tak ixokib che quixokil ri quequik'ijilaj tak diosib ri e subunelab.

Ajilanic 23:9

Kas paquiwi' we nimalaj tak abaj ri' quincuinic quinwilo, kas paquiwi' we u tza'm tak juyub ri' quinwil wi: are jun tinimit ri man u yujum ta rib, ri man cäjunamataj ta cuc' ri jule' tak tinimit chic.

Ajilanic 25:6

Jun c'u aj israel xuc'am bic jun ixok aj Madian cho rachoch, chuwäch ri Moises xukuje' chquiwäch conojel ri aj israelib ri qui mulin quib, cätajin c'u ne quebok' ri e are' chuchi' ri Lic'om Rachoch Dios re rikoj ib.

U Camulixic ri Pixab 18:9

“Aretak ix oquinak chic pa ri ulew ri cuya' ri Ajawaxel ri i Dios chiwe, miban iwe ri itzel tak nak'atisabal ri cäquiban ri nimak tak tinimit ri e c'o chila'.

U Camulixic ri Pixab 23:8

ri qui rox quija'lil cuya' queboc pa ajilabal re ri u tinimit ri Ajawaxel.”

U Camulixic ri Pixab 7:1

“Ri Ajawaxel, ri i Dios, quixroquisaj na pa ri ulew ri quic'am che iwechbal, queresaj c'u na bic chiwäch wukub nimak tak tinimit ri e nimak na xukuje' c'o na qui chuk'ab chiwäch ix, e are wa' ri aj hititib, ri aj jerjeseyib, ri aj amoreyib, ri aj cananeyib, ri aj perezeyib, ri aj hebeyib xukuje' ri aj jebuseyib.

Ri Josue 23:12

Rumal rech chi quinwaj quiwetamaj wa': chi we quixutuj can ri Dios quiyuj c'u iwib cuc' tak we winak ri' ri e canajinak chixo'l, ri Ajawaxel ri i Dios man quebuq'uiak ta na bic tak we tinimit ri' chiwäch, xane' quebucoj na jacha' c'at xukuje' jacha' c'amibal rech quixtzakic, e jacha' rapubal cho tak iwachak xukuje' e jacha' q'uix chquipam tak ri i bak'wäch, c'ä man c'o ta jun chiwe cacanaj ta na pa we ulew ri' ri sibalaj utz ri u yo'm ri Ajawaxel ri i Dios chiwe.