Ri Esdras 7:6 - Quiché Bible

⁶ We Esdras ri' are' jun ajtij ri sibalaj u tijom rib chupam ri u pixab ri Ajawaxel, ri u Dios ri Israel, ri yo'm rumal ri Moises, c'o c'ut ri u to'banic ri Ajawaxel ruc', jeri' ri ajawinel Artajers xuya' che ronojel ri xutz'onoj. Rumal c'u ri', ri Esdras xuya' can ri Babilon.

Ri Esdras 7:6 ပူးပေါင်းရင်းမြစ်များ

Chapletajic 32:28

Ri achi xubij che: “Man cäbix ta chic Jacob chawe. Israel catuchix chic, a tijom c'u a chuk'ab ruc' ri Dios xukuje' cuc' ri winak, xatch'äcan c'ut.”

Ri Esdras 5:5

Are' c'u ri Dios queto'w qui wi' ri aj judeyib ri e c'ämal tak u be ri chac, man c'u xequik'il ta che u takexic ri chac c'ä catak na u bixic che ri Dariy queyex c'u na jas ri cutzelej ulok u bixic.

Ri Esdras 6:22

Wukub k'ij c'ut xcoc'owisaj ruc' quicotemal ri nimak'ij re tak ri caxlanwa ri man cäya' ta ch'am cuc', are c'u ri Ajawaxel xenojisan che quicotemal aretak xubano chi ri ajawinel aj Pers xutok'obisaj qui wäch, xebuto' c'u che ri u banic u yaquic ri Rachoch ri Dios re Israel.

Ri Esdras 7:21

Are c'u ri in, ri ajawinel Artajers, quinya' takanic chque conojel ri c'olol tak puak ri c'o pa ri u kajebal k'ij che ri nima' Euprats chi, melquik'ij, chquijacha' ronojel ri cutz'onoj che ri Esdras, ri cojol tabal tok'ob xukuje' ajtij ri u tijom rib chupam ri u pixab ri Dios aj caj:

Ri Esdras 7:28

xukuje' chi xuc'ut ri rutzil ranima' chwe chuwäch ri ajawinel xukuje' chquiwäch ri e ya'l tak u no'j xukuje' chquiwäch ri achijab ri sibalaj nimak na qui k'ij pa ri k'atbal tzij, chi xukuje' xuya' chajin anima' chwe, ruc' c'ut ri u to'banic xincuinic xebenmulij ri aj israelib ri sibalaj nimak na qui k'ij rech quetzelej junam wuc'.”

Ri Esdras 7:5

ri Abisu, ri Pinees, ri Eleazar xukuje' ri Aaron, ri nabe cojol tabal tok'ob.

Ri Esdras 8:1

Are wa' ri cajilabal ri c'ämal tak qui be ri jujun tak ja winak, je jas ri cajilabal ri jujun ja winak chquijujunal, ri pa tak ri u k'ijol ri rajawinic ri Artajers xquiya' can ri Babilon xetzelej c'u pa Jerusalen cachil ri Esdras:

Ri Esdras 8:18

Maltiox c'u che ri Dios, xquic'am ulok ri Serebiy chke, achi ri sibalaj c'o retamabal, rija'lil jun aj levi (Mali u bi'), e rachil ri e u c'ojol xukuje' tak ri e rachalal; e wajxaklajuj (18) winak chi conojel.

Ri Esdras 8:22

Xinq'uix c'u che qui tz'onoxic bic ajch'ojab che ri ajawinel che ka chajixic pa ri be rech man cujkaj ta pa qui k'ab ri c'ulel, kabin chi c'u che ri ajawinel chi ri Dios quebuchajij tak ri quetzucun che cukasaj c'u ri u chuk'ab xukuje' ri royowal paquiwi' conojel ri quexutun che.

Ri Esdras 8:31

Pa ri ucablajuj (12) ri rajilabal ri nabe ic', xujel bic chuchi' ri nima' Ahab che ri ka bic pa Jerusalen. Ri ka Dios xujuto', man xuya' ta c'olbal chi xujkaj ta pa qui k'ab ri c'ulel xukuje' tak ri eläk'omab pa ri be.

Ri Nehemiy 12:26

Xepatanij wa' pa ri u k'ijol ri Joiasim, u c'ojol ri Jexu ri' u mam c'ut ri Josadac; pa ri u k'ijol c'ut ri takanel Nehemiy xukuje' ri rech ri cojol tabal tok'ob xukuje' ajtij Esdras.

Ri Nehemiy 12:36

e c'o chi c'u wi na ri e rachalaxic: ri Semaiy, ri Azarael, ri Milalay, ri Jilalay, ri Maay, ri Natanael, ri Juda xukuje' ri Hanani, ri cacok'isaj tak ri e u chaconisan ri David re k'ojomanic; ri David, achi pataninel rech ri Dios. Chquiwäch c'u wa' nabejinak wi ri ajtij Esdras.

Ri Nehemiy 2:12

xinwalij chak'ab, in achilatal cumal jujun tak achijab, man c'o ta c'u jachin che wi ri u yo'm ri Dios pa ri wanima' ri quinban che ri Jerusalen. Man c'o ta chi jun quiejebal wuc'am xane' xak xuwi ri quinquiejebej.

Ri Nehemiy 2:18

Aretak c'u xintzijoj chque ri u banom ri ch'uch'ujalaj ranima' ri Dios che nu to'ic xukuje' tak ri tzij ri e u bim ri ajawinel chwe, ri e are' xquitzelej u bixic chwe: “¡Cakachaplej u banic ri yacanic!” Ruc' utzalaj canima' xquiya' qui chuk'ab chquixo'l.

Ri Nehemiy 2:8

jun ta chi c'u wuj cätz'ibax ta chi bic ri caya' che ri Asap, ri chajil u c'ache'laj ri ajawinel, chi chebuya' ta ri che' chwe che qui ch'ukic ri oquibal tak ri c'o wi ri rachoch Dios, xukuje' ri rech ri nim tapia rech ri tinimit xukuje' ri rech ri ja ri quinejekel wi na. Are c'u ri ajawinel ronojel xuya' chwe rumal rech chi c'o ri utzalaj u to'banic ri nu Dios wuc'.

Ri Nehemiy 4:15

Aretak ri qui banom qui c'ulel chke, xquetamaj chi uj c'o che queyexic xukuje' chi ri Dios xebuyojij tak ri banel, ri e qui chomam tak qui banic chke konojel, xujtzelej chic chi ka jujunal che u takexic ri ka chac pa ri nimalaj tapia.

Ri Nehemiy 8:1

Aretak xpe ri uwuk ic', ri aj israelib e jekejoj chi chquipam tak ri qui c'olbal. Conojel c'ut ri winak chnimalaj conojel xequimulij quib chuwäch ri c'ayibal ri c'o chuwäch ri Roquibal ri Ja', xquibij c'u che ri ajtij Esdras chi chuc'ama' ulok ri wuj ri tz'ibatal wi ri u pixab ri Moises, ri u yo'm ri Ajawaxel che ri Israel.

Ri Nehemiy 8:13

Chucab k'ij, conojel ri e c'amal tak be que jujun ja winak, xukuje' tak ri e cojol tabal tok'ob, xukuje' tak ri aj levitib xquimulij quib ruc' ri ajtij Esdras che retamaxic ri kas cubij ri pixab,

Ri Nehemiy 8:4

Ri ajtij Esdras xtaq'ui'c puwi' jun tac'alibal re tz'alam ri xban che u ya'ic u siq'uibal wa'. Xukuje' xetaq'ui pa ri riquiak'ab ri Matatiy, ri Sema, ri Aniy, ri Uriy, ri Hilsiy xukuje' ri Maasiy. Pa ri u mox k'ab xetaq'uic ri Pedaiy, ri Misael, ri Malquiy, ri Hasum, ri Hasbadan, ri Zacariy xukuje' ri Mesulam.

Ri Nehemiy 8:9

Ronojel c'ut ri tinimit cok'ic aretak xuta' ri xubij ri pixab; are' c'u ri takanel Nehemiy, ri Esdras (ri ajtij xukuje' cojol tabal tok'ob), xukuje' tak ri aj levitib ri caquik'alajisaj ri pixab chuwäch ri tinimit, xquibij chque conojel chi mebisonic mawi mebok'ic, rumal rech chi ri k'ij ri' tasom che ri Ajawaxel, ri i Dios.

Ri Nehemiy 9:13

Xkaj chi c'u la ulok puwi' ri juyub Sinai, xch'aw chi la ulok cuc' kas chicaj; xya' la suc'alaj tak pixab chque ri e tz'ibatalic, tijonic tak ri e colom, utzalaj pixab tak, utzalaj tak takomal.

Salmib 109:27

Chquetamaj chi ri lal, Ajawaxel, banom la wa' cuc' ri k'ab la.

Salmib 147:19

Ri are' xuya' retamaxic che ri Jacob, che ri Israel, ri u tzij, ri e u pixab xukuje' ri e u colomibal.

Salmib 45:1

Je'licalaj tak tzij quewulul chupam ri nu chomanic; ri wak' xak junam ruc' ri u tz'ibabal jun utzalaj tz'ibanel. ¡Quinbixoj na ri nu bix chuwäch ri Ajawinel!

Salmib 80:18

mawi c'u jubik' cäkatas ta chi na kib chij la. ¡Ya' la ka c'aslemal, xuwi c'u ri lal cäkanataj la!

E C'ambal tak Tzij 3:6

Chaya' u k'ij ri u c'olem ri Ajawaxel pa ronojel ri cabano, chnataj ri Ajawaxel chawe, are' c'u catc'amow na bic pa ri suc'alaj be.

Ri Isaiy 50:2

¿Jasche, aretak xinulic man c'o ta jachin xinriko? ¿Jasche, aretak xinsiq'uinic, man c'o ta jun xch'aw chwe? ¿La are pa i c'u'x chi man quincuin ta che i toric? ¿La are pa i c'u'x chi man quincuin ta che i tzokopixic? Cubana' jun takanic ri quinya'o chi cächaki'jar ri plo, e are tak c'ut ri nima' quebux chaki'j uwo sak rech quecäm ri cär rumal chakij chi', quepuk'pup c'ut rumal rech chi man c'o ta ja'.

Ri Isaiy 59:1

Ri u cuinem ri Ajawaxel man tzajinak taj rech ma ta cäcuin chic cäcolonic, mawi sibalaj ta t'oyirinak rech ma ta cäcuin chic cätatabenic.

Ri Jeremiy 8:8

¿Jas ta ri quixcuin wi ix che u bixic chi ix ajno'jab chi c'o c'ut ri u pixab ri Ajawaxel iwuc'? ¡We ri e yaltzijol, cuc' ri qui tz'ibabal ri e banal tak tzij, qui q'uexom pa banal tzij!

Ri Matey 13:52

Ri Jesus xubij chque: “Aretak jun ajtij re ri pixab u tijom rib che ri rajawibal ri Dios, cajunamataj ruc' jun achi rajaw ja, ri queresaj ulok chupam ri u k'inomal c'ac'alaj tak jastak xukuje' k'elalaj tak jastak.”

Ri Matey 23:2

“Ri ajtijab re ri pixab xukuje' ri pariseyib queta'm ri u pixab ri Moises.

Ri Matey 28:20

Chebitijoj che u nimaxic ronojel jas ri xixintak wi. Chiwilampe', in c'o iwuc' ronojel k'ij c'ä pa ri u q'uistajic ri uwächulew.”

1 Corintios 1:20

¿Jas ta ne qui patan ri c'o qui no'j? ¿Jas ta ne qui patan ri ajtijab? ¿Jas ta ne qui patan ri quena'w che chomanic chquij ri jastak re ri uwächulew? ¡Ri Dios c'ut u conirisam ri qui no'j ri winak cho ri uwächulew!

1 Corintios 15:1

Wachalal, quinwaj chi cänataj chiwe jas ri xintzijoj canok. Are ri utzalaj tak tzij wa' ri xic'amowaj, man i yo'm ta c'u canok.

U Camulixic ri Pixab 28:1

“We kas catniman che ri Ajawaxel ri a Dios, quebaban c'u conojel ri e u takomal ri catintak che qui banic camic, ri Ajawaxel cuya' na chawe chi cattakan paquiwi' tak ri tinimit cho ri uwächulew.

U Camulixic ri Pixab 4:5

Ix ix nu tijom che ri pixab xukuje' tak che ri pixab ri e tz'ibatalic ri xuya' wi takanic ri Ajawaxel ri nu Dios chiwe chi quebibana' pa ri ulew ri quebilatz'obej.