Ri Esdras 7:16 - Quiché Bible

¹⁶ xukuje' ronojel ri sak puak xukuje' ri k'an puak ri catcuin che u rikic pa ronojel ri ajawibal re Babilon, e c'o chi c'u wi na ri' ri e u sipanic ri tinimit, xukuje' ri caquichi'j na ri e cojol tabal tok'ob pa que wi che ri Rachoch Dios pa Jerusalen.

Ri Esdras 7:16 ပူးပေါင်းရင်းမြစ်များ

Nabe Tzijobelil 29:17

In weta'm, nu Dios, chi ri lal quebenic'oj tak la ri etamabal tak c'uxaj xukuje' chi are' cakaj ri colomal chwäch la. Rumal ri' ruc' jun colomalaj chomanic nu chi'm ronojel wa' che la. Quincuin c'u che rilic camic ruc' quicotemal chi ri tinimit la, ri u mulin rib waral, u c'amom ulok ri u sipanic chwäch la ruc' ronojel ranima'.

Nabe Tzijobelil 29:6

E are tak c'ut ri c'amal tak qui be ri jujun ja winak, ri e c'amal tak qui be ri amak' re Israel, ri e c'amal tak qui be ri jujun tak mil ajch'ojab xukuje' ri que ri jujun tak sient ajch'ojab, xukuje' ri e c'amal tak qui be ri chac ri u takom qui banic ri ajawinel, xequiya' tak sipanic pa quech tak wi,

Nabe Tzijobelil 29:9

Ri winak xequicotic rumal we yanic ri' ruc' ronojel animaaj, rumal rech chi e qui yo'm we jastak ri' che ri Ajawaxel ruc' ronojel animaaj. Xukuje' ri ajawinel David nimalaj xquicotic.

Ucab Tzijobelil 31:14

Ri chajil u chi' ri oquibal ri c'o pa ri elebal k'ij, are' ri Core aj levi, u c'ojol ri Imna, are' chajininak tak ri sipanic ri caquic'am ulok ri winak pa quech wi che ri Dios xukuje' ri u jachic ri cuchuj ri quec'am ulok che ri Ajawaxel ri e tasom che ri Dios.

Ucab Tzijobelil 6:2

Are c'u ri in nu yacom jun ja che la rech cäjeki' la chupam, jun c'olbal ri cäjeki' wi na la amak'el.”

Ucab Tzijobelil 6:5

‘Kas pa ri k'ij ri xinwesaj ulok ri nu tinimit pa Ejipt, man nu cha'om ta jun tinimit chquixo'l conojel ri ramak' ri Israel rech chupam cayac ta wi na jun rachoch Dios ri cäjeki' wi na ri nu bi', mawi nu cha'om jun achi rech are cux c'amal u be ri nu tinimit Israel,

Ucab Tzijobelil 6:6

xincha' c'ut ri Jerusalen rech cäjeki' ri nu bi' chi', xincha' c'u ri David rech cux k'atal tzij puwi' ri nu tinimit Israel.’

Ri Esdras 1:4

Apachin ta c'u ne ri c'ä c'aslic ri quel bic pa ri c'olbal ri jekel wi camic, chyok bic sak puak, k'an puak che cumal tak ri u c'ulja che u to'ic, jastak re, xukuje' tak awaj, xukuje' chquiya' bic sipanic che ri Rachoch ri Dios pa Jerusalen.”

Ri Esdras 1:6

Conojel tak ri qui c'ulja xequito' bic, cumal xquiya' bic sak puak, k'an puak chque, jastak que, awaj, jastak ri pakapoj cajil, xequiya' c'u bic ronojel qui wäch tak sipanic pa quech wi.

Salmib 135:21

¡Tewichital ri Ajawaxel pa Sion, ri jekel pa Jerusalen! ¡Chyo'k u k'ij ri Ajawaxel!

2 Corintios 8:12

We c'u c'o jachin jun kastzij che cäyanic, ri Dios cuc'amowaj ri sipanic ri cuyao jas kas ri c'o ruc'. Ri Dios man cutz'onoj taj chke ri man c'o ta kuc'.

2 Corintios 9:7

Chijujunal ba' chiya' jas ri cäpe pa iwanima', man ruc' ta bis, mawi rumal ta rech chi xa' ta cäcoj chuk'ab chiwe. Ri Dios c'ut culok'ok'ej ri cäyan ruc' quicotemal.