Ri Esdras 5:8 - Quiché Bible

⁸ Cakaya' u bixic che la chi ka solim ri ulew re Juda xukuje' ri Rachoch ri nimalaj Dios, ri cätajin cäban u banic u yaquic quecoj c'u nimak tak abaj che ri e tzoc'om. Cätajin c'u caquich'uk ri u wäch ri e u tapia che tz'alam, quicojom c'u qui sac'äjil che u banic ri chac aninak c'ut cätajin cäbin ri chac.

Ri Esdras 5:8 ပူးပေါင်းရင်းမြစ်များ

Ri Esdras 2:1

Are wa' ri cajilabal ri aj israelib ri xebalax pa Juda, ri xec'am bic pa Babilon rumal ri ajawinel Nabucodonosor, aretak e c'amtajinak chi bic pa Babilon xetzelej chi c'u pa Jerusalen xukuje' pa jujun tak c'olbal chic re Juda, chquijujunal xetzelej pa ri qui tinimit,

Ri Esdras 5:7

je cubij wa': “Cakarayij ri rutzil wäch la, Ajawinel Dariy, xukuje' chi utz ta lal c'olic.

Ri Esdras 5:9

Xkata' c'u chque ri e c'ämal tak qui be ri aj judeyib jachin yowinak ri takanic chque che u banic u yaquic ri Rachoch Dios xukuje' chi caquich'uk ri u pam che tz'alam,

Ri Esdras 6:10

rech caquichi'j che ri Dios aj caj tabal tak tok'ob ri quekaj chuwäch chebochi'n c'ut puwi' ri ajawinel xukuje' paquiwi' tak ri e u c'ojol.

Ri Esdras 6:4

quecoj c'u oxcholaj abaj, jun c'ut re c'ac' tak tz'alam. Chupam ri puak ri c'o pa u k'ab ri ajawinel quesax wi ri cäsachic.

Ri Esdras 7:23

Ronojel ri cutz'onoj ri Dios aj caj che ri rachoch, chanim cäjachaxtaxic, rech man c'o ta jun c'äjisabal wäch ri cäpe ta paquiwi' ri e u c'ojol ri ajawinel xukuje' puwi' ri quebajawin wi.

Ri Nehemiy 11:3

Are chi c'ut quekilo ri nimak tak c'ämal qui be ri xetzelej ulok pa ri patanijic ri xejeki' pa Jerusalen. Chquipam tak ri tinimit ri e c'o pa Juda ri xquijekeba' wi quib ri aj israelib, ri e cojol tabal tok'ob, ri aj levitib, ri e pataninelab chupam ri rachoch Dios xukuje' ri e quija'lil tak ri xepatanin ruc' ri Salomon, chquijujunal xejeki' chquipam tak ri kas qui tinimit ri quech.

Ri Nehemiy 7:6

“Are wa' ri cajilabal ri aj israelib ri xebalax pa Juda ri xec'am bic che pataninelab pa Babilon rumal ri ajawinel Nabucodonosor, ri aretak oc'owinak chic ri patanijic xetzelej pa Jerusalen xukuje' pa jujun c'olbal chic pa Juda,

Ri Ester 1:1

We tzijobelil ri xc'ulmataj pa ri k'ijol aretak ri ajawinel Asuer cajawin puwi' jun ajawibal re jun sient juwinak wukub (127) u tz'akatil ri rajawibal, ri u lic'om rib c'ä pa India ulok copan c'ä pa Etiopiy,

Ri Ester 1:22

Xebutak wuj pa conojel ri u tz'akatil ri rajawibal, xetz'ibax bic pa tak ri qui ch'abal pa tak ri quitz'ib jas kas ri quinak'atisabal ri jujun tz'akatil xukuje' tinimit ri e c'o pa ri rajawibal, xuya' bic takanic pa tak ri wuj chi ri achajixenlab chejekel pa ri qui takanic pa ri cachoch co c'u chech'awok jas ri cacaj.

Salmib 145:3

Ri Ajawaxel nim u banic, sibalaj takal che cäya' u k'ij; ri u nimalil coc'ow na chuwäch ri ketamanic.

Ri Daniel 2:47

Xubij chi c'u na che ri Daniel: “Kastzij ri i Dios ix, are' ri nim na u k'ij chquiwäch ri niq'uiaj diosib chic; are' ri cajaw ri ajawinelab xukuje' are' ri cäk'alajisan tak ri c'utalic, atcuininak c'u ri at che u c'utunisaxic we c'utalic ri'.”

Ri Daniel 3:26

Xuwi xbitaj wa' rumal ri Nabucodonosor, xkeb chuchi' ri jorno xurak c'u u chi': “¡Sadrac, Mesac xukuje' ri Abed-neg pataninel tak rech ri Dios ri c'o pa ri caj, chixel ulok, chixpet waral!” Ri oxib xebel ulok pa u niq'uiajil ri k'ak',

Ri Daniel 4:2

Quinwaj chi quiwetamaj ri jastak ri sibalaj e mayibal ri e u banom ri Dios chwe ri sibalaj chicaj c'o wi.

Ri Daniel 6:26

quinya' c'u takanic xukuje' quintakanic chi pa ronojel ri wajawibal, nim chil wi xukuje' chyo'k u k'ij ri u Dios ri Daniel. Rumal rech chi are' Dios ri c'aslic, jekel c'u amak'el. Ri rajawinic mawi jubik' casachisax ta u wäch, mawi c'o u q'uisbalil ri u cuinem.

U Camulixic ri Pixab 10:17

Ri Ajawaxel c'ut ri i Dios are Dios chque ri cäbix diosib chque, are' c'u Cajaw ri ajawib; are' Dios wa' ri c'o puwi' ronojel, c'o u cuinem xukuje' mayibal c'ut, ri man quebuban ta jalan wächaj ri queban ta u pa u k'ab,

U Camulixic ri Pixab 32:31

Sibalaj queta'm ri ka c'ulel chi ri to'l quech man junam ta ruc' ri kech uj.