Ri Esdras 4:15 - Quiché Bible

¹⁵ re canic'ox chquipam tak ri wuj ri qui tz'ibam can tak ri e mam la. Cärik na la chquipam chi we tinimit ri' man coc ta tzij pa u jolom ri xak c'u quieb cubij paquiwi' tak ri ajawinelab rumal, xukuje' chque ri niq'uiaj e u tz'akatil chic ri ajawibal, ri pa jujun tak k'ij chi canok nabe xequisuc'umaj walijisam tak ib chupam, rumal rech wa' xsachisax qui wäch.

Ri Esdras 4:15 ပူးပေါင်းရင်းမြစ်များ

Ucab Ajawinelab 24:20

Rumal ri' xoyowar ri Ajawaxel chrij ri Jerusalen xukuje' chrij ri Juda, xebuq'uiak bic chuwäch. Xuwalijisaj c'u rib ri Sedequiy chrij ri ajawinel re Babilon.

Ucab Ajawinelab 25:4

Xquic'ot c'u jun jul chuxe' ri nimalaj u tapia ri tinimit, pune' c'u sutital rij cumal ri aj caldeyib are' c'u ri ajawinel xukuje' conojel ri ajch'ojab xebanimaj bic chak'ab xquiya' can ri tinimit. Xebel bic pa ri oquibal ri c'o chquixo'l ri quieb nimak tak tapia, chupam ri be ri c'o chquipam tak ri u tiquibal tak u cotz'i'j ri ajawinel, are' c'u xquimajij ri be ri cäbe pa ri beya' re ri Jordan.

Ri Esdras 4:12

Chopan retamaxic chuwäch la, chi ri aj judeyib ri xepakaba' la ulok kuc', e bopaninak pa Jerusalen, cätajin c'u cäquiban u banic u yaquic we tinimit ri' ri man nimanel taj, itzel c'ut. E qui cojom tak ri e u tac'alibal tak ri nim tapia chrij ri tinimit qui chaplem c'u qui yaquic.

Ri Esdras 4:14

Rumal c'u rech chi uj c'o uj che patanixic la, man xak ta cakilo chi cäya' oyowal che la. Rumal ri' cakatak bic u bixic che la ri cätajin cac'ulmatajic,

Ri Esdras 4:16

Rumal c'u ri', cakaya' retamaxic che la chi we cäban u caban u yaquic we tinimit ri', caquiq'uis c'u u yaquic ri u tapia, ri lal catzak na la ri takanic puwi' ri ajawibal la ri c'o pa ri u kajebal k'ij che ri nima' Euprats.”

Ri Nehemiy 2:19

Aretak c'ut xquita' ri Sanbalat ri aj Horon, ri Tobiy ri aj amon ri takanel, xukuje' ri Jesem ri aj arab, xa xujquiyok'o, xquitze'j ka wäch: “¿Jas ta ri iwuc'am ulok pa i k'ab? ¿La xa ta c'u lo chi are ta quiwaj quiwalijisaj ta iwib chrij ri ajawinel?”

Ri Nehemiy 6:6

ri jewa' cubij: “C'o u bixic chquixo'l tak ri winak, xukuje' cubij ri Jesem, chi ri at xukuje' tak ri aj judeyib cätajin qui chomaj u banic jun walijisam ib, rumal c'u ri' cätajin quiban u yaquic ri nimalaj tapia. Ri esam c'ut u bixic chi chi at ri catcanaj che cajawinel,

Ri Ester 2:23

We jasach ri' xtzucux u ch'obic, aretak c'u xch'obotajic chi kastzij, ri quieb qui nimal ajch'ojab xtak qui jitz'axic. We c'ulmatajic ri' xtz'ibax canok, chuwäch ri ajawinel, chupam ri wuj ri quetz'ibax wi tak ri u tzijobelil ri nim tinimit.