Ri Esdras 10:4 - Quiché Bible

⁴ Chatwalijok, jun jasach c'u wa' ri at catbanow na; uj ka junamam ka wäch awuc'. Chacojo' a chuk'ab, chatoc c'u che u banic ri chac.”

Ri Esdras 10:4 ပူးပေါင်းရင်းမြစ်များ

Nabe Tzijobelil 22:19

Are c'u ri camic, xa' jumul chiya' i tzij che u tzucuxic ri Ajawaxel ri i Dios. Je c'u ri' chiya' i tzij che ri u yaquic ri k'ijilabal ri cak'ijilax wi ri Dios, ri Ajawaxel, che u k'axexic ri caxa rech ri u c'ulwächinic ri Ajawaxel xukuje' tak ri tastalic tak chaconisan rech ri Dios chupam ri ja ri queyac che ri Ajawaxel.”

Nabe Tzijobelil 28:10

Mäsach c'u pa a jolom chi are' ri Ajawaxel at u cha'om rech cayac jun nim ja ri cak'ijilax wi na. ¡Rumal ri', chachajij anima' chamajij ba ri chac!”

Nabe Tzijobelil 28:20

Xubij c'ut ri David che ri Salomon: “¡Chc'ol a chuk'ab xukuje' co chattac'alok, chamajij ba' ri chac! ¡Maqueblaj a c'u'x mawi maxe'j awib, cac'oji' c'u na ri Ajawaxel ri nu Dios awuc'! Ri are' man catuya' ta canok mawi catuwonoba' ta canok c'ä cäq'uis na u banic ronojel ri chac che ri patanijic chupam ri rachoch Dios.

Nabe Tzijobelil 28:21

Waral e c'o wi ri u cholajil ri qui chac ri e cojol tabal tok'ob xukuje' ri e aj levitib ri xak queyem chic ri pataninic chupam ri rachoch Dios; che qui banic conojel ri chac c'o ri qui to'banic conojel ri quechacun ruc' ri qui rayibal awuc', ri nawinelab che qui banic ronojel qui wäch chac; xukuje' ri e c'amal tak be, xukuje' ronojel ri tinimit e c'o na chuxe' ri a takanic.”

Ri Esdras 10:5

Xtaq'ui' c'u ri Esdras, xuban c'u chque ri e c'amal qui be ri cojol tabal tok'ob xukuje' ri aj levitib, xukuje' chque conojel ri aj israelib, chquichi'j chuwäch ri Dios, chi caquitz'akatisaj u banic ri xquiya' qui tzij che u banic; ri e are' xquichi'j c'u u banic.

Ri Tzijonel 9:10

Ronojel c'ut ri c'o pa a k'ab che u banic, chabana' ruc' ronojel chuk'ab, rumal rech chi pa ri mukubal, ri catetac'al wi na, ma c'o ta jas cabanic mawi c'o jas cächomax chic, mawi c'o chic etamanic mawi no'j.

Marcos 13:34

Are je jas jun achi ri xbe naj, xuya' can ri rachoch, xuya' can takanic pa qui k'ab ri rajchaquib, xuya' can qui chac chquijujunal. Xtakan che ri chajil uchi'ja chi rajawaxic cäc'asc'atic.

Hebreos 10:24

Kas chkilila' kib, chkapixbela kib che ri lok'ok'ebal ka c'u'x xukuje' ri utzalaj tak chac.