Ri Esdras 1:7 - Quiché Bible

⁷ Ri ajawinel Sir, xebujach bic tak ri chaconisan ri re ri Rachoch ri Ajawaxel ri xeresaj ulok ri Nabucodonosor pa Jerusalen, xebuc'am c'u ulok xebuya' chupam ri cachoch ri e u diosib.

Ri Esdras 1:7 ပူးပေါင်းရင်းမြစ်များ

Ucab Ajawinelab 24:13

Xuchaplej c'ut ri Nabucodonosor quesaxic conojel ri k'inomal ri e c'o chupam ri rachoch ri Ajawaxel xukuje' ri c'o chupam ri rachoch ri ajawinel je, jacha' ri u yo'm u bixic ri Ajawaxel, xebupaxij conojel ri jastak re k'an puak ri xebuban can ri Salomon ri ajawinel re Israel che ri rachoch ri Ajawaxel.

Ucab Tzijobelil 36:10

Chquipam ri nabe tak ic' re ri junab, ri ajawinel Nabucodonosor xtakanic chi chc'am bic pa Babilon, junam cuc' tak ri e u choconisan ri rachoch ri Ajawaxel ri sibalaj pakal cajil, are c'u xucoj ri Sedequiy, ri c'o c'u'x che ri Joaquin che ajawinel puwi' ri Juda xukuje' Jerusalen.

Ucab Tzijobelil 36:18

Conojel ri chaconisabal ri c'o chupam ri rachoch Dios, chi nimak chi chutik, xukuje' tak ri k'inomal ri e c'o chupam ri rachoch Dios, ri u k'inomal ri ajawinel xukuje' ri quech ri e räch k'atal tak tzij, ronojel xuc'am bic ri cajawinel ri aj caldeyib aj Babilon.

Ucab Tzijobelil 36:7

Ri Nabucodonosor xebuc'am bic niq'uiaj chque ri chaconisan ri e c'o chupam ri rachoch ri Ajawaxel, xebuya' c'u chupam ri cachoch ri e u diosib ri c'o pa Babilon.

Ri Esdras 5:14

Xeresaj c'u ne bic ri chaconisan ri e re k'an puak xukuje' e re sak puak ri e c'o chupam ri cachoch ri diosib ri c'o pa Babilon, e c'o c'u can wa' nabe chupam ri Rachoch ri Dios ri xc'oji' can pa Jerusalen, ri xeresaj bic ri Nabucodonosor chupam we Rachoch Dios ri' ri xebuc'am c'u bic pa Babilon. Xebujach c'ut pa u k'ab jun achi ri binam Sesbasar, ri u cojom che k'atal tzij.

Ri Esdras 6:5

Are c'u tak ri chaconisan re k'an puak xukuje' re sak puak ri e aj Rachoch ri Dios, ri xeresaj ri Nabucodonosor chupam ri Rachoch Dios pa Jerusalen xebuc'am c'u bic pa Babilon, chetzelexok che c'am bic pa Jerusalen, cheyok chupam ri Rachoch Dios, are c'u qui c'olbal wa'.’ ”

Ri Jeremiy 51:44

“Quinc'äjisaj na u wäch ri dios Bel pa Babilon, quinban che chi cuxawaj ri u bik'om, man catzucux ta chi c'u na cumal ri nimak tak tinimit. ¡Xetzak tak ri e u nimak tak u tapia ri Babilon!

Ri Daniel 1:2

Ri Ajawaxel xuya' c'olbal chi ri Nabucodonosor xuyut ri Joasim, xukuje' niq'uiaj chque ri e u chaconisan ri rachoch Dios. Ri Nabucodonosor, xebuc'am c'u bic ri winak ri xekaj pa u k'ab pa Babilon, xebuya' c'ut ri tastalic tak chaconisan chquixo'l ri e u k'inomal ri cachoch ri e u diosib;

Ri Daniel 5:23

Man je ta c'u banom la, xane' etz'ben c'u la u wäch ri Ajawaxel aj caj, xtak c'u la qui c'amic tak ri kumubal xukuje' ri nimak tak lak re ri rachoch ri Dios, junam c'ut cuc' ri e ula' la, e kumum la u wa'l uva, e quik'ijilam c'ut ri diosib ri e re k'an puak, sak puak, k'an ch'ich', räx ch'ich', che' xukuje' abaj; e diosib wa' ri man queca'y taj mawi quetanic, mawi c'o jas queta'm. Man c'u ne k'ijlan ta la ri Dios ri c'o wi ri c'aslemal la, che c'u cäpe wi ronojel ri cäban la.