Ri Esdras 1:6 - Quiché Bible

⁶ Conojel tak ri qui c'ulja xequito' bic, cumal xquiya' bic sak puak, k'an puak chque, jastak que, awaj, jastak ri pakapoj cajil, xequiya' c'u bic ronojel qui wäch tak sipanic pa quech wi.

Ri Esdras 1:6 ပူးပေါင်းရင်းမြစ်များ

Nabe Tzijobelil 29:9

Ri winak xequicotic rumal we yanic ri' ruc' ronojel animaaj, rumal rech chi e qui yo'm we jastak ri' che ri Ajawaxel ruc' ronojel animaaj. Xukuje' ri ajawinel David nimalaj xquicotic.

Ri Esdras 1:4

Apachin ta c'u ne ri c'ä c'aslic ri quel bic pa ri c'olbal ri jekel wi camic, chyok bic sak puak, k'an puak che cumal tak ri u c'ulja che u to'ic, jastak re, xukuje' tak awaj, xukuje' chquiya' bic sipanic che ri Rachoch ri Dios pa Jerusalen.”

Ri Esdras 8:33

Chucaj k'ij c'ut xpaj ri sak puak, ri k'an puak xukuje' tak ri chaconisan chupam ri Rachoch ri ka Dios, xjach c'u ronojel pa u k'ab ri Meremot cojol tabal tok'ob, u c'ojol ri Uriy. C'o c'ut ri Eleazar ruc', u c'ojol ri Pinees, xukuje' tak ri aj levitib ri Jozabad, u c'ojol ri Jexu, xukuje' ri Noadiy, u c'ojol ri Binuy.

Ri Nehemiy 6:9

We winak ri' xa are ta xcaj xquicoj ta ka xib, are ta c'u xcaj xujtuktub taj ma ta c'u cakaq'uis u banic ri chac; xa' c'u ne sibalaj xintakej na u cojic nu chuk'ab.

Salmib 106:46

¡Xubano chi xukuje' ne' ri xech'äcan paquiwi' xquiban utzil chque!

Salmib 110:3

Ri tinimit la cäjach na pa k'ab la chupam ri k'ij re ri ch'äcanic la. Paquiwi' tak ri tastalicalaj tak juyub, je c'ut jacha' ri räxk'ab ri cäq'uiy pa ri u sakaric, ri alc'ual la cac'ac'ar chi k'ij chi k'ij.

Elem 12:35

Xquinimaj c'u ri takanic ri xuya' ri Moises chque, xequitz'onoj bic chque ri aj ejiptib jastak re k'an puak, re sak puak xukuje' atz'iak.

Elem 12:36

Ri Ajawaxel xubano chi ri aj ejiptib xquiya' ruc' qui rayibal ronojel ri xquitz'onoj bic ri aj israelib chque, jewa' xquiban ri aj israelib che resaxic ri jastak quech ri aj ejiptib.

Ri Isaiy 35:3

Chebicowirisaj ri tukarib, chiya' qui chuk'ab ri e cosinak,

2 Corintios 9:7

Chijujunal ba' chiya' jas ri cäpe pa iwanima', man ruc' ta bis, mawi rumal ta rech chi xa' ta cäcoj chuk'ab chiwe. Ri Dios c'ut culok'ok'ej ri cäyan ruc' quicotemal.