Ri Esdras 1:3 - Quiché Bible

³ Je c'u ri', apachin tak chiwe ri ix u tz'akatil ri u tinimit ri Ajawaxel, chto'ba' rumal ri Dios, choj c'u pa Jerusalen ri c'o pa Juda, che u yaquic ri Rachoch ri Ajawaxel, ri u Dios ri Israel, ri are' ri Dios ri jekel pa Jerusalen.

Ri Esdras 1:3 ပူးပေါင်းရင်းမြစ်များ

Nabe Ajawinelab 18:39

Aretak xilitaj wa', conojel ri winak xquimej quib c'ä xquiya' na ri qui palaj cho ri ulew, xquibij c'ut: “¡Ri Ajawaxel are' ri Dios, ri Ajawaxel are' ri Dios!”

Nabe Ajawinelab 8:23

je c'u xubij wa': “Ajawaxel, u Dios ri Israel: mawi pa ri caj mawi pa ri uwächulew c'o ta jun Dios jacha' ri lal, ri cätz'akatisaj la ri c'ulwächinic la, cac'ut c'u la ri utzil la chquiwäch ri ruc' ronojel canima' quepatanin che la.

Nabe Tzijobelil 28:20

Xubij c'ut ri David che ri Salomon: “¡Chc'ol a chuk'ab xukuje' co chattac'alok, chamajij ba' ri chac! ¡Maqueblaj a c'u'x mawi maxe'j awib, cac'oji' c'u na ri Ajawaxel ri nu Dios awuc'! Ri are' man catuya' ta canok mawi catuwonoba' ta canok c'ä cäq'uis na u banic ronojel ri chac che ri patanijic chupam ri rachoch Dios.

Ri Esdras 1:4

Apachin ta c'u ne ri c'ä c'aslic ri quel bic pa ri c'olbal ri jekel wi camic, chyok bic sak puak, k'an puak che cumal tak ri u c'ulja che u to'ic, jastak re, xukuje' tak awaj, xukuje' chquiya' bic sipanic che ri Rachoch ri Dios pa Jerusalen.”

Ri Esdras 4:3

Are c'u ri Zorobabel, ri Jexu xukuje' ri e jule' chic c'ämal tak qui be ri jujun tak ja winak aj israelib xquitzelej u bixic chque: “Man ya'tal ta chke chi cujito' ta che u banic u yaquic chi jumul ri Rachoch ri ka Dios, xak xuwi ri uj ka tuquiel cäkaban na u banic u yaquic che ri Ajawaxel, ri Dios re Israel, je c'u wa' ri takanic ri u yo'm ri Sir chke, ri ajawinel re Pers.”

Ri Esdras 5:13

Pa ri nabe c'ut u junab ri rajawinic ri Sir, ajawinel pa Babilon, xuya' takanic chi cäban u banic u yaquic we Rachoch Dios ri' ri e tzeletajinak.

Ri Esdras 5:3

Are' c'u ri Tatnay, ri are' k'atal tzij pa ri ulew ri c'o pa ri u kajebal k'ij che ri nima' Euprats, xukuje' ri Setar-boznay xukuje' tak ri e rachil, xebe che u bixic chque: “¿Jachin yowinak takanic chiwe chi quitakej u banic u yaquic we Rachoch Dios ri' tz'alam c'u qui ch'ukubej u pam?

Ri Esdras 6:7

chiya' can c'olbal chque ri qui k'atal tzij ri aj judeyib xukuje' tak ri e c'amal u be ri chac, are che ilowok chi chban u banic u yaquic ri Rachoch Dios pa ri u c'olbal.

Salmib 132:13

¡Ri Ajawaxel u cha'om ri juyub Sion! ¡U c'utum rech chila' cajeki' wi!

Salmib 83:18

¡Chquetamaj chi xuwi ri lal lal Ajawaxel, chi xuwi ri lal lal aj chicaj puwi' ronojel ri uwächulew!

Ri Isaiy 37:16

“Ajawaxel ri c'o ronojel cuinem la, u Dios ri Israel, ri c'o ri tem la re ajawibal la paquiwi' ri aj cajalaj tak to'banelab ri e c'o qui xic', xuwi ri lal lal Dios paquiwi' conojel ri ajawibal rech ri uwächulew lal xbanow ri caj xukuje' ri ulew.

Ri Isaiy 44:28

In quinbij che ri Sir: At nu cojom che wajyuk', at catbanow na ronojel ri quinwaj xukuje' quinbij che ri Jerusalen: Ri at catyac chi na jumul che c'u ri rachoch Dios: quecoj chi na ri e a tac'alibal.”

Ri Isaiy 45:5

In ri Ajawaxel, man c'o ta chi jun; man c'o ta chi jun dios xuwi ri in. Nu yo'm a chuk'ab che u banic ri ch'o'j, man aweta'm ta c'u nu wäch,

Ri Jeremiy 10:10

Ri Ajawaxel, are ri' ri kas Dios, ri c'aslic Dios, ri junalic ajawinel. Aretak coyowaric, cayicop ri uwächulew ri nimak tak tinimit man caquich'ij ta u coch'ic ri royowal.

Ri Daniel 2:47

Xubij chi c'u na che ri Daniel: “Kastzij ri i Dios ix, are' ri nim na u k'ij chquiwäch ri niq'uiaj diosib chic; are' ri cajaw ri ajawinelab xukuje' are' ri cäk'alajisan tak ri c'utalic, atcuininak c'u ri at che u c'utunisaxic we c'utalic ri'.”

Ri Daniel 6:26

quinya' c'u takanic xukuje' quintakanic chi pa ronojel ri wajawibal, nim chil wi xukuje' chyo'k u k'ij ri u Dios ri Daniel. Rumal rech chi are' Dios ri c'aslic, jekel c'u amak'el. Ri rajawinic mawi jubik' casachisax ta u wäch, mawi c'o u q'uisbalil ri u cuinem.

Ri Matey 28:20

Chebitijoj che u nimaxic ronojel jas ri xixintak wi. Chiwilampe', in c'o iwuc' ronojel k'ij c'ä pa ri u q'uistajic ri uwächulew.”

Hechos 10:36

Ri Dios xutak ulok ri u tzij chque ri e rija'l ri Israel, cutzijoj c'u jamaril chque ri winak rumal ri Jesucrist. Are wa' ri Kajaw konojel.

U Camulixic ri Pixab 32:31

Sibalaj queta'm ri ka c'ulel chi ri to'l quech man junam ta ruc' ri kech uj.

Ri Josue 1:9

In ri' ri catintako chi chachajij anima' xukuje' cochattac'alok. Maxe'j awib mawi maqueblaj a c'u'x rumal rech chi ri in, ri Awajawaxel xukuje' a Dios, quinc'oji' na awuc' apawije' ta ne ri catbe wi.”