Ri Esdras 1:2 - Quiché Bible

² “Ri Sir, ajawinel re Pers, cuk'alajisaj ri cätakex u bixic: Ri Ajawaxel, ri Dios ri c'o chicaj, u yo'm pa nu k'ab conojel ri ajawibal aj uwächulew, u yo'm c'u u bixic chwe chi quinyac jun Rachoch Dios pa Jerusalen, ri c'o pa ri rulew ri Juda.

Ri Esdras 1:2 ပူးပေါင်းရင်းမြစ်များ

Nabe Ajawinelab 8:27

¿La kas ta c'u tzij chi ya'talic chi ri Dios cajeki' chuwäch ri uwächulew? Ri caj ruc' ronojel ri u nimalil man cacuin ta che u k'iic, ¡e ta c'u lo we achoch la ri' ri nu yacom che la!

Ucab Tzijobelil 2:12

Xutik c'ut: “¡Tewichital ri Ajawaxel, ri u Dios ri Israel, ri xbanow ri caj xukuje' ri ulew, u yo'm c'u che ri ajawinel David jun u c'ojol ri c'o u no'j, ri tijom xukuje' utzalaj cächomanic, ri cuyaca' jun rachoch ri Ajawaxel xukuje' jun rachoch ajawinel che are'!

Ri Esdras 1:5

Ri c'ämal tak qui be ri jujun tak ja winak aj Juda xukuje' ri aj Benjamin, ri e cojol tabal tok'ob xukuje' ri aj levitib, conojel ri xya' chuk'ab chque rumal ri Dios, xequisuc'umala' tak quib che ri qui bic pa Jerusalen che u banic u yaquic ri Rachoch ri Ajawaxel.

Ri Esdras 3:7

Xya' c'u ri puak chque ri yacal tak ja xukuje' chque ri ajanelab, wa, uq'uia' xukuje' aseit chque ri winak aj Tir xukuje' aj Sidon, rech c'ä pa ri Libano quec'am wi ulok che' re chacalte' puwi' ri plo queyok c'ä pa Jop, je c'u wa' ri xuya' ri Sir, ajawinel re Pers, chi caquibano.

Ri Esdras 4:3

Are c'u ri Zorobabel, ri Jexu xukuje' ri e jule' chic c'ämal tak qui be ri jujun tak ja winak aj israelib xquitzelej u bixic chque: “Man ya'tal ta chke chi cujito' ta che u banic u yaquic chi jumul ri Rachoch ri ka Dios, xak xuwi ri uj ka tuquiel cäkaban na u banic u yaquic che ri Ajawaxel, ri Dios re Israel, je c'u wa' ri takanic ri u yo'm ri Sir chke, ri ajawinel re Pers.”

Ri Esdras 5:15

Ri Sir xuya' takanic che ri Sesbasar chi chebuc'ama' bic tak we chaconisan ri', chebutzelej chupam ri Rachoch Dios pa Jerusalen, chi chubana' c'ut u banic u yaquic ri Rachoch ri Dios chupam ri kas u c'olbal.

Ri Esdras 6:10

rech caquichi'j che ri Dios aj caj tabal tak tok'ob ri quekaj chuwäch chebochi'n c'ut puwi' ri ajawinel xukuje' paquiwi' tak ri e u c'ojol.

Ri Esdras 6:3

“Pa ri nabe junab re ri rajawinic, ri Ajawinel Sir xtakan che u tz'ibaxic we takanic ri': ‘Che u bixic ri cäban che u banic u yaquic ri Rachoch ri Dios pa Jerusalen: Chi checoj ri e u tac'alibal chyac c'u ri ja, rech quechi'x ri tabal tak tok'ob chila'. Juwinak oxlajuj (33) bara' c'ut quebel chicaj xukuje' juwinak oxlajuj (33) c'ut bara' u wäch;

Ri Esdras 7:12

“Ri k'atal tzij Artajers cuya' rutzil u wäch ri Esdras, cojol tabal tok'ob xukuje' ajtij ri u tijom rib che ri u pixab ri Dios aj caj.

Ri Nehemiy 1:4

Aretak xinta' tak we tzijol ri', xint'uyiba' wib che ok'ej, xbeytaj c'u quieb oxib k'ij ri nu bis, man xinwa' taj xukuje' xinban ch'awem chuwäch ri Dios ri c'o pa ri caj.

Ri Nehemiy 1:5

Xinbij c'u che': “Ajawaxel, Dios ri c'o la pa ri caj, nimalaj Dios xukuje' xibibal, ri catz'akatisaj la ri c'ulwächinic la, xukuje' ri jiquil la cuc' ri cälok'ok'ex la cumal ri caquitz'akatisaj c'ut qui banic tak ri takomal la;

Salmib 136:26

¡Chiya' maltioxinic che ri Dios aj caj, junalic c'ut ri u lok'ok'ebal c'u'x!

Salmib 85:2

cuyum la ri retzelal ri tinimit la xukuje' ronojel ri u mac;

E C'ambal tak Tzij 21:1

Ri u chomabal ri ajawinel pa u k'ab ri Ajawaxel. Cätakenic e jacha' tak ri nima', ri be ri craj ri Ajawaxel.

Ri Isaiy 41:2

¿Jachin xbanowic chi xc'utun pa elebal k'ij we ajawinel ri' ri amak'el quel ulok ruc' ch'äcanem? ¿Jachin quejachow ri nimak tak tinimit pa u k'ab cuban c'ut chi ri ajawinelab caquimach' quib chuwäch, rech ruc' ri u ch'ich' re ch'o'j xukuje' ri u q'uiakbal ch'ab quebujabuj c'ut jacha' ri pajo?

Ri Isaiy 44:26

Quinban c'ut chi ri cäquibij ri e pataninelab tak wech je cäbantajic, xukuje' chi utz quebel wi ri qui chomanic ri e nu tako'nib. In quink'alajisaj chi ri Jerusalen cänoj chi na chque winak, chi conojel ri tinimit tak re Juda queyac chi na jumul. In quinbano chi quebel na chupam ri yojyobic ri e c'o wi.

Ri Isaiy 44:28

In quinbij che ri Sir: At nu cojom che wajyuk', at catbanow na ronojel ri quinwaj xukuje' quinbij che ri Jerusalen: Ri at catyac chi na jumul che c'u ri rachoch Dios: quecoj chi na ri e a tac'alibal.”

Ri Isaiy 45:1

Ri Ajawaxel cucoj ri Sir che ajawinel, xuc'am che ri u k'ab rech cajawin paquiwi' ri nimak tak tinimit, xukuje' qubuch'äc tak ri ajawinelab. Ri Ajawaxel cubano chi chuwäch ri Sir quejaktaj ri coquibal tak ri tinimit man c'o ta c'u jun cäcuinic quebutz'apij ta chic. Cubij c'u che camic:

Ri Isaiy 66:1

Ri Ajawaxel cubij: “Ri caj are nu tem re ajawibal are c'u ri ulew are qui tac'alibal ri wakan. ¿Jawije' ta lo ri caban ta wi cuinem che u yaquic jun ja chwe? ¿Jawije' ta lo ri caban ta wi cuinem che u banic jun c'olbal chwe che wuxlanibal?

Ri Jeremiy 10:11

(Ix, israelib, chibij chque tak ri e k'ijilal diosib: “Ri diosib ri man e are' taj xebanow ri caj mawi ri ulew casach na qui wäch cho ri uwächulew; mawi jun chque cacanaj ta can chuxe' ri caj.)”

Ri Jeremiy 27:5

Ruc' nimalaj u liq'uic cuinem xinban ri uwächulew, ri winak xukuje' ri awaj ri e c'o puwi', quincuin c'ut quinya' che apachin che ri quinwaj wi.

Ri Jeremiy 29:10

Ri Ajawaxel cubij: ‘Aretak chetz'akat ri oxc'al lajuj (70) junab che ri Babilon, quinya' na ri to'banic chiwe ix quintz'akatisaj c'u na ri nu chi'nic chiwe ri sibalaj man c'o ta c'o wi chi quinban chiwe chi quixtzelej chupam we c'olbal ri'.

Ri Daniel 1:21

Xcanaj c'u can ri Daniel chila' c'ä pa ri nabe junab re ri rajawinic ri Sir.

Ri Daniel 2:21

Ri are' quebuq'uex ri k'ijaric xukuje' tak ri k'ijol; queresaj xukuje' quebucoj tak ajawinelab, cuya' qui no'j tak ri ajno'jab xukuje' qui c'oxomabal ri quec'oxomanic.

Ri Daniel 2:28

C'o c'u jun Dios pa ri caj ri cuk'alajisaj tak ri c'utalic, are c'u yo'winak retamaxic che la ri c'ä maja' quec'ulmatajok. Quinya' u k'alajisaxic che la, ri ichic' xukuje' tak ri c'utwächinic ri e ilom la aretak cätajin cäwar la:

Ri Daniel 4:25

Are' c'u, ri lal quesax na la bic chquixo'l ri winak cäjeki' na la chquixo'l ri awaj; catij na la k'ayes, e jacha' tak ri wacax, are c'u ri räxk'ab cäch'akaban na ri cuerp la. Je c'u c'aslemal la wa', wukub junab c'ä cach'ob na la, chi ri Dios aj chicaj c'o u cuinem paquiwi' conojel tak ri ajawibal aj winak, chi are c'ut ri are' ri cäcojow jacha' che k'atal tzij jachin ri cuchomaj chi takal che.

Ri Daniel 4:32

catelesax na chquixo'l ri winak catejekel na chquixo'l ri awaj; catija' na k'ayes e jacha' ri wacax wukub junab, c'ä cach'ob na chi ri Dios ri sibalaj aj chicaj c'o u cuinem paquiwi' conojel ri nimak tak tinimit ri e c'o cho ri uwächulew, chi are' c'ut ri are' ri cäcojow jacha' che k'atal tzij jachin ri cuchomaj chi takal che.”

Ri Daniel 5:23

Man je ta c'u banom la, xane' etz'ben c'u la u wäch ri Ajawaxel aj caj, xtak c'u la qui c'amic tak ri kumubal xukuje' ri nimak tak lak re ri rachoch ri Dios, junam c'ut cuc' ri e ula' la, e kumum la u wa'l uva, e quik'ijilam c'ut ri diosib ri e re k'an puak, sak puak, k'an ch'ich', räx ch'ich', che' xukuje' abaj; e diosib wa' ri man queca'y taj mawi quetanic, mawi c'o jas queta'm. Man c'u ne k'ijlan ta la ri Dios ri c'o wi ri c'aslemal la, che c'u cäpe wi ronojel ri cäban la.

Ri Daniel 6:25

Are c'u ri Dariy xebutz'ibaj tak wuj chque ri winak ri e c'o pa conojel ri nimak tak tinimit xukuje' tak ch'abal ri e c'o cho ri uwächulew, je xubij bic wa' chque: “Quinrayij jamaril chiwe xukuje' rutzil i wäch,

Ri Jonas 1:9

Ri Jonas xubij chque: “In aj hebrey, quink'ijilaj ri Ajawaxel, ri Dios aj caj ri banowinak ri plo xukuje' ri ulew.”