Ri Esdras 1:1 - Quiché Bible

¹ Pa ri nabe junab re ri rajawinic ri Sir, ajawinel re Pers, rech cätz'akat ri u tzij ri Ajawaxel ri xya' u bixic rumal ri Jeremiy, ri Ajawaxel xuya' pa ranima' ri Sir rech cuya' nimalaj u bixic rumal tzij xukuje' rumal tz'ibatalic, we takanic ri':

Ri Esdras 1:1 ပူးပေါင်းရင်းမြစ်များ

Ri Esdras 1:5

Ri c'ämal tak qui be ri jujun tak ja winak aj Juda xukuje' ri aj Benjamin, ri e cojol tabal tok'ob xukuje' ri aj levitib, conojel ri xya' chuk'ab chque rumal ri Dios, xequisuc'umala' tak quib che ri qui bic pa Jerusalen che u banic u yaquic ri Rachoch ri Ajawaxel.

Ri Esdras 4:3

Are c'u ri Zorobabel, ri Jexu xukuje' ri e jule' chic c'ämal tak qui be ri jujun tak ja winak aj israelib xquitzelej u bixic chque: “Man ya'tal ta chke chi cujito' ta che u banic u yaquic chi jumul ri Rachoch ri ka Dios, xak xuwi ri uj ka tuquiel cäkaban na u banic u yaquic che ri Ajawaxel, ri Dios re Israel, je c'u wa' ri takanic ri u yo'm ri Sir chke, ri ajawinel re Pers.”

Ri Esdras 6:14

Jeri' ri aj judeyib ri e c'amal tak u be ri chac xecuinic xquitakej qui banic tak ri chac ri caban u banic, je jas ri yo'm u bixic rumal ri k'axal tzij ri Hajey xukuje' ri Zacariy, u c'ojol ri Id. Xq'uis c'u u banic ri yacanic je jas ri yo'm u bixic rumal ri u Dios ri Israel, je c'ut xukuje' jas ri takanic ri u yo'm ri Sir, ri Dariy xukuje' ri Artajers, e ajawinelab re Pers.

Ri Esdras 6:22

Wukub k'ij c'ut xcoc'owisaj ruc' quicotemal ri nimak'ij re tak ri caxlanwa ri man cäya' ta ch'am cuc', are c'u ri Ajawaxel xenojisan che quicotemal aretak xubano chi ri ajawinel aj Pers xutok'obisaj qui wäch, xebuto' c'u che ri u banic u yaquic ri Rachoch ri Dios re Israel.

Ri Esdras 6:3

“Pa ri nabe junab re ri rajawinic, ri Ajawinel Sir xtakan che u tz'ibaxic we takanic ri': ‘Che u bixic ri cäban che u banic u yaquic ri Rachoch ri Dios pa Jerusalen: Chi checoj ri e u tac'alibal chyac c'u ri ja, rech quechi'x ri tabal tak tok'ob chila'. Juwinak oxlajuj (33) bara' c'ut quebel chicaj xukuje' juwinak oxlajuj (33) c'ut bara' u wäch;

Ri Esdras 7:27

Xuban c'u ch'awem ri Esdras ruc' ri Dios: “Tewichital ri Ajawaxel, Dios que tak ri ka mam, rumal rech chi xuya' pa ri ranima' ri ajawinel ri u nimarisaxic u k'ij ri Rachoch ri Ajawaxel pa Jerusalen,

Salmib 106:46

¡Xubano chi xukuje' ne' ri xech'äcan paquiwi' xquiban utzil chque!

E C'ambal tak Tzij 21:1

Ri u chomabal ri ajawinel pa u k'ab ri Ajawaxel. Cätakenic e jacha' tak ri nima', ri be ri craj ri Ajawaxel.

Ri Isaiy 44:28

In quinbij che ri Sir: At nu cojom che wajyuk', at catbanow na ronojel ri quinwaj xukuje' quinbij che ri Jerusalen: Ri at catyac chi na jumul che c'u ri rachoch Dios: quecoj chi na ri e a tac'alibal.”

Ri Isaiy 45:1

Ri Ajawaxel cucoj ri Sir che ajawinel, xuc'am che ri u k'ab rech cajawin paquiwi' ri nimak tak tinimit, xukuje' qubuch'äc tak ri ajawinelab. Ri Ajawaxel cubano chi chuwäch ri Sir quejaktaj ri coquibal tak ri tinimit man c'o ta c'u jun cäcuinic quebutz'apij ta chic. Cubij c'u che camic:

Ri Jeremiy 1:1

Tzij xukuje' e u banoj tak ri Jeremiy, u c'ojol ri Hilsiy, quija'lil e cojol tabal tok'ob ri e jekel pa ri tinimit re Anatot, pa ri rulew ri Benjamin.

Ri Jeremiy 29:10

Ri Ajawaxel cubij: ‘Aretak chetz'akat ri oxc'al lajuj (70) junab che ri Babilon, quinya' na ri to'banic chiwe ix quintz'akatisaj c'u na ri nu chi'nic chiwe ri sibalaj man c'o ta c'o wi chi quinban chiwe chi quixtzelej chupam we c'olbal ri'.

Ri Ezequiel 38:5

E cachilam tak winak ri e petinak pa Pers, pa Etiopiy, xukuje' pa Libiy, conojel wa' e c'o tak qui quetecak ch'ich' xukuje' to'bal tak qui jolom,

Ri Daniel 1:21

Xcanaj c'u can ri Daniel chila' c'ä pa ri nabe junab re ri rajawinic ri Sir.

Ri Daniel 2:1

Pa ri ucab junab ri rajawinic, ri Nabucodonosor xebuban tak ichic', cumal c'u quech we ichic' ri' sibalaj xoc il, man coc ta chi c'u ne ri u waram.

Ri Daniel 6:25

Are c'u ri Dariy xebutz'ibaj tak wuj chque ri winak ri e c'o pa conojel ri nimak tak tinimit xukuje' tak ch'abal ri e c'o cho ri uwächulew, je xubij bic wa' chque: “Quinrayij jamaril chiwe xukuje' rutzil i wäch,

Ri Daniel 9:2

Pa ri nabe junab re ri rajawinic, in, Daniel, cätajin quinsiq'uij ri u wuj ri Jeremiy k'axal tzij ri cutzijoj wi ri oxc'al lajuj junab ri coc'ow na rech cäpe ri u yojyobixic ri Jerusalen, jas ri xubij ri Ajawaxel che ri k'axal u tzij.

Ri Xuan 1:23

Ri Xuan xubij: “In ri' ri ch'abal ri curak u chi' chupam ri chaki'j uwo sak, ri cubij: ‘Chicolomaj ri u be ri Ajawaxel’, jas ri xubij ri Isaiy ri k'axal tzij.”