Ri Daniel 9:8 - Quiché Bible

⁸ Ri uj, Ajawaxel, xukuje' tak ri e kajawinelab, ri e c'amal tak ka be xukuje' tak ri e ka mam cäkana' kib chi elinak ka q'uixbal rumal rech chi uj macuninak chwäch la.

Ri Daniel 9:8 ပူးပေါင်းရင်းမြစ်များ

Ucab Ajawinelab 21:15

Rumal rech chi man e utz taj ri qui banoj ri quequiban chnuwäch, quiyacom c'u ulok woyomal kas pa ri k'ij ri xebel ulok ri e qui mam pa Ejipt c'ä camic.”

Ucab Tzijobelil 6:37

we c'u pa ri ulew jawije' ri e c'amom wi la bic caquiq'uex qui c'u'x quetzelej uc' la caquitz'onoj c'u tok'ob che la caquich'ob c'ut chi e macuninak qui banom c'ut ri lawaloyil,

Ri Nehemiy 1:6

quinbochi'n che la camic chi tatabej la ri ch'awem ri quinban chwäch la chi pa k'ij, chi chak'ab paquiwi' ri e pataninelab la, ri aj israelib. Quincoj wib chupam chi ri uj, ri uj aj israelib, uj macuninak chwäch la; ¡Xukuje' tak ne ri e wachalaxic xukuje' ri in, uj macuninak!

Ri Isaiy 64:4

Mawi jumul tatajinak mawi ilitajinak chi c'o ta chi jun Dios ri ma ta xuwi ri lal ri quebuban ta we mayibal tak jastak ri' che qui to'ic ri cäquicu'ba' qui c'u'x chrij.

Ri Jeremiy 14:20

Ajawaxel cakaya' kib chuxe' ri ketzelal xukuje' ri qui mac ri e ka mam; uj macuninak chwäch la.

Ri Jeremiy 32:32

rumal ronojel ri c'axc'obenic ri qui banom chwe cumal tak ri itzel ri e qui banom ri tinimit aj Israel xukuje' ri tinimit aj Juda, xak junam qui banom tak ri e cajawinelab, ri e c'ämal tak qui be, ri e qui cojol tabal tok'ob, ri e k'axal tzij ri e c'o cuc' xukuje' conojel tak ri winak ri e c'o pa Juda xukuje' ri e c'o pa Jerusalen.

Ri Jeremiy 7:19

C'o c'u na ri c'axc'obisanic ri caquiban chquibil tak quib, chuwäch ri kas c'axc'obisanic ri caquiban chwe in, che ri kas qui q'uixbal. In, ri Ajawaxel, quinjiquiba' u bixic.

Juyuwem 1:18

Ri Ajawaxel xuban ri takalic, rumal rech chi xebenc'ulelaj tak ri e u takanic. ¡Chinitatabej, tinimit iwonojel; chixoc il che rilic ri nu k'oxomal! ¡Ri e tak nu c'ojolab xukuje' tak ri e nu k'apojib e c'amom tak bic jacha lok'om patanijic!

Juyuwem 3:42

Ri e ka mac tak xukuje' tak ri e ka c'ulelanic, ¿la ma ta casach ka lo mac chque wa'?

Juyuwem 5:16

Xtzak ri ka corona ri c'o che ri ka jolom; ¡tok'ob ka wäch, chi uj macuninak!

Ri Ezequiel 16:63

At cänataj c'u na chawe, cana' c'u na nimalaj q'uixbal xukuje' mach'ibal ib man c'u cachajij ta chic anima' c'o ta chi jas cabij aretak quinsach a mac che ronojel ri a banom, In ri Ajawaxel, quinjiquiba' u bixic.”

Ri Ezequiel 5:6

Are c'u ri are' xebuc'ulelaj tak ri nu pixab xukuje' tak ri e nu takanic, nim c'u na ri etzelal ri u banom chquiwäch tak ri tinimit xukuje' ri nimak tak tinimit ri e c'o tak che u c'ulja, man quequinimaj ta c'ut ri e nu pixab mawi quitakem qui banic tak ri e nu takomal.

Ri Daniel 9:9

Lal c'ut, cäban ech la ka Dios, pa k'ab la c'o wi ri elebal c'uxaj xukuje' ri sachoj macaj. Ri uj ka walijisam kib che c'ulelaxic la