Ri Daniel 9:7 - Quiché Bible

⁷ Ri lal Ajawaxel, lal suc', are c'u ri uj ri uj aj judeyib elinak ka q'uixbal camic; ri e jekel pa Jerusalen xukuje' ri niq'uiaj aj israelib chic, ri e c'o nakaj xukuje' ri e c'o naj, ri e jekel pa tak ri ulew ri xeq'uiak wi la bic rumal rech chi man xeniman ta che la.

Ri Daniel 9:7 ပူးပေါင်းရင်းမြစ်များ

Ri Esdras 9:13

Chwi c'u ronojel ri ka c'ulmam qui mac quech tak ri etzelal ri e ka banom xukuje' ri c'axalaj tak macaj ri e ka banom, pune' c'u ne man c'äjisam ta la ka wäch jas ri takal chke qui mac quech tak ri ka mac, xane' yo'm la we tzokopitajic ri' chke,

Ri Esdras 9:15

Ajawaxel, Dios re Israel, lal uxinak suc' chke; lal c'u yowinak chi e c'o quieb oxib chke ri u takem c'aslem, jacha' ri cakil camic. Are c'u ri uj kas uj aj chak' tak aj maquib chwäch la; rumal ri' man cujcuin taj cujc'oji' ta chwäch la.”

Ri Nehemiy 9:33

Pune' c'u je c'ulmatajinak wa', ri lal, lal ch'ajch'oj che chak'maquil; ri lal, banom la wa' ruc' jiquilal, are c'u ri uj ka banom ri etzelal.

Salmib 119:137

Ajawaxel, ri lal lal suc'; e colom c'ut ri pixab tak la ri e tz'ibam la.

Salmib 44:15

Man c'o ta jok'otaj ri ma ta quina' wib chi in mach'italic; cäkaj ri nu palaj che q'uixbal.

Salmib 51:14

Mintzokopij la che qui banic cämisanic, nu Dios, Dios re ri nu colotajic, quinwesaj c'u na tzijol la cuc' tak bix chi lal suc'.

Salmib 51:4

Chwäch la in macuninak wi, chwäch la xuwi in macuninak wi, xinban c'ut ri lawaloyil ri cäc'okoj la. Rumal ri' suc' ri chomanic la; man cäc'ulelax ta ri k'atan tzij la.

Ri Isaiy 11:11

Pa ri k'ijol ri' cuc'ut chi na jumul ri u cuinem ri Ajawaxel, quebumol chi na ri e u tz'akatil ri u tinimit ri e to'tajinak canok, quebutzelej ulok caquiya' can ri Asiriy xukuje' ri Ejipt, ri Patros, ri Etiopiy, ri Elam, ri Sinar, ri Hamat xukuje' tak ri tinimit ri e c'o chu chi' ri plo.

Ri Isaiy 45:16

Conojel ri cäquiban tak diosib quel na qui q'uixbal, quemach'irisax na, cätze'x na qui wäch.

Ri Jeremiy 12:1

Ajawaxel, we quinec'ulelan che la, ri lal amak'el are c'o na rumal ri cäbij la; are ta c'u ne quinwaj quinc'ot ta chi' la che ri qui c'ulmatajic jujun jastak. ¿Jasche man c'o ta caquic'ulmaj ri itzel tak winak? ¿Jasche utz e c'olic ri man kas e jic taj?

Ri Jeremiy 23:6

Pa tak ri u k'ijol, ri Juda cäto'taj na xukuje' ri Israel man c'o ta chi cäyo'w ta chi latz' che. Are c'u u bi' wa ri cäbix na: ‘Ri Ajawaxel are' ka ch'äcanic.’ ”

Ri Jeremiy 24:9

Quinban na chque chi quebux jun jasach ri caquiya' xibin ib chque conojel ri nimak tak tinimit ri e c'o cho ri uwächulew, quebux c'u na jun c'utbal re mach'ibal ib, etzelam wächaj xukuje' c'okonic chquiwäch conojel tak ri ulew ri queben jabuj wi na.

Ri Jeremiy 3:25

Kamach'aba' kib, elinak ka q'uixbal, uj ch'ukutajinak che yok'obal, kas aretak c'a uj ch'utik c'a camic, ri uj xukuje' ri e ka mam uj macuninak chuwäch ri Ajawaxel ri ka Dios man ka nimam taj.”

Ri Jeremiy 32:32

rumal ronojel ri c'axc'obenic ri qui banom chwe cumal tak ri itzel ri e qui banom ri tinimit aj Israel xukuje' ri tinimit aj Juda, xak junam qui banom tak ri e cajawinelab, ri e c'ämal tak qui be, ri e qui cojol tabal tok'ob, ri e k'axal tzij ri e c'o cuc' xukuje' conojel tak ri winak ri e c'o pa Juda xukuje' ri e c'o pa Jerusalen.

Ri Jeremiy 33:16

Pa we k'ijol ri' ri Juda man c'o ta cuc'ulmaj na xukuje' ri Jerusalen cajeki' na pa jiquiban c'uxaj. Are c'u bi'aj wa' ri caquinatabej rech: ‘Ri Ajawaxel Dios are' ka ch'äcanem.’

Ri Jeremiy 4:17

Caquisutij na rij ri Juda jacha' ri caquiban ri chajil tak juyub, rumal rech chi xuwalijisaj rib chrij ri Ajawaxel. In, ri Ajawaxel, quinjiquiba' u bixic.

Ri Jeremiy 7:19

C'o c'u na ri c'axc'obisanic ri caquiban chquibil tak quib, chuwäch ri kas c'axc'obisanic ri caquiban chwe in, che ri kas qui q'uixbal. In, ri Ajawaxel, quinjiquiba' u bixic.

Ri Ezequiel 16:63

At cänataj c'u na chawe, cana' c'u na nimalaj q'uixbal xukuje' mach'ibal ib man c'u cachajij ta chic anima' c'o ta chi jas cabij aretak quinsach a mac che ronojel ri a banom, In ri Ajawaxel, quinjiquiba' u bixic.”

Ri Ezequiel 36:31

Aretak c'u canataj ri itzel i c'aslemal chiwe xukuje' tak ri e itzel tak i banoj quiq'uibej na iwib qui mac tak ri e i mac xukuje' cumal tak ri e itzel tak i banoj.

Ri Ezequiel 5:10

Rumal ri' chixo'l ix quewalij na tataxelab ri quequitij na ri e calc'ual xukuje' alc'ualaxelab ri quequitij tak na ri e qui tat. Quenbana' na ri u c'äjisaxic a wäch, are c'u ri quec'asi' canok quebenjabuj na pa ri quiejeb quiakik'.

Ri Ezequiel 6:12

Ri naj e c'o wi quecäm na cumal tak ri yabil, ri e c'o nakaj quecäm na rumal ri ch'o'j, are c'u ri quec'asi' canok quecäm na rumal wi'jal. Je quinban na wa' che u tojojexic ri woyowal paquiwi'.

Ri Daniel 9:14

Rumal ri', suc'umam la we c'axc'olil ri' takom c'u la ulok pakawi'; rumal rech chi ri lal, Ajawaxel xukuje' ka Dios, lal suc' pa ronojel ri cäban la; are c'u ri uj man xkaj taj xkatatabej ri xbij la chke.

Ri Daniel 9:18

Choc la il, nu Dios, xukuje' chätataben la; utz u ca'yexic bana' la ri ketzeletajic xukuje' ri tinimit la ri cänatax wi ri bi' la. Man quekaban ta ri ka bochi'nic che la rumal rech chi ka jiquiban ka c'u'x chrij ri u suq'uilal ri ka c'aslemal, xane' chrij ri nimalaj elebal c'u'x la.

Ri Daniel 9:8

Ri uj, Ajawaxel, xukuje' tak ri e kajawinelab, ri e c'amal tak ka be xukuje' tak ri e ka mam cäkana' kib chi elinak ka q'uixbal rumal rech chi uj macuninak chwäch la.

Ri Amos 9:9

Quenya' takanic chi ri rachoch ri Israel cäseyic jacha' ri caban che ri u seyic ri trico pa jun seyebal, man c'o ta c'u jun u bak'wäch trico cätzak ta pa ulew.

Romanos 6:21

¿Jas c'u ri xiwechbej can chquij ri jastak ri cäquiya' chi q'uixbal chiwe camic? Cämical c'u ri quec'aman wi bic.

U Camulixic ri Pixab 32:4

Ri are' are to'l kech; e tz'akat ri e u chac, e suc' ri e u banoj. Are' ri Dios re ri kastzij. Pa ri are man c'o ta ri mat suq'uilal; ¡ri are' suc' xukuje' aj kastzij!

U Camulixic ri Pixab 4:27

Ri Ajawaxel quixujabuj na pa conojel ri nimak tak tinimit, xa c'u ix quieb oxib quixto'taj na chquipam ri nimak tak tinimit.