Ri Daniel 9:4 - Quiché Bible

⁴ Xinban ch'awem ruc' ri Ajawaxel ri nu Dios, xinban c'u we k'alajisanic ri' chuwäch: ‘Ajawaxel, nimalaj Dios ri xukuje' c'o u cuinem, ri amak'el quetz'akatisaj la ri cächi'j la cac'ut c'u la ri lok'ok'ebal c'u'x la chque ri quelok'ok'en che la ri xukuje' cäquitz'akatisaj qui banic ri e takomal la:

Ri Daniel 9:4 ပူးပေါင်းရင်းမြစ်များ

Nabe Ajawinelab 8:23

je c'u xubij wa': “Ajawaxel, u Dios ri Israel: mawi pa ri caj mawi pa ri uwächulew c'o ta jun Dios jacha' ri lal, ri cätz'akatisaj la ri c'ulwächinic la, cac'ut c'u la ri utzil la chquiwäch ri ruc' ronojel canima' quepatanin che la.

Ucab Tzijobelil 7:14

we c'u ri nu tinimit, ri tinimit ri cojom ri nu bi' chrij, cumach'irisaj c'u rib, cuban ch'awem wuc', quinutzucuj cuya' c'u canok ri itzel u c'aslemal, ri in quintatabej na ulok kas chicaj, quebensach c'u na ri e u mac quintzelej c'u na ri telechinic che ri winak pa ri rulew.

Ri Esdras 10:1

Aretak ri Esdras cätajin cuban ch'awem ruc' ri Dios cätajin c'u cuban we k'alajisam macaj ri' cätajin cok'ic u xucuban c'u rib chuwäch ri Rachoch ri Dios, jumulaj aj israelib, achijab, ixokib xukuje' ac'alab, ri xukuje' quebok' ruc' nimalaj c'axc'olil, xquimulij quib pa tak u xc'ut.

Ri Nehemiy 1:5

Xinbij c'u che': “Ajawaxel, Dios ri c'o la pa ri caj, nimalaj Dios xukuje' xibibal, ri catz'akatisaj la ri c'ulwächinic la, xukuje' ri jiquil la cuc' ri cälok'ok'ex la cumal ri caquitz'akatisaj c'ut qui banic tak ri takomal la;

Ri Nehemiy 9:32

Are c'u ri camic, ka Dios, nimalaj Dios, cuinel xukuje' xibibal, jekebam c'u la ri c'ulwächinic xukuje' ri nimalaj lok'ok'ebal c'uxaj la, xak ba maca'y la chque tak ri c'axc'olil ri e kajinak pakawi' paquiwi' tak ri kajawinelab, ri e c'amal tak ka be, ri e ka cojol tabal tok'ob xukuje' tak ri e k'axal tak tzij la, xukuje' ri e ka mam, xukuje' che ronojel ri tinimit, kas pa tak ri qui k'ijol tak ri ajawinelab re Asiriy c'ä pa ri k'ij camic.

Salmib 32:5

Xink'alajisaj c'ut ri nu mac chwäch la xukuje' ri wetzelal man c'o ta xinc'u' che; xpe pa wanima' qui k'alajisaxic ri e nu mac chwäch la, are c'u ri lal, Ajawaxel, xecuy la.

Elem 20:6

quebenlok'ok'ej pa jun mil ija'lil ri quinquilok'ok'ej xukuje' quequitz'akatisaj qui banic ri e nu takomal.

Ri Jeremiy 3:13

Xuwi ta ne we kas cach'ob ri awetzelal, chi xac'ulelaj ri Ajawaxel ri a Dios; xatxiq'uinilob c'u che qui tzucuxic jachin tak catajawinic ri e jule' chi wi chuxe' ronojel che' ri jewel u xak, man c'u xebanimaj taj ri e nu takanic. In, ri Ajawaxel, quinjiquiba' u bixic.’ ”

Ri Jeremiy 32:23

Aretak c'u xeboc chupam ri ulew xeboc c'u che rechbexic, man xeniman ta che la mawi xebequitakej ri qui banic tak ri pixab ri xeya' la chque, mawi c'o xquiban chque ri xetak la che qui banic. Rumal ri' xtak la ulok ronojel we nimalaj c'axc'ol ri' paquiwi'.

Ri Daniel 6:10

Aretak c'ut xretamaj ri Daniel chi ri Dariy xuya' u tzij che u banic we takanic ri', xbe cho rachoch, xebujak ri e u wenta'n ri u warabal, ri benak u wäch pa Jerusalen, xxuqui che u banic ch'awem ruc' Dios, xk'ijilan c'u che ri Dios. Ox mul c'ut cuban wa' ronojel k'ij, jas ri u banom ulok amak'el.

Ri Daniel 9:3

Xebenban c'u tak ch'awem xukuje' tak tok'lenic che ri Dios ri Ajawaxel, xinya' nu tzij chi man quinwa' ta na, e nu cojom c'u wakwoj tak atz'iak, xint'uyi pa chaj.

Ri Lucax 1:72

Quel ta c'u na u c'u'x chque ri e ka mam, man casach ta c'u na pa u jolom ri tastalic u c'ulwächinic.

Romanos 8:28

Keta'm c'ut chi conojel ri jastak quetoban che utzil chque ri quelok'ok'en ri Dios, chque wa' ri e siq'uim jas kas u chomanic ri Dios.

U Camulixic ri Pixab 5:10

quebenlok'ok'ej c'u ne na c'ä chu jun mil ija'lil ri quinquilok'ok'ej quequitz'akatisaj c'u qui banic ri e nu takomal.

U Camulixic ri Pixab 7:12

“We c'u aretak e tatajinak chic iwumal ix we e pixab ri' ri etz'ibatalic, quebinimaj, quixoc c'u che qui banic, ri Ajawaxel ri i Dios cutz'akatisaj na ri u tzij xukuje' ri xuchi'j u banic chque ri e i mam.

U Camulixic ri Pixab 7:21

Mixe'j ba iwib chquiwäch, ri Ajawaxel ri i Dios ri nimalaj Dios ri xukuje' mayibal c'o iwuc'.

U Camulixic ri Pixab 7:9

Chiwetamaj ba', chi, ri Ajawaxel ri i Dios are' Dios ri jic, ri cutz'akatisaj ri u c'ulwächinic ija'lil chi ija'lil, chque ri quelok'ok'en che xukuje' quequitz'akatisaj ri e u takomal.

Santiago 1:12

Caquirik ri quicotemal ri winak ri cucoch' ri c'ambejenic ruc' nimalaj chuk'ab, aretak c'u quilitajic chi ch'äcaninak cuc'am na ri c'aslemal che tojbal rech, are c'u corona wa' ri u chi'm ri Dios chque ri quelok'ok'en che.

Santiago 2:5

Lok'alaj tak wachalal, chitatabej ri nu tzij: Ri Dios e u cha'om ri mebayib re we uwächulew ri', chi e are' ri k'inomab che cojonic, cäquechbej na ri ajawibal ri u bim ri Dios chi cuya' na chque ri winak ri cäquilok'ok'ej ri are'.