Ri Daniel 9:3 - Quiché Bible

³ Xebenban c'u tak ch'awem xukuje' tak tok'lenic che ri Dios ri Ajawaxel, xinya' nu tzij chi man quinwa' ta na, e nu cojom c'u wakwoj tak atz'iak, xint'uyi pa chaj.

Ri Daniel 9:3 ပူးပေါင်းရင်းမြစ်များ

Ucab Samuel 12:16

Ri David xubochi'j ri Dios puwi' ri ac'al, man xwa' ta c'ut xeroc'owisaj c'ut ri chak'ab cho ri ulew.

Ri Esdras 10:6

Ri Esdras xuya' can ri Rachoch ri Dios che u bic pa ri alaj rachoch ri Johanan, u c'ojol ri Eliasib, ri xroc'owisaj wi ri junak'ab man c'o ta wa ja' xutijo, rumal rech chi sibalaj cäbisonic, rumal rech chi man jic ta quebin ri xquiya' can ri Babilon ri xetzelej ulok.

Ri Esdras 8:21

Xinya' c'u u bixic chi man quewa' ta na jujun k'ij chunakaj ri nima' Ahab, che u k'alajisaxic chi uj macuninak chuwäch ri ka Dios, che c'u u tz'onoxic che chi colom chujuc'ama' bic xukuje' ri e kachalaxic xukuje' ri jastak ke.

Ri Esdras 9:5

C'ä chi' c'ut xc'astaj nu wäch che ri nu bis, c'ä nu cojom c'ut ri atz'iak ri jisjobinak chwij, xinchaplej c'u u banic ch'awem ruc' ri Ajawaxel ri nu Dios,

Ri Nehemiy 9:1

Pa ri k'ij juwinak quiejeb (24) re ri rajilabal ri ic' ri', ri aj israelib xquimulij quib man xquitij ta qui wa; xecatz'iakila' tak quib cuc' wakwoj tak atz'iak, xquijopij c'u ulew pa qui jolom.

Ri Ester 4:16

“Choj la chemulij la conojel ri aj judeyib ri e c'o pa Sus, rech man quewa' taj che nu to'ic. Mewa'ic xukuje' mebuq'uianic oxib k'ij xukuje' oxib ak'ab. Ri nu pataninel tak we xukuje' ri in junam quekaban na ke, xuwi c'u cabantaj wa' quinbe che rilic ri ajawinel, pune' c'u man cätajin ta quinnimaj ri pixab. We c'u quincämisaxic, chincämisax ka wi.”

Ri Job 42:6

Rumal ri' quintzelej wib chwij nu q'uexom nu c'u'x, in t'uyul chupam puc'uc' ulew xukuje' chaj.”

Salmib 35:13

Aretak c'u queyawajic, in quebenbisoj, quincoj atz'iak re bis, man quinwa' taj, quintakej c'u ch'awem ruc' Dios pa wanima'.

Ri Isaiy 22:12

Pa ri k'ij ri' ri Ajawaxel ri c'o ronojel u cuinem, xixusiq'uij che ok'ej che juyuwem, che u banic tol che ri i jolom xukuje' che u cojic wakwoj tak atz'iak chiwij che u c'utic chi quixbisonic.

Ri Jeremiy 33:3

Chinasiq'uij quintzelej c'u na u wäch ri a tzij, quinya' c'u na qui bixic nimak tak jastak chawe ri e awatalic ri man e aweta'm taj.

Ri Ezequiel 36:37

“In, ri Ajawaxel, quinbij: C'o chi c'u na ri quenbana' na. Quinya' c'u na che ri tinimit Israel ri cutz'onoj chwe chi quinban chque; quebenq'uiyirisaj na ri u winak jacha' jumulaj chij.

Ri Daniel 6:10

Aretak c'ut xretamaj ri Daniel chi ri Dariy xuya' u tzij che u banic we takanic ri', xbe cho rachoch, xebujak ri e u wenta'n ri u warabal, ri benak u wäch pa Jerusalen, xxuqui che u banic ch'awem ruc' Dios, xk'ijilan c'u che ri Dios. Ox mul c'ut cuban wa' ronojel k'ij, jas ri u banom ulok amak'el.

Ri Daniel 9:2

Pa ri nabe junab re ri rajawinic, in, Daniel, cätajin quinsiq'uij ri u wuj ri Jeremiy k'axal tzij ri cutzijoj wi ri oxc'al lajuj junab ri coc'ow na rech cäpe ri u yojyobixic ri Jerusalen, jas ri xubij ri Ajawaxel che ri k'axal u tzij.

Ri Daniel 9:20

“Ri in xintakej qui k'alajisaxic ri nu mac xukuje' ri quech ri nu tinimit Israel, xebenjach c'ut ri nu bochi'nic chuwäch ri Ajawaxel ri nu Dios puwi' ri tastalic u juyub ri Dios.

Ri Daniel 9:4

Xinban ch'awem ruc' ri Ajawaxel ri nu Dios, xinban c'u we k'alajisanic ri' chuwäch: ‘Ajawaxel, nimalaj Dios ri xukuje' c'o u cuinem, ri amak'el quetz'akatisaj la ri cächi'j la cac'ut c'u la ri lok'ok'ebal c'u'x la chque ri quelok'ok'en che la ri xukuje' cäquitz'akatisaj qui banic ri e takomal la:

Ri Joel 1:13

Ix, cojol tabal tok'ob pataninelab rech ri porobal, chebicojo wakwoj tak atz'iak chixok' c'u rumal k'oxomal, rumal rech chi pa ri rachoch ri i Dios man e c'o ta chic c'äj mawi u wa'l uva che quiya'ic tak sipanic.

Ri Joel 2:12

Cujiquiba' u bixic ri Ajawaxel: “Are c'u ri camic chixtzelej ba' wuc' ruc' ronojel iwanima'. ¡Chiya' i tzij chi man quixwa' ta na, chiraka' i chi' xukuje' chixok'ok!”

Ri Jonas 3:5

Ri winak ri e c'o pa ri tinimit, chi ri'jab chi ac'alab xecojon che ri Dios, xquiya' u bixic chi man cätijow ta wa, xukuje' xequicoj wakwoj tak atz'iak che u c'utic ri k'oxomal.

Ri Lucax 2:37

Malca'n c'u wa' jumuch' ruc' quiejeb u junab chic. Mawi jubik' quel bic chupam ri rachoch Dios, xane' cäpatanin che ri Ajawaxel Dios chi pa k'ij chi chak'ab man cäwa' taj xukuje' cuban ch'awem ruc' Dios.

Hechos 10:30

Ri Cornel xutzelej u bixic: “C'o chi quiejeb k'ij je jok'otaj wa' in c'o chupam ri wachoch pa ri urox jok'otaj c'ut benak k'ij cätajin c'u quinban ri ch'awem ruc' Dios, aretak xinwil jun achi xtaq'ui' chnuwäch, cäjuluw ri ratz'iak.