Ri Daniel 9:27 - Quiché Bible

²⁷ Pa jun chi c'u wukub (7) k'ij, ri are' cuban na jun c'ulwächinic cuc' e q'uia winak, pa u niq'uiajil c'ut ri wukub k'ij cätanabax na qui ya'ic ri tabal tok'ob xukuje' tak ri sipanic. Jun c'u xibibalalaj awasinic cäbantaj na chuwäch ri porobal ri queya' wi ri tabal tak tok'ob c'ä cakaj na ri sachbal wäch ri yo'm u bixic puwi' ri banal tak rech we xibibal ri'.’ ”

Ri Daniel 9:27 ပူးပေါင်းရင်းမြစ်များ

Ri Isaiy 28:15

Ri ix quibij: “Ka banom jun c'ulwächinic ruc' ri cämical, ka banom ka tzij ruc' ri quebajawin wi ri cäminakib rech aretak cäpe ri nimalaj c'ax pakawi', man cujurik taj ka tzucum ka panibal chupam ri banoj tzij, ka tzucum to'bal kib chupam ri subunic.”

Ri Isaiy 28:22

Je c'u ri', ¡miban chi ba' ri q'uixbal u banic!, co ne mäjat'ix chi na ri tikom ch'ich' ri cojom chiwe nu tom c'u u tzijol chi ri Ajawaxel ri c'o ronojel u cuinem cusach na u wäch ronojel ri ulew.

Ri Isaiy 42:6

“In, ri Ajawaxel, xatinsiq'uij rech caban ri colomal, xatinyukej c'u che ri a k'ab, rech catux chaconisan rech colobal ib, in xatintac'aba', quinwaj c'ut chi catux u c'utbal ri nu c'utwächinic ruc' ri nu tinimit, qui chäj ri nimak tak tinimit.

Ri Isaiy 53:11

Aretak oc'owinak chic ri nimalaj c'axc'ol cäril na ri chäj, cäquicot c'u na aretak caretamaj, ri suc'alaj u pataninel ri Ajawaxel q'ui quebuk'alajisaj na chi e suc'urisan chic chuwäch ri Dios, cärekaj c'u na ri quetzelal wa'.

Ri Isaiy 55:3

Chixpet wuc', chitatabej ri quinbij, chitampe' ri quinbij, quixc'asi' c'u na. In quinban na iwuc' jun junalic c'ulwächinic, jewa' ri qui tz'akatisaxic tak ri chi'nic ri xinban rumal ri u lok'al ri David.

Ri Jeremiy 7:30

Ri Ajawaxel cujiquiba' u bixic: “Ri winak aj Juda c'o ri u banom ri yacowinak woyowal xebequiya' ri xawebalalaj tak e qui diosib chupam ri wachoch ri banom che nu c'olbal, xcawasij c'ut.

Ri Daniel 11:31

Ri e rajch'ojab cäcawasij na ri rachoch Dios xukuje' tak ri cowirisabal, cäquik'il na ri u ya'ic ri tabal tok'ob ri cäya' ronojel k'ij, cäquicoj c'u na chila' jun xibibalalaj awasixic.

Ri Daniel 11:36

Ri ajawinel ri c'o pa elebal k'ij cuban na ronojel ri cäpe pa u jolom. Sibalaj nim ri nimal ri cäc'amowic chi cuna' na rib chi c'o na u k'ij chquiwäch conojel ri diosib, quebubij c'u na xibibalalaj tak yok'obal che u yok'ic ri kas Dios; ronojel c'ut ri cubano utz quel na chuwäch, c'ä cutak na ulok ri Dios ri c'äjisabal u wäch; rumal rech chi ri cuban c'u na ri Dios, cuban na.

Ri Daniel 12:11

Jun mil quieb sient jumuch' lajuj (1290) k'ij queboc'ow na tza pa ri jok'otaj aretak cätanabax u cojic ri tabal tok'ob re ronojel k'ij are c'u cäcoj ri tz'ilalaj etzelal awas chupam ri rachoch ri Ajawaxel.

Ri Daniel 7:25

Cuyok' c'u na ri Dios aj chicaj, cutakej c'u na u sachic u wäch ri u tinimit; cucoj na u chuk'ab che u q'uexic ri u pixab ri Dios xukuje' tak ri nimak'ij, are c'u ri u tinimit ri Dios cäcanaj na chuxe' ri u cuinem cäbeytaj c'u na oxib junab ruc' wakib ic'.

Ri Daniel 8:13

Chuwi' chi c'u wa' xinto chi jun tako'n aj caj xuc'ot u chi' chic jun tako'n aj caj, xubij: ‘¿Jampa' cätanabax u banic wa' ri quilitaj puwi' ri porobal ri queya' wi tabal tok'ob ronojel k'ij? ¿Joropa' k'ijol cäbeytaj ri xibibalalaj mac chi cäjach ri tastalicalaj k'ijilabal ri cak'ijilax wi ri Ajawaxel xukuje' ri quecojon che, rech quexak'alexic?’

Ri Osey 3:4

Sibalaj c'u q'ui k'ijol ri aj israelib quec'oji' na man c'o ta cajawinel mawi ta ne c'amal ta qui be, man c'o ta chi tabal tok'ob mawi chi tastalic tak abaj, mawi ta chi catz'iak e cojol tabal tok'ob mawi ta chi tak qui diosib pa tak ri cachoch.

Ri Matey 24:15

Ri Daniel ri k'axal tzij xutz'ibaj ri tz'ilalaj etzelal ri awas u banic pa ri k'ijilabal. Ri cäsiq'uinic ch'obonok: aretak ri ix quiwil ri xibibal tz'ilol pa ri k'ijilabal,

Ri Matey 26:28

Are c'u nu quiq'uel wa' re ri c'ulwächinic. Ri nu quiq'uel cäturuw na rech cäsachtaj ri qui mac e q'ui winak.

Ri Matey 27:51

Te c'u ri' ri tasbal u pam ri rachoch Dios xjixjobic. Ajsic xjixjob wi ulok, xkaj c'ä iquim quieb xubano. Xuban jun cabrakan. Ri nimak tak abaj xepak'inic.

Marcos 13:14

Aretak c'u quiwil ri tz'ilalaj jasach pa ri c'olbal ri man takal ta wi che chi cac'oji' chila', (ri jun ri cusiq'uij we tzij ri', chuch'obo'), c'äte ri' ri e c'o pa Judey chebanimaj bic pa tak ri juyub.

Ri Lucax 21:20

Aretak quiwil ri Jerusalen sutim rij cumal ajch'ojab, chich'obo' chi chanim cäsach na u wäch.

Ri Lucax 21:24

Quek'ok'ex na che ch'ich' re ch'o'j, jujun chi c'ut queyut bic quec'am bic pa conojel tak ri nimak tak tinimit; are c'u ri Jerusalen cätac'alex na cumal ri man aj judeyib taj, c'ä quetz'akatisax na ri qui k'ij ri man aj judeyib taj.”

Romanos 11:26

Te c'u ri' ronojel ri Israel cäcolotaj na, jas ri tz'ibatalic: “Quel na ulok pa Sion ri tzokopil que ri winak, cäresaj na ri etzelal che ri Jacob.

Romanos 5:15

Ri u sipanic ri Dios chke, man cäjunamataj ta ruc' ri mac. Kastzij xecäm q'ui winak rumal rech ri u mac xa' jun winak, ri Adan. Are nim c'u na u banic ri xuban ri Dios chque q'ui winak ruc' ri u tok'ob, rumal ri utzil ri xuban xa' jun winak, ri Jesucrist.

Romanos 5:19

Je c'u ri' chi rumal ri man u nimanic taj jun winak ri e q'uia xebux ajmaquib, jeri' xukuje' rumal ri u nimanic jun winak, ri e q'uia winak xebux suc'.

Hebreos 9:28

jeri' xukuje' ri Crist xa' jumul xya' che tabal tok'ob che resaxic ri qui mac ri e q'ui. Chucamul cäpe na, man che ta quesaxic ri macaj, xane' che qui colic ri winak ri queyem ri are'.