Ri Daniel 9:26 - Quiché Bible

²⁶ Aretak oc'owinak chi oxc'al quieb (62) wukutak k'ij quesax na ri u c'aslemal ri ajawinel ri cha'om. Ri Jerusalen xukuje' ri rachoch Dios cäsachisax na qui wäch cumal ri u winak jun ajawinel ri cäpe na. Ri q'uisbalil cäpe na jacha' jun bik'tajic, c'ä chuq'uisbalil c'ut cätaken na ri ch'o'j xukuje' ri sachoj tak wächaj ri e yo'm qui bixic chi quebanic.

Ri Daniel 9:26 ပူးပေါင်းရင်းမြစ်များ

Ucab Samuel 21:5

Ri e are' xquitzelej u bixic: “Che ri achi ri are ta xraj xusachisaj ka wäch xebuban c'u chomanic jas ta ri xuban che u q'uisic tzij pakawi' rech ma ta quilitaj chi ka wäch pa ronojel ri ulew pa Israel,

Salmib 22:15

Chaki'j chic ri u pa nu chi' jacha' jun xot re u wi ja; nac'al ri wak' pa nu chi'. ¡In q'uiakom la pa ri ulew re cämical!

Ri Isaiy 28:2

Ri Ajawaxel u tasom jun cowilaj winak ri c'o nimalaj u cuinem jacha' ri u chuk'ab jun xibibalalaj sakbach, jacha' jun cakulja ri cäcämisanic, jacha' jun nimalaj jäb, jacha' jun xibibalalaj ja' ri cäjik'isanic. Ruc' ri u k'ab carokin na pa ulew,

Ri Isaiy 28:22

Je c'u ri', ¡miban chi ba' ri q'uixbal u banic!, co ne mäjat'ix chi na ri tikom ch'ich' ri cojom chiwe nu tom c'u u tzijol chi ri Ajawaxel ri c'o ronojel u cuinem cusach na u wäch ronojel ri ulew.

Ri Isaiy 53:8

Xc'am bic, man c'o ta u mac, mawi jun xoc il che ri xuc'ulmaj. Xesax cho ri uwächulew, xsoc che cämical qui mac quech ri e u mac ri nu tinimit.

Ri Isaiy 8:7

ri Ajawaxel cuban na chi coc'ow ri nimalaj u chuk'ab ri nima' Euprats paquiwi' (ri u bixic ri ajawinel re Asiriy ruc' ronojel ri u chuk'ab). Cäpulin na pa conojel tak ri e u be, quebuxalk'atij na conojel tak ri e u chi',

Ri Jeremiy 46:7

¿Jachin wa' ri caq'uiyic jacha' ri Nil, jacha' jun nima' ri sibalaj cäwolkotic?

Ri Jeremiy 51:42

Ri plo xubik' ri Babilon, xuch'uk cuc' ri nimak tak u rekbala'.

Ri Daniel 11:10

E are' c'u ri e u c'ojol ri ajawinel ri c'o pa ri riquiak'ab elebal k'ij, quequisuc'umaj na quib che u banic ri ch'o'j, quequicolomaj c'u na ajch'ojab. Jun chque e rachil ri q'uialaj rajch'ojab, coc na che u ch'äquic ri aj mox elebal k'ij; cusachisaj c'u u wäch ronojel jacha' ri cuban jun nima' ri cäpulinic; cutakej c'u ch'äcanic c'ä copan na chunakaj ri rachoch ri ajawinel ri c'o pa u mox elebal k'ij.

Ri Daniel 11:17

Cusuc'umaj c'u na rib che u ch'äquic ronojel ri ulew ri c'o pa ri u mox relebal k'ij; rech c'u cäch'äcanic cuban na jun c'ulwächinic ruc' we ajawinel ri' cuya' c'u na ri u mia'l che, che rixokil, rech cäcuin che u sachisaxic u wäch ri rajawinic, ri u chomam u banic man utz ta c'u quel na.

Ri Daniel 11:22

Kas cuq'uis na tzij paquiwi' tak ri chuk'ab ri cäcaj quech'äcan puwi', xukuje' ne ri xc'amow u be ri c'ulwächinic cucämisaj na.

Ri Daniel 11:36

Ri ajawinel ri c'o pa elebal k'ij cuban na ronojel ri cäpe pa u jolom. Sibalaj nim ri nimal ri cäc'amowic chi cuna' na rib chi c'o na u k'ij chquiwäch conojel ri diosib, quebubij c'u na xibibalalaj tak yok'obal che u yok'ic ri kas Dios; ronojel c'ut ri cubano utz quel na chuwäch, c'ä cutak na ulok ri Dios ri c'äjisabal u wäch; rumal rech chi ri cuban c'u na ri Dios, cuban na.

Ri Daniel 9:27

Pa jun chi c'u wukub (7) k'ij, ri are' cuban na jun c'ulwächinic cuc' e q'uia winak, pa u niq'uiajil c'ut ri wukub k'ij cätanabax na qui ya'ic ri tabal tok'ob xukuje' tak ri sipanic. Jun c'u xibibalalaj awasinic cäbantaj na chuwäch ri porobal ri queya' wi ri tabal tak tok'ob c'ä cakaj na ri sachbal wäch ri yo'm u bixic puwi' ri banal tak rech we xibibal ri'.’ ”

Ri Osey 1:9

Xubij c'ut ri Ajawaxel che ri Osey: “Chacojo' Lo-ami che u bi' ri alaj ala, rumal rech chi ri ix man ix ta chic nu tinimit mawi ri in man in ta chic i Dios.”

Ri Amos 8:8

¿La ma ta c'u lo cäbirbob ri ulew rumal ronojel wa'? ¿La ma ta c'u lo quebok' conojel ri winak ri e jekel chi'? ¡Ri ulew cäpaki' na, cäkaj c'u na, jacha' ri cäquiban ri u ja'lil ri Nil quepakic, quekaj c'ut!

Ri Amos 9:5

Ri Ajawaxel, ri Dios ri c'o ronojel u cuinem, cuchap ri ulew, cäjar c'ut ri ulew quebok' c'u conojel ri e jekejoj chuwäch. Ri ulew capakic xukuje' cäkajic, jacha' ri qui pakalem xukuje' ri qui kajem tak ri e u ja'il ri Nil.

Ri Nahum 1:8

Jacha' c'u jun jik'isanelalaj ja' ri ronojel cumuku, cusachisaj c'u qui wäch ri caquitac'aba' quib chuwäch che u c'ulelaxic; k'ekumalil querikow na tak ri qui banom qui c'ulel che.

Ri Matey 22:2

“Ri rajawibal ri Dios xa' junam ruc' jun ajawinel, ri xuban nimak'ij che ri u c'ulanem ri u c'ojol.

Ri Matey 22:7

Ri ajawinel, aretak xuto, xpe royowal. Xebutak bic ri rajch'ojab, xequicämisaj ri cämisanelab ri', xequiporoj ri qui tinimit.

Ri Matey 23:38

Chiwilampe', ri iwachoch cäwonobax na canok.

Ri Matey 24:2

Ri Jesus xubij chque: “¿La quiwil ronojel wa'? Kastzij quinbij chiwe, chi waral man cäcanaj ta can jun abaj puwi' jun chic, ri ma ta cäwulix na.”

Marcos 13:2

Ri Jesus xubij che: “¿La quebawil we nimak tak ja ri'? Copan na jun k'ij aretak man cäcanaj ta can jun abaj puwi' ri jun chic, xane' ronojel cäwulix na.”

Marcos 13:7

Aretak chito chi e c'o ch'o'j, aretak quita' na u tzijol tak ch'o'j, mixsachic. Rajawaxic c'ut chi je cäc'ulmax na wa'; c'ä majok c'u ri q'uistajic.

Marcos 9:12

Ri Jesus xubij chque: “Ri Eliy kastzij cäpe na nabe, cusuc'umaj na ronojel. ¿Jas c'u ri tz'ibatal chrij ri Rija'l Winak, chi sibalaj curik na c'ax, quetzelax na u wäch?

Ri Lucax 21:24

Quek'ok'ex na che ch'ich' re ch'o'j, jujun chi c'ut queyut bic quec'am bic pa conojel tak ri nimak tak tinimit; are c'u ri Jerusalen cätac'alex na cumal ri man aj judeyib taj, c'ä quetz'akatisax na ri qui k'ij ri man aj judeyib taj.”

Ri Lucax 21:6

“We jastak ri' ri quiwilo, quepe na k'ij aretak man cäya' ta can jun abaj puwi' jun chic, xane' ronojel cäwulix na.”

Ri Lucax 24:26

¿La ma ta are wa' ri c'ax ri rajawaxic curik na ri Crist, te c'u ri' cänimarisax na u k'ij?”

Ri Lucax 24:46

Xubij chque: “Je xtz'ibax can wa' chi ri Crist curik na c'ax, chi cäcäm na, chi cäc'astaj na chquixo'l ri cäminakib churox k'ij.

Ri Xuan 14:30

Man quintzijon ta chi na q'ui k'ijol iwuc'. Cätajin c'u copan ri u nimal we uwächulew ri'. Man c'o ta c'u u takanic panuwi' in.

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

Gálatas 3:13

Are ri Crist xujcoloben chuxe' ri u c'okonic ri pixab, xux c'u c'okotajinak che ka q'uexwäch. Tz'ibatal c'ut: “C'okotajinak ronojel ri cätzayabax cho jun che'.”

1 Pedro 2:21

Che c'u wa' ix siq'uim wi rumal ri Crist xurik c'ax rumal iwech. Xuya' can c'utbal chiwe, rech quitakej ri retal rakan.

1 Pedro 2:24

Ri Crist xebuc'am bic ri ka mac chrij ri u cuerp cho ri ripibal, rech aretak uj cäminak chic chquiwäch ri mac, cujc'asi' na, cäkaban na ri suc'. Rumal ri u socotajic ri are', ri ix xixcunatajic.

1 Pedro 3:18

Xukuje' ri Crist xurik c'ax. Xurik ri cämical xa' jumul rumal quech ri ka mac. Ri suc' xurik c'ax rumal quech ri man e suc' taj. Xurik c'ax che ka c'amic bic chuwäch ri Dios, cämisam pa ri u cuerp, c'astajisam c'u pa ri uxlabal.