Ri Daniel 9:24 - Quiché Bible

²⁴ Oxc'al lajuj (70) wukutak k'ij queboc'ow na paquiwi' ri a winak xukuje' puwi' ri tastalicalaj a tinimit rech cäq'uis u tza'm ri c'ulelanic xukuje' ri macunic, rech cäriktaj ri sachbal mac che ri etzelal cäjekebax c'u ri suq'uilal chbe k'ij sak, rech cätz'akat ri cubij ri c'utwächinic xukuje' ri yo'm u bixic cutas c'u rib ri sibalaj aj Tastalic.

Ri Daniel 9:24 ပူးပေါင်းရင်းမြစ်များ

Ucab Tzijobelil 29:24

Xtakex c'u qui pilic cumal ri e cojol tabal tok'ob, xquijamij c'ut ri qui quiq'uel puwi' ri porobal jacha' jun sipanic che u rikic ri cuyubal tak qui mac ri Israel, u yo'm c'u takanic ri ajawinel chi ri tabal tok'ob ri cachajirisaxic cächi'x puwi' ronojel ri aj Israel.

Salmib 2:6

“Nu tasom chic ri wajawinel puwi' ri Sion, ri tastalicalaj nu juyub.”

Salmib 45:7

Cälok'ok'ej la ri utzil, quetzelaj la u wäch ri etzelal. Rumal ri' lal cha'om rumal ri Dios; ri Dios la, lal u nojisam ruc' quicotemal chquiwäch conojel ri achil la.

Ri Isaiy 42:4

Man cuxlan taj mawi cäq'uistaj u c'u'x, c'ä cujekeba' na ri suq'uil cho ri uwächulew. Ri ulew tak ri e c'o chupam ri plo cäquitatabej na ri e u tijonic.”

Ri Isaiy 51:6

Chixca'y chicaj, chixca'y iquim, cho ri ulew: ri caj cäsach na u wäch jacha' ri sib, ri ulew cajar na jacha' jun atz'iak ri winak ri e c'o chuwäch quecäm na e jacha' ri us. Are c'u ri nu colonic cac'oji' na chbe k'ij sak, ri nu colobenic man caq'uis ta na.

Ri Isaiy 51:8

cäsach c'u na qui wäch jacha' jun atz'iak ri chicopirinak, jacha' ri rismal chij ri kuchum cumal xjut. Are c'u ri nu colomal re chbe k'ij sak, ri colobenic ri quinya'o quech k'ij junab.”

Ri Isaiy 56:1

Ri Ajawaxel cubij: “Chibana' ri suq'uil, chibana' ri colomal, chanim c'ut quinc'am bic ri colobenic ri quinya' na; quinc'ut na ri nu cuinem ri cäcolonic.

Ri Isaiy 61:1

Ri Ruxlabal ri Ajawaxel c'o panuwi', in u tasom c'ut ri Ajawaxel in u takom che u ya'ic utzalaj tak tzijol chque ri mebayib, che qui to'ic ri qui rikom c'ax, che u ya'ic tzijol che u bixic chque ri e ximaxoj cuc' tikom ch'ich' chi e torotajinak chic, che quitoric ri e c'o pa che';

Juyuwem 4:22

Xq'uis ri u c'äjisaxic a wäch, tinimit aj Sion, ri Ajawaxel man catuc'am ta chi bic pa jun ulew chic. Cuc'äjisaj c'u na u wäch ri awetzelal, nim tinimit aj Edom, quebuya' c'u na tak ri e a mac chisak.

Ri Ezequiel 28:12

“At, winak, chabixoj jun bix rech cämical che ri rajawinel ri Tir, chabij che: ‘Are wa' cubij ri Ajawaxel: at ri' ri at jun tz'akatalaj c'utbal canok, at nojinak che no'j xukuje' tz'akatalaj je'lical.

Ri Ezequiel 4:5

Oxib sient jumuch' lajuj (390) k'ij, o ri quel wa' chi jun k'ij cuc'ut jun junab u chak'maquil ri Israel.

Ri Ezequiel 4:6

Aretak c'u atz'akatisam we k'ijol ri', catk'oyi na puwi' ri awiquiak'ab caya' c'u na ri u mac ri rajawibal ri Juda chawij cawinak k'ij. Jun k'ij cuc'ut jun junab chak'maquil.

Aj Levitib 25:8

Rajawaxic quiwajilaj wukub wukutak k'ij junab, ri u bixic wa' wukub mul wukutak junab, ri ajilabal ri quel chi nimalaj ronojel, cawinak belejeb (49) junab.

Aj Levitib 8:15

Ri Moises xutok' u kul ri alaj ama' wacax, xuc'am ri quic' cuc' ri e u wi' tak u k'ab xubil chquij ri ruc'a' ri porobal, che u josk'ixic ri porobal; ri quic' ri xto'tajic xujamij pa rakan ri porobal, jewa' xuban che u tastajic ri porobal, che qui rikic ri cuyubal tak mac chila'.

Ri Zacariy 4:14

Ri are' xutzelej u bixic chwe: “E are' quieb wa' ri e tasom che u patanixic ri Ajawaxel rech ronojel ri uwächulew.”

Ajilanic 14:34

Ri ix cawinak k'ij xixbeytaj che retamaxic u wäch ri ulew; xukuje' quixbeytaj na cawinak junab che u tojic ri c'äjisabal i wäch: jun junab che jun k'ij. Jeri' quiwetamaj na ri cac'ulmatajic rumal ri nu c'ulelaxic'.

Ri Matey 1:21

Ri Mariy cäc'oji' na jun ral ala. Jesus ri u bi' cacoj na. Jewa' ri u bi' rumal rech chi are cacolow na ri u tinimit ri c'o chupam ri qui mac.”

Ri Matey 11:13

Conojel ri e k'axal tak tzij xukuje' ri pixab c'ä ruc' ri Xuan xquibij wi ri u tzij ri Dios chque ri winak.

Ri Matey 4:5

Ri itzel xuc'am bic chupam ri tastalicalaj tinimit Jerusalen, xuc'am c'u bic puwi' ri tz'ukutz'ic ri naj elinak chicaj puwi' ri rachoch Dios.

Marcos 1:24

xubij: “¿Jas awe chke, Jesus aj Nazaret? ¿La at petinak che u sachic ka wäch? In quinch'ob a wäch, weta'm c'ut chi at ri Tastalic rumal ri Dios.”

Ri Lucax 1:35

Ri tako'n xubij che: “Ri Ruxlabal ri Dios cäpe na pawi'. Ri u chuk'ab ri Dios aj chicaj cäpe na pawi' jas jun sutz'. Rumal ri' ri ac'al ri calax na, cäbix na ‘Tastalic’ xukuje' ‘U C'ojol ri Dios’ che.

Ri Lucax 21:22

E k'ij c'u wa re c'äjisabal wäch, ri quetz'akat na conojel ri cubij ri Tz'ibatalic.

Ri Xuan 1:41

Ri are' nabe xurik apan ri Simon ri rachalal, xubij che: “Xkarik ri Mesiy” (je quel wa' pa ka ch'abal: ri Crist.)

Ri Xuan 3:34

Are' c'ut ri takom ulok rumal ri Dios, ri e u tzij ri Dios quebutzijoj; man cupaj ta c'ut ri Uxlabaxel ri cuyao.

Hechos 3:14

Che u q'uexwäch ri are ta xtz'onoj alak ri u tzokopixic ri Jesus, ri tastalic xukuje' suc', ri alak are xtz'onoj alak u tzokopixic jun cämisanel.

Hechos 3:22

Are' ri Moises xubij: ‘Ri Ajawaxel, ri i Dios cuwalijisaj na jun k'axal u tzij chquixo'l ri e iwachalal, jacha' ri in. Chinimaj ronojel ri cubij na chiwe.

Hechos 4:26

Ri ajawinelab xukuje' ri k'atal tak tzij re ri uwächulew junam xquiwalijisaj quib chrij ri Ajawaxel xukuje' chrij ri Crist, ri u cha'om.

Romanos 5:10

We c'u aretak c'ä ka c'ulel ulok ri Dios, xujrutzirisaj ruc' rumal ri u cämical ri u C'ojol, e ta c'u lo ri camic, ri uj utzirisam chic, cujcolotaj na rumal ri u c'aslemal.

1 Corintios 1:30

Rumal c'ut ri are' ix nuc'utal ruc' ri Crist Jesus, ri rumal ri Dios uxinak no'j chke, xukuje' suq'uilal, tastaliquil xukuje' colobal ib.

Filipenses 3:9

Xukuje' rech quinriktaj pa ri are'. Jeri' in suc' chic man rumal ta ri u nimaxic ri pixab, xane' rumal rech chi xincojon che ri Crist. Are suq'uil wa' cuya' ri Dios rumal ri cojonic.

Colosenses 1:20

rumal c'ut ri Crist are' xraj chi cac'oji' jamaril chuxo'l cuc' conojel ri jastak, ruc' ronojel e aj uwächulew o we aj caj. Xuban c'u ri jamaril rumal ri u quiq'uel ri Crist ri xtix cho ri ripibal.

Colosenses 2:14

Xusach u wäch ri tz'ibatal wi ri takanic re ri pixab, ri cujuc'ulelaj. Xresaj chkaxo'l, xubajij cho ri ripibal.

Hebreos 10:14

Xa' ruc' jun sipanic, xebutz'akatisaj chbe k'ij sak ri banom tastalic tak winak chque.

Hebreos 2:17

Rumal c'u rech wa', rajawaxic chi cajunamataj na pa ronojel cuc' ri e rachalal. Jewa' xubano rech cux qui nimal ri cojol tak tabal tok'ob chuwäch ri Dios, jic, ri quil u c'u'x chque ri winak, rech cäcäm che qui q'uexwäch che u sachic ri qui mac.

Hebreos 7:26

Je qui nimal ri cojol tabal tok'ob wa' ri rajawaxic chke: tastalic man c'o ta retzelal, ch'ajch'oj, u tasom rib chquij ri e ajmaquib, walijisam sibalaj c'u chicaj na c'o wi che ri caj.

Hebreos 9:26

We ta jeri', ri Crist xajwataj ta ri' chi u rikom ta c'ax q'ui mul kas pa ri u tiquiritajic ri uwächulew. Man je ta c'ut, xane' camic xa' jumul xutac'aba' rib aretak cätajin cäq'uis ri k'ij junab, ri Crist xuya' ri u c'aslemal che tabal tok'ob che u sachic ri macaj.

2 Pedro 1:1

Ri in Simon Lu', rajchac xukuje' takom re ri Jesucrist, quintz'ibaj we wuj ri' chque conojel ri qui rikom ri cojonic ri sibalaj nim rajil junam ruc' ri ke uj, rumal ri u suq'uil ri ka Dios xukuje' ka Colonel Jesucrist.

1 Juan 3:8

Apachin ri cuban mac, rech ri itzel ri'. Ri itzel macuninak ulok kas pa ri u tiquiritajic. Rumal c'u ri' xpe ri u C'ojol ri Dios, che qui sachic qui wäch ri e u chac ri itzel.

Apocalipsis 14:6

Xinwil chi jun tako'n aj caj ri cärapin pa u niq'uiajil ri caj. C'o ri junalic tzij re colobal ib ruc', che u tzijoxic chque ri e c'o cho ri uwächulew, chque conojel ri nimak tak tinimit, xukuje' conojel amak', conojel ch'abal, xukuje' conojel winak.

Apocalipsis 3:7

“Chatz'ibaj che ri u tako'n ri comon cojonelab pa Piladelp: ‘Ri u tasom rib man quebuban ta etzelal, ri aj kastzij, ri c'o ri u lawe ri David ruc', ri cäjakanic mawi c'u jun cätz'apinic, ri cätz'apinic mawi c'u jun cäjakowic, je cubij wa':