Ri Daniel 9:22 - Quiché Bible

²² Xubij c'u chwe: ‘Daniel, in petinak rech quebenk'alajisaj we jastak ri' chawäch.

Ri Daniel 9:22 ပူးပေါင်းရင်းမြစ်များ

Ri Daniel 10:11

Xubij c'u chwe: ‘Daniel, ri cälok'ok'ex rumal ri Dios, kas utz u tatabexic chabana' ri quenbij chawe: Chatwalijok,; in takom c'u ulok awuc'.’ Xuwi c'u xq'uistaj qui bixic tak we tzij ri' rumal, ri in quinbirbitic, xintaq'ui'c.

Ri Daniel 10:12

Xubij c'u chwe: ‘Maxe'j awib Daniel, kas c'u pa ri nabe k'ij chi' aretak xatzucuj qui ch'obic ri c'axalaj tak jastak, xpe c'u pa awanima' ri u mach'ic awib chuwäch ri a Dios, ri are' xutatabej ri bochi'nic ri xabano. Rumal ri' in petinak in.

Ri Daniel 10:14

In petinak c'u che u k'alajisaxic ri cuc'ulmaj na ri a tinimit pa ri q'uisbal tak k'ijol ri quepe na, ri c'utwächinic c'ut ri awilom are' cubij we k'ijol ri'.’

Ri Daniel 10:21

Camic quinbij chawe ri tz'ibatal chupam ri wuj ri c'o wi ri kastzij: Pa ri nu tijoj chuk'ab cuc', xak xuwi c'o ri u to'banic ri Miquel wuc', ri tako'n aj caj ri to'banel pa Israel.’ ”

Ri Daniel 7:16

xinkeb ruc' jun chque ri quepatanij che, xintz'onoj c'u che chi chuk'alajisaj ronojel wa' chnuwäch. Ri are' xuc'am u k'abal u k'alajisaxic chnuwäch, xubij c'u chwe:

Ri Daniel 8:16

xinta' c'u u ch'abal jun winak ri petinak pa ri nima' Ulay, ri je xubij wa': ‘Gabriel, chak'alajisaj ri c'utwächinic chuwäch we achi ri'.’

Ri Amos 3:7

Mawi jumul c'o ta jas cuban ta ri Ajawaxel, we ta mat cuk'alajisaj chquiwäch ri u pataninelab ri e k'axal u tzij.

Ri Zacariy 1:14

xuya' c'u takanic ri aj cajalaj tako'n chwe chi chinya' u bixic: “Are wa' ri cubij ri Ajawaxel ri c'o ronojel u cuinem: ‘In nim ri u lok'ok'exic ri Jerusalen wumal xukuje' ri juyub re Sion.

Ri Zacariy 1:9

In xinban c'otoj chi'aj: “Ajawaxel, ¿e jachin tak wa' we ajquiejab ri'?” Are c'u ri tako'n aj caj ri catzijon wuc' xutzelej u bixic chwe: “In quinc'ut na chawäch e jachin tak wa'.”

Apocalipsis 4:1

Xuwi c'u xebitaj we jastak ri' xinca'yic, xinwil jun oquibal jaktal pa ri caj. Ri nabe ch'abal ri xinto jacha' ri rok'ebal jun trompet. Xubij chwe: “Chatpakal ulok waral, quebenc'ut na ri jastak chawäch ri rajawaxic quec'ulmax na oc'owinak chi c'u wa.”