Ri Daniel 9:21 - Quiché Bible

²¹ Aretak cätajin quinban ch'awem ruc' Dios, ri Gabriel, ri xuc'ut rib chnuwäch nabe pa ri c'utwächinic, cärapapic xopan wuc' jawije' ri in c'o wi. Xa' col man pa ri jok'otaj ri cächi'x ri tabal tok'ob chuwäch ri Dios re ri benabal k'ij.

Ri Daniel 9:21 ပူးပေါင်းရင်းမြစ်များ

Nabe Ajawinelab 18:29

Xoc'ow c'ut ri tiq'uil k'ij, xquitakej c'u na u rakic qui chi' je ta ne qui banic ch'u'j c'ä xurik na ri jok'otaj che u chi'xic ri tabal tok'ob, man c'o ta jun tzelebal wächaj xya' ta chque. ¡Man c'o ta jachin xtzelen ta u wäch qui tzij mawi c'o ta xtatabenic!

Nabe Ajawinelab 18:36

Xopan c'ut ri jok'otaj che u chi'xic ri tabal tok'ob ri cächajirisaxic, ri Eliy ri k'axal tzij xkebic co xch'awic: “¡Ajawaxel, u Dios ri Abraham, ri Isaac xukuje' ri Israel: bana' la chi camic quetamatajic chi lal ri u Dios ri Israel, xukuje' chi ri in in pataninel ech la, xukuje' chi quinban wa' rumal rech chi in takom la che u banic!

Salmib 103:20

¡Chitewichi'j ri Ajawaxel, cuinelalaj tak tako'nib aj caj! Ix, ri quebitz'akatisaj tak ri e u takanic, ri ix sac'aj che u nimaxic.

Salmib 104:4

Cäban tako'n la chque tak ri quiakik', e are c'u ri e rak' k'ak' cäban pataninel ech la chque.

Salmib 141:2

Ri nu ch'awem uc' la je chuxok jacha' ri c'oc'alaj k'ol chwäch la, e yactal c'ut ri e nu k'ab, jacha' sipanic rech benak k'ij.

Elem 29:39

Jun chque caya' ak'abil, ri jun chic benak k'ijil.

Ri Isaiy 6:2

Jujun chajinelab aj caj ri quejuluwic e c'o puwi' ri are. Chquijujunal c'o wakitak qui xic'. Ruc' quieb qui xic' caquich'uk ri qui palaj, ruc' quieb chic caquich'uk quib, ruc' quieb chic querapapic.

Ri Ezequiel 1:11

Ri qui xic' caquilic' quib chicaj. Quieb chque caquinakila' quib, cuc' chi c'ut ri quieb caquich'uk ri qui cuerp.

Ri Ezequiel 1:14

We cuerp ri' quejuch'uch'ic quebec quepetic e je ta ne e c'o caypa'.

Ri Ezequiel 14:14

We c'u jekel ri Noe, ri Danel xukuje' ri Job pa we ulew ri', xuwi ta ri e are' oxib queto'tajic rumal rech chi e suc'. In, ri Ajawaxel, quinjiquiba' u bixic.

Ri Daniel 10:10

Xinuchap c'u jun k'abaj xinuwalijisaj c'ut, c'ä xinuchacaba' na canok paquiwi' ri nu k'ab xukuje' paquiwi' ri nu ch'ec.

Ri Daniel 10:16

Xak c'ätetal c'u xpe jun ri cäjunamataj ruc' jun rija'l winak xuchap ri qui chi' ri nu chi'. Xinbij c'u che ri c'o chnuwäch: “Ajawaxel, we c'utwächinic ri' c'axc'obisam canok, resam ri nu chuk'ab.

Ri Daniel 10:18

Ri jun ri cäjunamataj ruc' jun rija'l winak xinuchap chi jumul, xebuya' c'ac' nu chuk'ab

Ri Daniel 8:16

xinta' c'u u ch'abal jun winak ri petinak pa ri nima' Ulay, ri je xubij wa': ‘Gabriel, chak'alajisaj ri c'utwächinic chuwäch we achi ri'.’

Ri Daniel 8:18

Aretak cätajin cätzijon wuc', xinmejmobic, xinliq'ue can cho ri ulew; xinunak c'ut, xinuchapo xuban c'ut chi xintaq'uic

Ri Matey 27:46

Kas pa ri jok'otaj ri', ri Jesus xurak u chi' ruc' chuk'ab, xubij: “Eli, Eli, ¿lama sabactani?” Je quel cubij wa': “Nu Dios, nu Dios, ¿jasche xinya' la canok?”

Ri Lucax 1:19

Ri tako'n aj caj xubij che: “In Gabriel, in tac'al chuwäch ri Dios. In takom ulok che a ch'abexic, che u tzijoxic we utzalaj tak tzij ri' chawe.

Ri Lucax 1:26

Chuwak ic' chi c'ut, ri tako'n aj caj Gabriel xtak ulok rumal ri Dios pa jun tinimit re Galiley, Nazaret u bi'.

Hechos 10:3

Pa jun k'ij, cäraj ne pa ri urox jok'otaj benak k'ij, xc'utun jun c'utwächinic chuwäch: kas xril jun tako'n aj caj re ri Dios ri xoc bic jawije' ri c'o wi, xubij c'u che: “¡Cornel!”

Hechos 10:9

Chucab k'ij, aretak e benak pa ri be, xa' jubik' man quebopan pa ri tinimit, ri Lu' xpaki' puwi' ri ja che u banic ch'awem ruc' Dios, chunakaj ri tiq'uil k'ij.

Hechos 12:7

Xak c'u c'ätetal xopan jun aj cajalaj u tako'n ri Ajawaxel xtaq'ui' chuxcut ri Lu', xtunun c'u jun sakil pa ri che'. Xunak ri Lu' pa ri u c'alc'a'x, xuc'asuj, xubij che: “¡Aninak chatwalijok!” Ri tikom ch'ich' xetzak chque ri u k'ab ri Lu'.

Hechos 3:1

C'o c'u jun k'ij, ri Lu', rachil ri Xuan junam cätajin quebopan pa ri rachoch Dios pa ri urox jok'otaj benak'ij, are jok'otaj wa' ri cäban ch'awem ruc' Dios.

Hebreos 1:14

Conojel c'ut ri tako'nib aj caj, e uxlabal ri e c'o pa ri patanijic cho ri Dios e takom ulok che qui patanixic ri winak ri caquechbej ri colotajic.

Hebreos 1:7

Cubij c'u ri Dios chquij ri e tako'nib aj caj: “Cubano chi ri e u tako'n aj caj quebux je ta ne quiakik', xukuje' chi ri e pataninel rech quebux je ta ne rak' k'ak'.”

Apocalipsis 9:17

Je quilic wa' ri quiej ri xebenwil pa ri c'utwächinic, xukuje' ri e quiejeninak chquij qui cojom ch'ich' cho qui c'u'x che u to'ic quib. Ri ch'ich' are quiäk je ta ne k'ak', azul, xukuje' k'an je ta ne asubre. Ri qui jolom ri quiej je jas ri qui jolom ri coj. Pa qui chi' quel wi ulok k'ak', sib, xukuje' asubre.