Ri Daniel 9:18 - Quiché Bible

¹⁸ Choc la il, nu Dios, xukuje' chätataben la; utz u ca'yexic bana' la ri ketzeletajic xukuje' ri tinimit la ri cänatax wi ri bi' la. Man quekaban ta ri ka bochi'nic che la rumal rech chi ka jiquiban ka c'u'x chrij ri u suq'uilal ri ka c'aslemal, xane' chrij ri nimalaj elebal c'u'x la.

Ri Daniel 9:18 ပူးပေါင်းရင်းမြစ်များ

Nabe Ajawinelab 8:29

Chi pa k'ij chi chak'ab, mätanaba' la u ca'yexic we achoch la ri', c'olbal ri bim wi la chi chi' cäriktaj wi la. Chtatabej la ri ch'abebexic la ri cuban ri pataninel ech la waral.

Ucab Ajawinelab 19:16

Kas choc la il, Ajawaxel, chatatabej c'u la. Chejaka' la ri bak'wäch la, Ajawaxel, chca'y c'u la. Chetatabej la ri tzij ri xebutak ulok qui bixic ri Senaquerib chwe, tzij tak ri conojel queyok'on che la, ri lal c'aslic Dios.

Salmib 116:1

Quinlok'ok'ej ri Ajawaxel xutatabej c'ut ri nu bochi'nic,

Salmib 25:6

Ajawaxel, chnataj ri lok'ok'ebal c'u'x la che la xukuje' ri ch'uch'ujil la ri amak'el c'utum la chkawäch,

Elem 3:7

xutakej c'u u bixic ri Ajawaxel: “Kas wilom ri c'ax ri curik ri nu tinimit ri c'o pa Ejipt. Nu tom ri qui rakoj tak chi'aj u mac rech ri c'ax ri cäban chque cumal ri takanelab ri e cojom paquiwi', kas weta'm ri c'ax ri cäquiriko.

Ri Isaiy 37:17

Kas tatabem la, Ajawaxel, chtatabej c'u la. Chjaka' ri bak'wäch la Ajawaxel chila' c'u la. Chtatabej la ri tzij ri xutak ulok u bixic ri Senaquerib chwe, c'axalaj tak tzij ri xubij ulok ronojel che yok'ic la ri c'aslic Dios.

Ri Isaiy 43:7

conojel ri cuc'am ri nu bi', ri xebenq'uiyisaj xukuje' ri xebentac'aba', ri xebenban che u ya'ic nu k'ij.’

Ri Isaiy 64:12

Ajawaxel, ¿la xak ta c'u caca'y la che ri ka c'ulmam? ¿La man c'o jas cäban la? ¿La man c'o jas cäbij la, a cujkasaj ta c'u la c'ä cho ri ulew?

Ri Isaiy 64:6

Konojel uj xak uj junam ruc' jun ch'uluch'ujalaj winak; conojel ri utzalaj tak chac xak e junam ruc' jun atz'iak tz'il konojel uj tzakinak uj jacha' ri chaki'j tak u xak che', ri il patan ri e ka banom cujquicharchatej bic e jacha' ri quiakik'.

Ri Jeremiy 14:7

¡Ajawaxel, pune' cujquitzujuj ri ka mac, chtok'obisaj la ka wäch rech cäya' u k'ij ri bi' la! Sibalaj q'ui mul man uj uxinak ta jic chwäch la, uj macuninak chwäch la.

Ri Jeremiy 14:9

¿Jasche lal je ta ne jun winak ri ma ta cuch'obo jas ri cubano, jacha' jun banal ch'o'j ri man cäcuin taj cätobanic? Are c'u ri camic, Ajawaxel, lal c'o la chkaxo'l, conojel ri winak queta'm chi uj tinimit la; ¡man cujtzak ta la canok!

Ri Jeremiy 15:16

Aretak catzijon la wuc', in quebenbik' bic tak ri e tzij la: man e c'o ta c'u e jewa' chwe quicotemal c'ut che ri wanima', rumal rech chi in ech la, Ajawaxel xukuje' Dios ri c'o ronojel u cuinem.

Ri Jeremiy 25:29

Quinchaplej c'u na qui takic tak ulok ri c'äjisabal tak wächaj ri quinya' na puwi' ri tinimit ri tastal chwe. ¿La are ta c'u pa i c'u'x ix chi ma ta qui kajbej na ri c'äjisabal wächaj? Kas c'u qui kajbej wi na, quintak c'u na ulok ri ch'o'j paquiwi' conojel ri winak re ri uwächulew. In, ri Ajawaxel ri c'o ronojel nu cuinem, quinjiquiba' u bixic.’

Ri Jeremiy 36:7

Caraj ne caquiban bochi'nic che ri Ajawaxel quequiya' ta c'u can conojel ri itzel tak qui nak'atisabal, rumal rech chi ri oyowal xukuje' ri c'axc'obic ri u bim ri Ajawaxel chi quepe puwi' we tinimit ri' sibalaj e xibibal.”

Ri Jeremiy 37:20

Tatabej ba la ri quinbij che la wajawinel, chya' ba la chwe ri quentz'onoj che la: Maya' ba la chi quinc'am chi bic jumul chupam ri rachoch ri Jonatan, ri tz'ibal tzijol, minecäm ne chla'.”

Ri Ezequiel 36:22

Rumal ri', chabij che ri tinimit Israel: ‘Are wa' cubij ri Ajawaxel: Ri quenbana' na man rumal ta iwech ix, israelib, xane' rumal ri tastalicalaj nu bi', ri i yo'm pa yok'ical chquipam ri nimak tak tinimit jawije' ri ix benak wi.

Ri Ezequiel 36:32

In, ri Ajawaxel, quinjiquiba' u bixic: Chiwetamaj, israelib, chi quinban wa' man rumal ta rech chi are ta wa' ri takal ta chiwe; chixq'uixok chipet iwanima' rumal ri itzel i c'aslemal.

Ri Daniel 9:7

Ri lal Ajawaxel, lal suc', are c'u ri uj ri uj aj judeyib elinak ka q'uixbal camic; ri e jekel pa Jerusalen xukuje' ri niq'uiaj aj israelib chic, ri e c'o nakaj xukuje' ri e c'o naj, ri e jekel pa tak ri ulew ri xeq'uiak wi la bic rumal rech chi man xeniman ta che la.

Ajilanic 6:27

Jeri' ri e are' caquinataj na ri nu bi' paquiwi' ri aj israelib, quebentewichi'j c'u na.”

1 Corintios 1:2

quintz'ibaj we wuj ri' chque ri kachalal ri comon cojonelab aj Dios ri e c'o pa Corint, ri e tastal pa ri Crist Jesus, e siq'uim rech quebux tastalicalaj tak winak, xukuje' chque conojel ri cäquita' ri u to'banic ri Kajaw Jesucrist pa ronojel c'olbal, Cajaw ri e are' xukuje' Kajaw uj.