Ri Daniel 9:16 - Quiché Bible

¹⁶ Ajawaxel keta'm chi quel c'u'x la. Bana' la tok'ob chtasa' la ri oyowal la xukuje' ri c'anal la che ri Jerusalen, are c'ut ri tinimit la, ri tastalic juyub la. Conojel ri winak ri e re ri nimak tak tinimit cäquitze'j u wäch ri Jerusalen xukuje' ri e winak la, qui mac quech ri ka mac, xukuje' ri quech ri ka mam.

Ri Daniel 9:16 ပူးပေါင်းရင်းမြစ်များ

Ri Nehemiy 9:8

Xil la chi u jiquibam u c'u'x chij la, xban la jun c'ulwächinic ruc': chi cäya' la chque ri rija'lil ri culew ri aj cananeyib, ri aj hititib, ri aj amoreyib, ri aj perezeyib, ri aj jebuseyib xukuje' ri aj jerjeseyib; ¡Tz'akatisam ri tzij la, amak'el c'ut cätz'akatisaj la!

Salmib 143:1

Ajawaxel chtatabej la ri nu ch'awem uc' la; choc la il che ri nu bochi'nic. ¡Tzelej la u wäch ri nu tzij, lal c'u suc' xukuje' jic!

Salmib 31:1

Ajawaxel, uc' la quintzucuj wi to'banic; mawi jubik' mesaj la nu q'uixbal. Chincolo' la, suc'alaj Dios.

Salmib 41:13

¡Tewichital ri Ajawaxel, u Dios ri Israel, camic xukuje' chbe k'ij sak! ¡Je chelok!

Salmib 71:2

¡Chinesaj la pa ri c'ax, chincolo' la, sibalaj c'u lal suc'! Choc la il che nu to'ic, chincolo' c'u la.

Salmib 79:4

Cätze'x ka wäch cumal ri e ka c'ulja; uj yacal qui tze' joropa' ri cujilowic.

Salmib 85:4

Dios xukuje' ka colonel, ¡chujto'tajisaj ba la camic xukuje' mätakej la oyowaric chke!

Salmib 89:51

Oh Ajawaxel, ¡je ka yok'ic wa' cäquiban ri e c'ulel la chke! ¡je yok'onic wa' cäquiban amak'el che ri cha'om la!

Elem 20:5

Mamej awib chquiwäch mawi mebaya' k'ijilanic chque, rumal rech chi in ri' ri Ajawaxel ri a Dios, Dios achixomanel ri cuc'äjisaj qui wäch ri etzelal ri caquiban ri tataxelab, pa ri qui wi' ri calc'ual, ri qui' tak qui mam xukuje' xiquin tak qui mam ri caquetzelaj nu wäch;

Ri Isaiy 5:25

Rumal ri' ri Ajawaxel xpe royowal che ri u tinimit, xuyac ri u k'ab che u c'äjisaxic u wäch. Ri juyub xebirbobic, ri cäminakib xejiljoxin canok jacha' mes pa tak ri be. Man oc'owinak ta c'u ri royowal ri Ajawaxel ri are' c'ä u takem u cojic xib.

Ri Jeremiy 24:9

Quinban na chque chi quebux jun jasach ri caquiya' xibin ib chque conojel ri nimak tak tinimit ri e c'o cho ri uwächulew, quebux c'u na jun c'utbal re mach'ibal ib, etzelam wächaj xukuje' c'okonic chquiwäch conojel tak ri ulew ri queben jabuj wi na.

Ri Jeremiy 29:18

Quebenc'axc'obisaj ruc' ch'o'j, wi'jal xukuje' cämisanel yabil. Quinban na chi conojel ri nimak tak tinimit ri e c'o cho ri uwächulew cäquetzelaj na qui wäch aretak quequilo, quinban c'u na chque chi' quebux na elesabal tak no'j re c'okonic xukuje' re q'uixbal, pa jun jasach ri cuya' tze'bal xukuje' xe'n ib pa conojel ri nimak tak tinimit ri e nu jabum tak wi.

Ri Jeremiy 32:31

Are c'u we tinimit ri' kas pa ri k'ij aretak xchaplex u yaquic c'ä pa ri k'ij ri', man c'o ta jas ri u banom xane' xak xuwi ri u yaquic ri woyowal xukuje' ri nu c'anal. Rumal ri' quenbana' che chi quel chnuwäch,

Ri Jeremiy 32:32

rumal ronojel ri c'axc'obenic ri qui banom chwe cumal tak ri itzel ri e qui banom ri tinimit aj Israel xukuje' ri tinimit aj Juda, xak junam qui banom tak ri e cajawinelab, ri e c'ämal tak qui be, ri e qui cojol tabal tok'ob, ri e k'axal tzij ri e c'o cuc' xukuje' conojel tak ri winak ri e c'o pa Juda xukuje' ri e c'o pa Jerusalen.

Ri Ezequiel 22:4

Cumal tak ri cämisanic ri e a banom at uxinak ajchak'mac, cumal ri qui banic ri e diosib a tz'ilom awib; a banom chi cänakajin ri a k'ijol opaninak c'ut ri qui q'uisbalil tak ri a k'ij. Je c'u ri', quenbana' na chi catquiyok' ri tinimit, chi conojel ri nimak tak tinimit caquitze'j a wäch.

Ri Ezequiel 5:14

Ri in quinban chawe chi catjalwächitaj pa jun jumulaj yojyobic, ri Jerusalen; catinmach'irisaj na chquixo'l tak ri tinimit ri e a c'ulja, rech quequil conojel ri queboc'owic.

Ri Daniel 11:45

quebujekeba' c'u ri kajebal aj ajawinel chuxo'l ri plo ruc' ri tastalic juyub re ri je'lical. Chila' c'ut copan wi na ri k'ijol re ri u cämical, man c'o ta c'u jachin jun cäto'wic.’ ”

Ri Daniel 9:20

“Ri in xintakej qui k'alajisaxic ri nu mac xukuje' ri quech ri nu tinimit Israel, xebenjach c'ut ri nu bochi'nic chuwäch ri Ajawaxel ri nu Dios puwi' ri tastalic u juyub ri Dios.

Ri Joel 3:17

“Ri ix quitzelej chi na iwib che retamaxic chi in ri' ri Ajawaxel ri i Dios, in jekel pa Sion, ri nu juyub ri tastalic. Ri Jerusalen cux na jun tinimit ri tastalic: mawi jumul cach'äc ta chi na cumal tak winak ri naj quepe wi.

Ri Zacariy 8:3

Quintzelej c'u na pa Jerusalen, rech quinjekel chila'. Jicalaj Tinimit cuchi'x c'u na ri Jerusalen, are c'u ri u juyub ri Ajawaxel, ri c'o ronojel u cuinem, Juyub Tastalic cuchi'x na.

2 Tesalonicenses 1:6

Suc' chuwäch ri Dios chi cuya' c'axc'olil paquiwi' ri winak ri cäquiban c'ax chiwe.

1 Juan 1:9

We c'u quekak'alajisaj ri e ka mac, cuya' cakacuba' ka c'u'x chi ri Dios cuban na jachique ri suq'uilal: quebucuy c'u na tak ri e ka mac, queresaj c'u na conojel ri ketzelal.

Nabe Samuel 2:7

Ri Ajawaxel cuban meba' chke o k'inom; cuban chke chi cujtzakic cujuwalijisaj c'ut,