Ri Daniel 9:13 - Quiché Bible

¹³ Ronojel we etzelal ri' petinak pakawi', jacha' ri tz'ibatal pa ri pixab ri xuya' ri Moises; are c'u ri uj man uj tzucuninak ta che la, Ajawaxel xukuje' ka Dios, mawi c'u ne e ka k'ilom kib che qui banic ri ketzelal, mawi ka takem u banic ri kastzij la.

Ri Daniel 9:13 ပူးပေါင်းရင်းမြစ်များ

Ucab Ajawinelab 22:16

chi ri in, ri Ajawaxel, quinbij: Quinwerej na ulok jun u q'ueyowal puwi' we c'olbal ri' xukuje' paquiwi' ri winak ri e c'o chupam, je jas ri cubij ri wuj ri xusiq'uij u wäch ri ajawinel re Juda.

Ri Job 36:13

Ri co canima' quenoj che k'ak'aric, man caquitz'onoj ta c'u ne to'banic pune' ta ne e c'o pa che'.

Salmib 119:18

Chejaka' la ri nu bak'wäch, quebenwil c'u na ri e u mayibal ri tijonic la.

Salmib 119:27

Chya' la nu chomabal che qui takexic ri e pixab la ri e tz'ibatalic, quinwaj c'ut quinchoman chquij tak ri mayibal la.

Salmib 119:73

Ri lal xinbanow la kas xinbit c'u la; ¡ya' la nu c'oxomanic rech quintijotaj che qui banic tak ri e takomal la!

Salmib 85:4

Dios xukuje' ka colonel, ¡chujto'tajisaj ba la camic xukuje' mätakej la oyowaric chke!

Ri Isaiy 31:1

¡Tok'ob qui wäch ri quebe pa Ejipt che u to'ic quib, ri cäquicu'ba' qui c'u'x chquij ri quiej, ri cäquicu'ba' qui c'u'x chi e c'o q'ui qui carwaj xukuje' chi sibalaj e q'ui ri cajquiejab e c'olic, man cäquiya' ta c'u ri qui wäch chrij ri Tastalicalaj u Dios ri Israel, man cäquitzucuj ta ri Ajawaxel!

Ri Isaiy 42:9

Chiwila', chi je xel wi ronojel ri nu yo'm ulok u bixic nabe, are c'u ri camic quinya' qui bixic c'ac' tak jastak quinya' qui bixic chiwe c'ä majok chebec'utunok.”

Ri Isaiy 43:22

Are c'u ri at, Israel, u tinimit ri Jacob, man xaya' ta nu k'ij xane' xatcos che nu k'ijilaxic.

Ri Isaiy 64:6

Konojel uj xak uj junam ruc' jun ch'uluch'ujalaj winak; conojel ri utzalaj tak chac xak e junam ruc' jun atz'iak tz'il konojel uj tzakinak uj jacha' ri chaki'j tak u xak che', ri il patan ri e ka banom cujquicharchatej bic e jacha' ri quiakik'.

Ri Isaiy 64:7

Man c'o ta jun cänatan la, mawi cucoj u chuk'ab che u to'k'exic rib che la; rumal ri' xc'u' ib la chkawäch uj wonobam c'u la canok u mac rech ri ka mac.

Ri Isaiy 9:13

Man xtzelej ta c'u ri tinimit ruc' ri Dios, ri xc'äjisan u wäch man xutzucuj ta ri Ajawaxel ri c'o ronojel u cuinem.

Ri Jeremiy 2:30

Xak lok' xinc'äjisaj qui wäch ri e i c'ojol, man xcaj ta c'ut xquetamaj taj ri tijonic. Kas ri ix, ix junam cuc' ri c'analaj tak coj, xebicämisaj tak ri e k'axal tak tzij ri e c'o iwuc'.

Ri Jeremiy 30:14

Conojel tak ri e awachil xatquisach pa qui jolom; man queboc ta chi il chawe. Xa' c'u ne xatinsoco jacha' ta ne ri in ta a c'ulel, c'ax u c'äjisaxic a wäch xinbano qui mac quech ri jumulaj awetzelal qui mac quech ri e a mac ri man e ajilatal taj.

Ri Jeremiy 31:18

Xinto chi ri tinimit Eprain cäch'ach'at ruc' c'ayil: ‘In in jacha' can jun wacax ri man tijotajinak taj, in tijotajinak c'ut umal la; chabana' la chi quintzelej uc' la, lal c'ut ri Ajawaxel, nu Dios.

Ri Jeremiy 44:23

We quiäkasakil ri' ri quixriktaj tak wi camic petinak wa' piwi' rumal rech chi xebichi'j c'oc' k'ol chque jule' tak diosib, macunic c'u wa' xiban chuwäch ri Ajawaxel, xukuje' rumal rech chi man xebequinimaj taj ri e u pixbenic xukuje' tak ri pixab, mawi xebequitz'akatisaj tak ri e u takanic.”

Ri Jeremiy 44:27

Quinchajin c'u na rech are quebentak bic ri c'axc'ol piwi' man c'u e utzilal taj. Conojel ri aj Juda ri e jekel pa Ejipt cachupisax na qui wäch conojel rumal ri ch'o'j, o ri wi'jal.

Ri Jeremiy 5:3

Ajawaxel, ri catzucuj la are ri winak ri jic ranima'. Xc'äjisaj la qui wäch man c'ax ta c'ut xquina'; xebeyojyobisaj la man xcaj ta c'ut xquesaj ta qui no'j. E täc, e co c'u na chuwäch ri abaj, man xcaj taj xetzelej chupam ri utzalaj be.

Juyuwem 5:21

¡Bana' la chke chi chujtzelej uc' la, Ajawaxel cujtzelej c'u na! ¡Bana' la chi ri ka c'aslemal chi chux chi na jumul jas ri u banom can nabe!

Ri Ezequiel 16:43

At xsach pa a jolom aretak c'a at ac'al, xayac woyowal cumal ri itzel tak a banoj ri e xojibal; rumal c'u ri', quinc'äjisaj na a wäch rumal we itzel a c'aslemal ri'. In, ri Ajawaxel, quinjiquiba' u bixic.’ ”

Ri Daniel 9:11

Ronojel Israel man xunimaj taj ri tijonic la, xuk'il c'u rib che qui nimaxic tak ri e takanic la; rumal ri' e kajinak pakawi' ri c'okobal xukuje' ri chi'nic ri kas cäban na ri e tz'ibatal chupam ri u pixab ri Moises, ri pataninel ech la rumal rech chi uj macuninak chwäch la.

Ri Osey 7:10

Ri nimal ri cac'ämow ri Israel are cäyo'w k'alajisanic chrij chi man utz ta c'olic. Ruc' ronojel wa', we winak ri' man xetzelej ta che u tzucuxic ri Ajawaxel ri qui Dios.

Ri Osey 7:14

Pune' ta c'u ne caquirak qui chi' aretak e kajinak pa ch'at, man ruc' ta c'ut ri canima' quinquinataj. Che u tz'onoxic trico xukuje' u wa'l uva quequisocola' tak quib ¡Quiwalijisam quib chwij!

Ri Osey 7:7

Je, conojel e are' quenicowic jacha' jun jorno ri quebubik' conojel tak ri e u k'atal tak tzij. Conojel tak ri e cajawinelab e tzakinak, man c'o ta c'u ne xa' ta jun chinnatan taj.”

Ri Lucax 24:45

C'äte ri' xuban chque chi cäquich'ob ri Tz'ibatalic.

Ri Xuan 10:35

Are ri Tz'ibatalic man cuya' taj catuquixic, cubij c'u diosib chque ri winak ri xopan wi ri u tzij ri Dios,

Ri Xuan 6:45

Tz'ibatal can pa tak ri qui wuj ri k'axal tak tzij: Conojel quetijox na rumal ri Dios. Conojel ri cäquitatabej ri Tataxel, cäquetamaj que ruc', e are ri' quepe wuc' in.

Ri Xuan 8:32

Quiwetamaj c'u na ri kastzij, are' c'u ri kastzij quixtzokopin na.”

Efesios 4:21

we kas i tom ri u tzijol ri are'; we xixtijox c'ut pa ri are' jas ri u cholajil ri kastzij ri c'o pa ri Jesus.

U Camulixic ri Pixab 29:4

Are c'u ri camic ri Ajawaxel c'ä maja' cuya' chiwe chi quich'obo mawi u yo'm chiwe chi quiwetamaj ri quel cubij ronojel wa'.

Santiago 1:5

We c'u c'o jun chiwe c'ä c'o cäraj ri u no'j, chuta' che ri Dios, cäyataj c'u na. Ri Dios cuya' chque conojel, man xak ta jubik' cuya'o, xukuje' aretak cäyataj rumal, man cäyok'on taj.