Ri Daniel 9:12 - Quiché Bible

¹² Lal, aretak xtak la ulok jun nimalaj u q'ueyowal pakawi', xtz'akatisaj la ri cojoj xib ri xban la chke uj xukuje' chque ri xetakan pakawi'; mawi jumul bantajinak ta cho ri uwächulew jun c'äjisabal wächaj ri cäjunamataj ta ruc' ri kajinak puwi' ri Jerusalen.

Ri Daniel 9:12 ပူးပေါင်းရင်းမြစ်များ

Nabe Ajawinelab 3:9

Ya' ba' la, jun anima' chwe ri cacuin che u k'atic tzij puwi' ri tinimit la, xukuje' che u ch'obic jachique ri utz xukuje' ri man utz taj; ¿jachin ta ri cacuin che u k'atic tzij puwi' we tinimit la ri' ri man e ajilatal taj?”

Ucab Ajawinelab 22:16

chi ri in, ri Ajawaxel, quinbij: Quinwerej na ulok jun u q'ueyowal puwi' we c'olbal ri' xukuje' paquiwi' ri winak ri e c'o chupam, je jas ri cubij ri wuj ri xusiq'uij u wäch ri ajawinel re Juda.

Ri Job 12:17

Ri are' cubano chi ri ajno'jab caquitzak ri quetamanic chi ri k'atal tak tzij chi chebux ch'ujab.

Salmib 148:11

¡Ri ajawinelab ri e c'o cho ri uwächulew xukuje' conojel tak ri tinimit! ¡Conojel ri c'amal tak be xukuje' ri k'atal tak tzij ri e c'o cho ri uwächulew!

Salmib 2:10

Ajawinelab xukuje' k'atal tak tzij re ri uwächulew, chich'obo' wa', ¡Chitijoj iwib che we tijonic ri'!

E C'ambal tak Tzij 8:16

Wumal in, quebajawin wi ri e c'amal tak u be ri tinimit quequik'at c'u tzij tak ri k'atal tak tzij.

Ri Isaiy 43:28

ri e a k'atal tak tzij xquitz'iloj ri wachoch, rumal ri' xinya' be chi ri Israel, ri u tinimit ri Jacob, chi cäyojixic xukuje' cäyok'ic.”

Ri Isaiy 44:26

Quinban c'ut chi ri cäquibij ri e pataninelab tak wech je cäbantajic, xukuje' chi utz quebel wi ri qui chomanic ri e nu tako'nib. In quink'alajisaj chi ri Jerusalen cänoj chi na chque winak, chi conojel ri tinimit tak re Juda queyac chi na jumul. In quinbano chi quebel na chupam ri yojyobic ri e c'o wi.

Ri Jeremiy 30:7

¡Canakajin jun xibibalalaj k'ij, jun k'ij ri man c'o ta chi jun ri junam ta ruc'! Are jun k'ijol re c'ayilaj c'axc'ol che ri u tinimit ri Jacob, quinto'tajisaj c'u na in.

Ri Jeremiy 32:23

Aretak c'u xeboc chupam ri ulew xeboc c'u che rechbexic, man xeniman ta che la mawi xebequitakej ri qui banic tak ri pixab ri xeya' la chque, mawi c'o xquiban chque ri xetak la che qui banic. Rumal ri' xtak la ulok ronojel we nimalaj c'axc'ol ri' paquiwi'.

Ri Jeremiy 39:16

“Jät jabij c'u che ri Ebed-melec, ri aj Etiopiy: ‘Ri Ajawaxel ri c'o ronojel u cuinem, ri u Dios ri Israel, jewa' cubij: Quentz'akatisaj ri nu yo'm u bixic ri cuc'ulmaj na we tinimit ri' che retzelal, man che ta c'ut rutzil. Aretak quec'ulmataj wa', at cawil na.

Ri Jeremiy 44:23

We quiäkasakil ri' ri quixriktaj tak wi camic petinak wa' piwi' rumal rech chi xebichi'j c'oc' k'ol chque jule' tak diosib, macunic c'u wa' xiban chuwäch ri Ajawaxel, xukuje' rumal rech chi man xebequinimaj taj ri e u pixbenic xukuje' tak ri pixab, mawi xebequitz'akatisaj tak ri e u takanic.”

Juyuwem 1:12

¡Ix, ri quixbin pa ri be, chixtac'al che u chomaxic we c'o k'oxomal jacha' ri wech in, ri sibalaj in c'axc'obinak rumal! ¡Ri Ajawaxel xtakow ulok we c'axc'obic ri' panuwi' aretak xnicow ri royowal!

Juyuwem 2:13

¿Jas ta ruc' catinjunamaj wi o catinjunamataj ta wi, je'licalaj Jerusalen? ¿Jas ta ri c'utbal ri quincuin ta che u ya'ic chawäch che u cu'bisaxic a c'u'x, ch'ajch'oj xukuje' je'licalaj tinimit re Sion? Sibalaj nim jacha' ri plo ri u sachisaxic a wäch; ¿jachin ta lo ri cäcuinic cuya' ta jubik' uxlanic chawe?

Juyuwem 2:17

Ri Ajawaxel xuq'uis qui banic tak ri e u chomanic, xutz'akatisaj ri u tzij ri kas u bim ulok ojer; xsachisan wächaj ma xcuyun ta c'ut; xuya' c'olbal chi ri c'ulel cutze'j a wäch xuya' u chuk'ab ri catc'ulelanic.

Juyuwem 4:6

Ri retzelal ri u chuch ri nu u tinimit c'o na chuwäch ri macaj ri xuban ri Sodom, ri xa' pa jok'otaj xsachisax u wäch man c'o ta c'u jun ri xelch'ojin ta ruc'.

Ri Ezequiel 13:6

Ri qui c'utwächinic xa' e u cawäch xukuje' tak ri tzij ri quequik'axej xa' e banoj tzij. Caquibij chi in in bininak chque, man e nu takom ta, c'u bic. ¡Caqueyej c'ut chi quebetz'akat tak ri qui tzij ri e qui bim!

Ri Ezequiel 5:9

Ri mawi jumul nu banom mawi quenbana' chi na. Sibalaj man e ch'ijtajel taj conojel tak ri e a banoj.

Ri Daniel 12:1

“ ‘Pa we jok'otaj ri' cätac'atob na ri Miquel, ri tako'n aj caj to'banel ri sibalaj nim u banic ri to'banel ri cuto' na ri a tinimit. Cux na jun jok'otaj re c'axc'ol, jun jok'otaj ri man c'o ta chi jun ri junam ta ruc' tzä aretak e c'olinak ulok ri nimak tak tinimit. Aretak chupam we jok'otaj ri' quecolotaj na conojel ri winak ri e re ri a tinimit ri tz'ibatal ri qui bi' chupam ri wuj.

Ri Joel 2:2

k'ij re k'ekumalil xukuje' raxc'anac'ojil, k'ij que tak sutz'al xukuje' tak mujal. Juk'at banal tak ch'o'j ri sibalaj quebuchuwic qui cholajim quib paquiwi' tak ri juyub jacha' ri sakil re ri u sakaric. Mawi jubik' ilom, mawi quil chi na, man c'o ta jas ri quejunamataj ta wi.

Ri Amos 3:2

“Xuwi ri ix ix nucha'om chquixo'l tak conojel ri tinimit ri e c'o chuwäch ri uwächulew. Rumal ri' quinc'äjisaj na i wäch qui mac quech ri etzelal ri e i banom.”

Ri Zacariy 1:6

Xebopan c'u ne tak ri e nu tzij xukuje' tak ri e nu takanic, ri nu yo'm u bixic chque ri pataninel tak wech ri e k'axal tak tzij, xebopan cuc' ri e i mam. Xetzelej wa' wuc' xquich'obo' chi ri in, ri Ajawaxel ri c'o ronojel u cuinem, je xuban chque jacha' ri takal che ri qui c'aslemal xukuje' chque tak ri e qui banoj.’ ”

Ri Zacariy 1:8

C'o jun ak'ab xinwil jun c'utwächinic: Xinwil jun ajquiej ri quiejeninak chrij jun quiej quiäk rij. Tac'al pa jun beya', chquixo'l tak ri k'echob, e c'o chi juk'at quiej chrij, jujun e quiäk, jujun chic tz'iquitz'ak quij, jujun chic c'ut e sak.

Ri Zacariy 7:12

Xcabajirisaj ri canima' jacha' ta ne ri diamant, rech man caquitatabej taj ri tijonic xukuje' tak ri takomal ri xuya' u bixic ri Ajawaxel ri c'o ronojel u cuinem rumal ri ruxlabal, cumal ri ojer tak k'axal u tzij. Rumal ri' ri Ajawaxel sibalaj xoyowaric,

Ri Matey 24:21

C'äte ri' cäpe na nimalaj c'axc'olil ri man ilom ta ulok kas aretak xtiquiritaj ulok ri uwächulew c'ä camic, mawi cäc'ulmax chi na.

Ri Matey 5:18

Kastzij quinbij chiwe, joropa' k'ij cac'oji' na ri caj xukuje' ri ulew, man c'o ta jun t'ik, mawi ri u wi' ri jun juch' ri quesax ta na che ri pixab c'ä conojel ri jastak quebantaj na.

Marcos 13:19

Pa tak ri k'ij ri' quepe na c'axc'olil ri man ilom ta ulok kas pa ri u tiquiritajic ri uwächulew c'ä camic ri xuban ri Dios, mawi cäc'ulmax na.

Ri Lucax 21:22

E k'ij c'u wa re c'äjisabal wäch, ri quetz'akat na conojel ri cubij ri Tz'ibatalic.

Romanos 15:8

Quinbij c'ut chi ri Crist Jesus xpe che qui patanixic ri aj judeyib che ri u chi'nic ri Dios, rech quebantaj ri jastak ri xubij ulok ri Dios chque ri e ka mam chi cuya' na ruc' ri jiquil.