Ri Daniel 8:17 - Quiché Bible

¹⁷ Xkeb c'u ri are' wuc'. Ri in xinxe'j wib, xinmej c'u wib c'ä xinya' na ri nu palaj cho ri ulew, xubij c'u ri are' chwe: ‘Rija'l winak, chawetamaj chi we c'utwächinic ri' che ri q'uisbal tak k'ijol cätzijon wi'.’

Ri Daniel 8:17 ပူးပေါင်းရင်းမြစ်များ

Chapletajic 17:3

Ri Abram xumej rib c'ä xuya' na ri u palaj cho ri ulew. U takem c'u u bixic ri Dios che:

Ri Ezequiel 1:28

Ri cajunamataj ruc' ri räxquiak'ab aretak cäc'utun pa tak ri sutz' aretak c'o musmul jäb. Jewa' xuban ri u c'utic rib ri u juluwem ri Ajawaxel chnuwäch. Aretak xinwilo, xinmej wib chuwäch, c'ä xinya' na ri nu palaj cho ri ulew.

Ri Ezequiel 2:1

Xinta' c'u jun ch'abal ri xubij chwe: “At, winak, chattac'alok, quintzijon c'ut awuc'.”

Ri Ezequiel 44:4

Ri achi xinuc'am chi c'u bic pa ri oquibal ri c'o pa ri riquiak'ab ri elebal k'ij, chuwäch ri Rachoch Dios. Xinwilo chi ri u juluwem ri Ajawaxel u nojisam ri Rachoch Dios, xinmej wib c'ä xinya' na ri nu palaj cho ri ulew.

Ri Ezequiel 6:2

“Chatca'y chque tak ri e u juyub ri Israel, chebach'abej c'u pa ri nu bi'

Ri Daniel 10:11

Xubij c'u chwe: ‘Daniel, ri cälok'ok'ex rumal ri Dios, kas utz u tatabexic chabana' ri quenbij chawe: Chatwalijok,; in takom c'u ulok awuc'.’ Xuwi c'u xq'uistaj qui bixic tak we tzij ri' rumal, ri in quinbirbitic, xintaq'ui'c.

Ri Daniel 10:16

Xak c'ätetal c'u xpe jun ri cäjunamataj ruc' jun rija'l winak xuchap ri qui chi' ri nu chi'. Xinbij c'u che ri c'o chnuwäch: “Ajawaxel, we c'utwächinic ri' c'axc'obisam canok, resam ri nu chuk'ab.

Ri Daniel 11:27

E are c'u ri quieb ajawinelab ri cäquichomala' xuwi u banic c'ax chquibil tak quib, quet'uyi na pa ri xa' junam mexa quequibila' banoj tak tzij chquixo'l ri jun che ri jun chic, man c'o ta c'u jun quel ta na puwi' ri cuchomaj u banic, rumal rech chi c'ä maja' copan ri u k'ijol.

Ri Daniel 11:40

Aretak copan ri jok'otaj q'uisbalil, ri ajawinel ri c'o pa u mox relebal k'ij cäch'ojin na ruc' ri ajawinel ri c'o pa ri riquiak'ab relebal k'ij; quel c'u na ulok wa' che u c'ulaxic jacha' c'u jun xibibalalaj jasach, cuq'uiak rib chrij ri u mox elebal k'ij, cunojisaj c'u ronojel ri ulew cuc' carwaj re ch'o'j, ajch'ojab ri e c'o qui quiej xukuje' ri q'ui qui jucub.

Ri Daniel 12:13

Are c'u ri at, Daniel, chatakej ri a be c'ä che ri a q'uistajic, chatuxlan c'ut, chquipam c'ut ri q'uisbal tak k'ij catwalij na che u c'amic ri tojbal awech.’ ”

Ri Daniel 12:4

Are c'u ri at Daniel, chebawawaj we jastak ri' chi c'uyal, chat'ika' ri wuj c'a copan na ri q'uisbal jok'otaj. E q'uia winak quebe na jeri' quebe na jela', cäquitzucuj u q'uiyirisaxic tak ri quetamanic.’

Ri Daniel 2:46

Xuxucuba' c'u rib ri ajawinel Nabucodonosor chuwäch ri Daniel, xupachba' c'u ri u jolom c'ä cho ri ulew xtakan c'ut chi cachi'x tabal tak tok'ob chuwäch xukuje' c'oc' k'ol.

Ri Daniel 7:16

xinkeb ruc' jun chque ri quepatanij che, xintz'onoj c'u che chi chuk'alajisaj ronojel wa' chnuwäch. Ri are' xuc'am u k'abal u k'alajisaxic chnuwäch, xubij c'u chwe:

Ri Daniel 8:15

Ri in Daniel aretak cätajin quinoc il che rilic we c'utwächinic ri' cätajin c'u quintzucuj u ch'obic jas ri quel cubij, c'äte quinwilo xtac'atob jun wächbal chnuwäch ri je ta ne cäpe jun winak,

Ri Daniel 8:19

xubij c'u chwe: ‘Quink'alajisaj na chawe ri quec'ulmatajok aretak cheq'uis ri k'ijol re ri royowal ri Dios, are c'u ri c'utwächinic ri' che we q'uisbal k'ijol ri' cätzijon wi.

Ri Daniel 8:27

In, Daniel, xinna' chi man e c'o ta chic nu chuk'ab, q'ui k'ij xinyawajic. C'äte chi c'u xinwalijic, xintakej chi c'ut ri patanijic pa ri k'atbal tzij re ri nim tinimit. Sibalaj c'u in oquinak il che ri c'utwächinic ri wilom, man quincuin ta c'u che u ch'obic.”

Ri Daniel 9:23

Xuwi xachaplej u banic ch'awem ruc' Dios, ri Dios xutzelej u wäch ri a tz'onon. Ri in in petinak chubixic chawe ri xubij, rumal c'u rech chi sibalaj at lok' chuwäch ri Dios. Are c'u ri camic kas chatatabej ri quinbij chawe, rech cach'ob ri c'utwächinic:

Ri Daniel 9:27

Pa jun chi c'u wukub (7) k'ij, ri are' cuban na jun c'ulwächinic cuc' e q'uia winak, pa u niq'uiajil c'ut ri wukub k'ij cätanabax na qui ya'ic ri tabal tok'ob xukuje' tak ri sipanic. Jun c'u xibibalalaj awasinic cäbantaj na chuwäch ri porobal ri queya' wi ri tabal tak tok'ob c'ä cakaj na ri sachbal wäch ri yo'm u bixic puwi' ri banal tak rech we xibibal ri'.’ ”

Ri Habacuc 2:3

C'ä maja' c'u ne copan ri k'ijol ri chetz'akat we c'utwächinic ri'; ma ta c'u ne ma ta chetz'akatok. At chateyenok, pune' cabeytajic, copan c'u na ri k'ijol ri rajawaxic.

Ri Matey 17:8

Xeca'yic, xquil ri Jesus xak u tuquiel chic, man c'o ta chi jun xquilo.

Apocalipsis 1:17

Aretak xinwilo, xintzak chquiwäch ri rakan jacha' jun cäminak. Ri are' c'ut xuya' ri u k'ab re u wiquiak'ab panuwi', xubij: “Maxe'j awib. In ri' ri nabe xukuje' ri q'uisbal.

Apocalipsis 22:8

Ri in Xuan ri xinto xukuje' xebenwil we jastak ri'. Aretak e nu tom xukuje' e wilom chic, xintzak wib chquiwäch ri rakan ri tako'n aj caj che u k'ijilaxic ri xec'utuw we jastak ri' chnuwäch.