Ri Daniel 8:13 - Quiché Bible

¹³ Chuwi' chi c'u wa' xinto chi jun tako'n aj caj xuc'ot u chi' chic jun tako'n aj caj, xubij: ‘¿Jampa' cätanabax u banic wa' ri quilitaj puwi' ri porobal ri queya' wi tabal tok'ob ronojel k'ij? ¿Joropa' k'ijol cäbeytaj ri xibibalalaj mac chi cäjach ri tastalicalaj k'ijilabal ri cak'ijilax wi ri Ajawaxel xukuje' ri quecojon che, rech quexak'alexic?’

Ri Daniel 8:13 ပူးပေါင်းရင်းမြစ်များ

Salmib 74:10

Nu Dios, ¿c'ä jampa' lo cutanaba' ka yok'ic ri c'ulel? ¿C'ä jampa' lo cutakej na ka yok'ic?

Salmib 74:9

Man quekil ta chic ri e tastalicalaj tak ketal; man c'o ta chi jun k'axal tzij la; mawi ne keta'm joropa' junab cäbeytaj na wa'.

Salmib 79:5

Oh Ajawaxel, ¿c'ä jampa' coc'ow ri oyowal la? ¿La xak cätajin wi cänicow ri oyowal la jacha' ri k'ak'?

Ri Isaiy 28:18

Ri i c'ulwächinic ri i banom ruc' ri cämical man c'o ta chi cupatanij na, ri c'ulwächinic ri i banom ruc' ri quebajawin ri cäminakib, man c'o ta cupatanij na. Cäpe na ri nimalaj c'ax cäkaj c'u na piwi'.

Ri Isaiy 6:11

Ri in xinc'ot u chi': “¿Joropa' k'ijol cabeytaj wa', Ajawaxel?” Ri are' xubij chwe: “C'ä casach na qui wäch ri tinimit tak, man c'o ta jun u winakil cäcanajic, c'ä quecanaj na can ri ja qui tuquiel, ri ulew quejamajob canok,

Ri Isaiy 63:18

Man naj ta xbeytaj ri tastalicalaj tinimit la che rechbexic ri ulew. Ri e ka c'ulel xquixak'lej ri achoch la.

Ri Isaiy 9:6

Rumal rech chi alam jun ac'al chke, ri Dios u yo'm jun c'ojolaxel chke, ri yo'm ronojel cuinem pa u k'ab che u k'atic tzij, are c'u tak u bi' wa' cäbix na: Mayibal pa tak ri cubano, Dios ri man ch'äcatajel taj, junalic tataxel, u c'ojol ajawinel ya'l jamaril.

Ri Jeremiy 12:10

E q'ui c'ämal tak be ri e c'ulel qui sachisam u wäch ri nu ticbal uva, qui xak'alem ri nu juyub. Xquiban jun tolotic chaki'j uwo sak che ri ulew ri sibalaj lok' na chnuwäch.

Ri Daniel 11:31

Ri e rajch'ojab cäcawasij na ri rachoch Dios xukuje' tak ri cowirisabal, cäquik'il na ri u ya'ic ri tabal tok'ob ri cäya' ronojel k'ij, cäquicoj c'u na chila' jun xibibalalaj awasixic.

Ri Daniel 12:11

Jun mil quieb sient jumuch' lajuj (1290) k'ij queboc'ow na tza pa ri jok'otaj aretak cätanabax u cojic ri tabal tok'ob re ronojel k'ij are c'u cäcoj ri tz'ilalaj etzelal awas chupam ri rachoch ri Ajawaxel.

Ri Daniel 12:8

Ri in xintatabej ri cubij, man c'o ta c'u jas xinch'obo. Xinc'ot c'u u chi', xinbij che: ‘Ajawaxel, ¿jas ri cäc'ulmataj na aretak cäbantaj ronojel wa?’ xincha' che.

Ri Daniel 4:10

E are tak c'utwächinic wa' xinwilo aretak in k'oyolic: Pu niq'uiajil ri uwächulew c'o juwi' che' ri sibalaj naj elinak chicaj.

Ri Daniel 4:13

Xak c'u c'ätetal xinwil pa tak ri nu c'utwächinic jun tako'n aj caj yuxlenel ri xkaj ulok chicaj,

Ri Daniel 4:23

Xil la, xukuje' chi jun tastalicalaj tako'n yuxlenel xkaj ulok chicaj xubij c'ut: Chikasaj ri juwi' che', chisachisaj c'u u wäch, chiya' can ri u cuta'mil xukuje' ri e u rab pa ri ulew; co chixima' cuc' tak tikom räx ch'ich' xukuje' re k'an ch'ich', chiya' c'u can xo'l tak ri k'ayes re ri juyub. Chkaj ri räxk'ab puwi' chutija' c'u re ri k'ayes re ri juyub cuc' tak ri awaj wukub junab.

Ri Daniel 7:16

xinkeb ruc' jun chque ri quepatanij che, xintz'onoj c'u che chi chuk'alajisaj ronojel wa' chnuwäch. Ri are' xuc'am u k'abal u k'alajisaxic chnuwäch, xubij c'u chwe:

Ri Daniel 7:23

Xubij c'ut: ‘Ri ucaj awaj ri xibibal are jun ucaj ajawinic ri cäc'oji' na cho ri uwächulew, ri man cäjunamataj ta cuc' ri niq'uiaj chic. Cubik' na ronojel ri uwächulew, cuxak'alej na xukuje' cut'ub na.

Ri Daniel 9:27

Pa jun chi c'u wukub (7) k'ij, ri are' cuban na jun c'ulwächinic cuc' e q'uia winak, pa u niq'uiajil c'ut ri wukub k'ij cätanabax na qui ya'ic ri tabal tok'ob xukuje' tak ri sipanic. Jun c'u xibibalalaj awasinic cäbantaj na chuwäch ri porobal ri queya' wi ri tabal tak tok'ob c'ä cakaj na ri sachbal wäch ri yo'm u bixic puwi' ri banal tak rech we xibibal ri'.’ ”

Ri Zacariy 1:19

Xinta' che ri tako'n aj caj ri cätajin cätzijon wuc' jas quel caquibij tak we e uc'a' ri', ri are' xutzelej u bixic chwe: “We e uc'a' tak ri' are caquiq'uexwächij ri qui cuinem ri xejabun ri Juda pa ronojel c'olbal, ri Israel xukuje' ri Jerusalen.”

Ri Zacariy 14:5

Are c'u ri ix quixanimaj na quitakej na ri beya' ri cacanaj chquixo'l ri juyub, ri copan na c'ä pa Azal, ri c'o ch'käp. Quixanimaj na ix jacha' ri xquiban ri e i mam xebanimaj rumal rech ri nimalaj cabrakan ri xc'ulmatajic aretak ri ajawinel Uziy cajawin pa Juda. Cäpe c'u na ri Ajawaxel ri nu Dios achilatal cumal ri jic xebin chuwäch.

Ri Matey 11:27

Conojel ri jastak xejachtaj chwe rumal ri nu Tat. Man c'o ta jun kas etamaninak u wäch ri C'ojolaxel, xane' xak xuwi ri Tataxel. Man c'o ta jun kas etamaninak u wäch ri Tataxel, xane' xak xuwi ri C'ojolaxel xukuje' jachin tak ri craj wi ri C'ojolaxel u ya'ic retamaxic chque.

Ri Matey 24:15

Ri Daniel ri k'axal tzij xutz'ibaj ri tz'ilalaj etzelal ri awas u banic pa ri k'ijilabal. Ri cäsiq'uinic ch'obonok: aretak ri ix quiwil ri xibibal tz'ilol pa ri k'ijilabal,

Marcos 13:14

Aretak c'u quiwil ri tz'ilalaj jasach pa ri c'olbal ri man takal ta wi che chi cac'oji' chila', (ri jun ri cusiq'uij we tzij ri', chuch'obo'), c'äte ri' ri e c'o pa Judey chebanimaj bic pa tak ri juyub.

Ri Lucax 10:22

Conojel ri jastak e jachom chwe rumal ri nu Tat. Man c'o ta jun reta'm jachin ri' ri C'ojolaxel, xuwi ri Tataxel reta'm. Mawi c'o jun reta'm jachin ri' ri Tataxel, xuwi ri C'ojolaxel xukuje' jachin chquiwäch ri C'ojolaxel cäraj cuc'ut wi.”

Ri Lucax 21:20

Aretak quiwil ri Jerusalen sutim rij cumal ajch'ojab, chich'obo' chi chanim cäsach na u wäch.

Ri Lucax 21:24

Quek'ok'ex na che ch'ich' re ch'o'j, jujun chi c'ut queyut bic quec'am bic pa conojel tak ri nimak tak tinimit; are c'u ri Jerusalen cätac'alex na cumal ri man aj judeyib taj, c'ä quetz'akatisax na ri qui k'ij ri man aj judeyib taj.”

Ri Xuan 1:18

Mawi jubik' c'o ta jun ilowinak ta u wäch ri Dios; are' c'u ri xa' jun chi C'ojolaxel, ri c'o pa uxcut ri Tataxel, are' ri xk'alajisanic.

U Camulixic ri Pixab 33:2

Jewa' ri u beya'l: “Ri Ajawaxel xel ulok pa Sinai; kas pa Seir xtunun wi ulok pakawi', xjuluw ulok pakawi' pa tak ri juyub re Paran xuchaplej pa Merib-cades; pa ri u wiquiak'ab cuc'am wi ulok ri k'ak' re ri pixab.

1 Tesalonicenses 3:13

Jeri' sibalaj c'o u chuk'ab ri iwanima', man c'o ta etzelal cäriktaj chiwij, ix tastalic tak winak chuwäch ri Dios ka Tat, aretak cäpe ri Kajaw Jesus e rachilam conojel ri tastalic tak winak ri e rech.

Hebreos 10:29

¡E ta c'u lo ri jun ri cäretzelaj u wäch ri u C'ojol ri Dios, man nim ta cäril wi ri quic' ri xbanow tastalic winak che are', are ri quic' re ri u c'ulwächinic ri Dios cuc' ri winak, o cuyok' ri Uxlabaxel ri cäbanow tok'ob chke, sibalaj c'ax na ri c'äjisabal u wäch ri jun ri jewa' cubano!

1 Pedro 1:12

Xk'alajisax c'u chquiwäch ri k'axal tak tzij, chi aretak cäquibij we jastak ri', man chquetaj e are quebajwataj wi, xane' chiwe ix. Are we jastak ri' quetzijox chiwe camic cumal ri winak ri cäquitzijoj ri tzij re colobal ib chiwe rumal ri Ruxlabal ri Dios ri takom ulok chicaj. E jastak wa' ri xcajtaj ri e tako'nib aj caj chi e are' taj xeilowic.

Ri Juds 1:14

Ri Enoc, are ri uwak rija'lil can ri Adan, xuk'axej chque ri winak ri u tzij ri Dios chquij we winak ri', xubij: “Chiwilampe' ri Ajawaxel petinak e rachilam q'ui mil tastalic tak winak ri e rech,

Apocalipsis 11:2

Mawetaj ri uwo ja ri c'o cho ri rachoch Dios, rumal rech chi yo'm chque ri man aj judeyib taj. Ri e are' cäquitac'alej na ri tastalicalaj tinimit cawinak quieb ic'.

Apocalipsis 6:10

Xquirak qui chi' ruc' chuk'ab, xquibij: “Ajawaxel, ri tastalic ri man cuban ta etzelal, xukuje' ri jic, ¿c'ä jampa' cäk'at la tzij paquiwi' ri e c'asal cho ri uwächulew? ¿C'ä jampa' cäya' la rajil u q'uexel ri ka quiq'uel chque?”

K'atal tak Tzij 13:18

Are c'u ri aj cajala tako'n xubij: “¿Jas che cawaj cawetamaj ri nu bi'? Jun c'utalic wa' ri man etamatal taj.”