Ri Daniel 7:9 - Quiché Bible

⁹ “Xintakej ca'yem, c'ä xecoj na jujun tak tem re ajawibal, xt'uyi' c'u jun Nim Winak. Ri ratz'iak sibalaj e sak jacha' ri sakalaj tew, ri u wi' jacha' ri ch'ajch'ojalaj rismal chij. Ri u tem re ajawibal xukuje' tak ri e u quetet e rak' k'ak',

Ri Daniel 7:9 ပူးပေါင်းရင်းမြစ်များ

Nabe Ajawinelab 22:19

Xutik chi c'ut ri Micaiy: “Rumal wa' we bim la ri', chtatabej la ri cubij ri Ajawaxel: Xinwil ri Ajawaxel t'uyul puwi' ri u tem re ajawinel, xukuje' conojel ri e c'o chicaj ri e tac'atoj, chunakaj, pa ri u wiquiak'ab pa ri u mox k'ab.

Ucab Tzijobelil 18:18

Ri Micaiy xutiko: “Rumal rech wa' we bim la chwe, tatabej alak ri u tzij ri Ajawaxel: Xinwil ri Ajawaxel t'uyul puwi' ri u tem re ajawibal, conojel c'ut ri e c'o chicaj, ri e tac'atoj, ruc', pa ri riquiak'ab xukuje' pa ri u mox k'ab.

Salmib 45:8

Ronojel ri atz'iak la u c'oc'al mir, ruxlab k'ol aloe xukuje' cane'l; cuc' rok'ibal tak arp cäquicotisax la cumal chquipam nimak tak ja re marpil quech elepant.

Salmib 90:2

C'ä majok cheq'uiy tak ri juyub, c'ä majok chc'oji' ri ulew xukuje' ri niq'uiajsak, pa tak ri k'ijol ojer petinak ulok c'ä pa ri q'uisbal tak k'ijol, lal lal Dios.

Salmib 93:2

Ri tem la re ajawibal co jekelic ojer petinak ulok, Ajawaxel. ¡Ri lal, ojer ulok lal c'olic!

Ri Isaiy 6:1

Pa ri junab aretak xcäm ri ajawinel U, xinwil ri Ajawaxel, t'uyul pa jun tem re ajawinel ri sibalaj naj elinak chicaj, ri u chi' ri u k'u' u nojisam u pam ri rachoch Dios.

Ri Isaiy 9:6

Rumal rech chi alam jun ac'al chke, ri Dios u yo'm jun c'ojolaxel chke, ri yo'm ronojel cuinem pa u k'ab che u k'atic tzij, are c'u tak u bi' wa' cäbix na: Mayibal pa tak ri cubano, Dios ri man ch'äcatajel taj, junalic tataxel, u c'ojol ajawinel ya'l jamaril.

Ri Jeremiy 49:38

Quincoj na ri nu tem re ajawibal pa Elam, quinban na chi quecäm tak ri e rajawinelab xukuje' ri e c'ämal tak u be. In, ri Ajawaxel quinjiquiba' u bixic.

Ri Ezequiel 1:26

Puwi' ri wocowic xinwil jun jasach jacha' jun tem re ajawibal ri je ta ne cäpe ri je'licalaj räx abaj ri zapir, puwi' c'u we tem re ajawibal ri' c'o jun jasach ri je ta ne u banic jun winak.

Ri Daniel 7:13

Ri in nu takem quilic tak we c'utwächinic ri' pa ri chak'ab ri', xak c'u c'ätetal: Xinwilo chi petinak jun pa tak ri sutz' ri je ta ne cäpe jun rija'l winak, xbe c'ut jawije' c'o wi ri Nim Winak; xoquisax c'u chuwäch.

Ri Daniel 7:22

c'ä xopan na ri Nim Winak xuban c'u suq'uil che ri u tinimit ri Dios ri sibalaj aj chicaj, tz'akatinak c'u ri k'ijol, rech ri u tinimit ri Dios cärechbej ri ajawibal.

Ri Miquey 5:2

Are c'u ri at Belen Eprat, man nim ta a k'ij chquixo'l ri nimak qui k'ij pa Juda, chawe at quel wi na jun takanel ri catakan na puwi' ri Israel ri petinak che jun ojer alaxic.”

Ri Habacuc 1:12

Ajawaxel, ¿la xa' pu ma ta lal jekel chbe k'ij sak, ri tastalicalaj nu Dios ri man cämel taj? Ajawaxel xukuje' to'l wech, lal lal yowinak qui chuk'ab ri aj caldeyib rech e are' quebanow ri suq'uilal la.

Ri Matey 17:2

Xq'uextaj c'u ri u wächbal ri Jesus chquiwäch; xjuluw ri u palaj je jas ri k'ij, ri ratz'iak xebux sakloloj je jas ri sakil.

Ri Matey 28:3

Ri rilic je u banic jun caypa'. Sakloloj ri ratz'iak je jas ri sak tew.

Marcos 9:3

Ri ratz'iak sibalaj xjuluwic, sibalaj sakloloj, jeri' chi man c'o ta jun ch'ajomanel cho ri uwächulew ri je ta qui sakarisaxic wa' cubano.

Hechos 2:30

Are c'u ri David k'axal tzij, xukuje' reta'm chi ri Dios u banom ri chi'nic ri kas cäban na pa ri u bi' chi jun chque ri e rija'lil cucoj na che ajawinel.

Hechos 2:33

Ri Jesus xwalijisaxic rech quet'uyul pa ri u wiquiak'ab ri Dios, xuc'am c'u che ri Tataxel ri Ruxlabal ri Dios ri chi'm ulok, ri xujachala' ri are'. Are' wa' ri ilom alak xukuje' e tatabem alak.

Filipenses 3:9

Xukuje' rech quinriktaj pa ri are'. Jeri' in suc' chic man rumal ta ri u nimaxic ri pixab, xane' rumal rech chi xincojon che ri Crist. Are suq'uil wa' cuya' ri Dios rumal ri cojonic.

1 Timoteo 6:16

ri xa' Jun ri man cäcäm taj, ri cäc'oji' pa ri sakil, ri man c'o ta jun cäcuinic cänakajin ruc', ri mawi ne jun winak ilowinak mawi cäcuinic cärilo. ¡Che ri are chyok wi ri nim ilic cumal conojel! ¡Ri are c'o u takanic ri man cäq'uis taj! Je chbanok.

1 Juan 1:5

Are tzijol wa' ri xujutijoj wi ri Jesucrist rech cakaya' c'u u bixic chiwe: chi ri Dios sakilal chi man c'o ta jun k'ekumalil ruc' ri are'.

Apocalipsis 1:14

Ri u wi' e sak niquinoj e jacha' ri rismal chij, je jas ri sakalaj tew. Ri e u bak'wäch e je jas ri rak' k'ak'.

Apocalipsis 19:18

rech quitij qui ti'jal ajawinelab, qui nimal tak ajch'ojab, xukuje' achijab ri c'o qui chuk'ab, quitij qui ti'jal quiej xukuje' ri e quiejeninak chquij, quitij qui ti'jal conojel chi tzokopitalic, chi lok'om tak pataninelab, chi ch'utik chi nimak.”

Apocalipsis 20:4

Xebenwil tak tem re ajawibal, xet'uyi' c'u paquiwi'. Ri xya' takanic pa qui k'ab rech cäquik'at tzij. Xukuje' xebenwil ri qui c'aslibal ri xesax qui jolom rumal rech ri u k'alajisaxic ri Jesus xukuje' rumal rech ri u tzij ri Dios. Ri e are' man xquik'ijilaj ta ri itzel awaj, mawi ri u wächbal, man xquic'am ta quetal cho ri u metz'al ri qui palaj mawi cho ri qui k'ab. Xinwil c'ut chi xec'asi' chi jumul, quebajawin c'u ruc' ri Crist jun mil junab.

Apocalipsis 4:2

Chanim xinc'oji' pa ri Uxlabaxel. Xinwil jun tem re ajawibal ri yo'm pa ri caj, c'o c'u jun t'uyul puwi'.